فەرموودە: کاتێک یەکێکتان دەگاتە لای کۆمەڵێک؛ با سەلامیان لێبکات، وئەگەر ویستی هەستێت؛ با سەلامیان لێبکات، چونکە سەلامکردنی یەکەم شایستەى زیاتری نییە لە سەلامکردنی کۆتایی

عَنْ أَبِي هُرَيْرَةَ، قَالَ: قَالَ رَسُولُ اللَّهِ -صَلَّى اللهُ عَلَيْهِ وَسَلَّمَ-: «إذا انْتَهى أَحَدُكُم إلى المجْلِسِ فَلْيُسَلِّم، فإذا أرادَ أن يقومَ فَلْيُسَلِّمْ، فَلَيْسَت الأُولَى بأحَقَّ مِن الآخِرَةِ».
[صحيح] - [رواه أبو داود والترمذي والنسائي في الكبرى وأحمد]

ئەم وەرگێڕاوە پێویستی بە پێداچوونەوە و وردبوونەوەی زیاتر هەیە.

لە ئەبی هورەیرەوە -ڕەزای خوای لێبێت- کە پێغەمبەری خودا -صلى اللە علیە وسلم- دەفەرموێت: «کاتێک یەکێکتان دەگاتە لای کۆمەڵێک؛ با سەلامیان لێبکات، وئەگەر ویستی هەستێت (جێیان بهێڵێت)؛ با سەلامیان لێبکات، چونکە سەلامکردنی یەکەم شایستەى زیاتری نییە لە سەلامکردنی کۆتایی (ماڵئاوایی)».
[صەحیحە] - [نەسائی گێڕاویەتیەوە]

شیکردنەوە

ئەم فەرموودەیە ڕوونکردنەوەی ئادابێک لە ئادابەکانى ئاینی ئیسلامی تێدایە، وئەویش ئەوەیە ئەگەر کەسێک بگات بە لای کۆمەڵێک یان دانیشتنێک ئەوا پێویستە سەلامیان لێبکات وئەگەر ویستی هەستێت وجێیان بهێڵێت ئەوا دیسانەوە پێویستە سەلامیان لێبکات، چونکە پێغەمبەر -صلى اللە علیە وسلم- فەرمانی بەمە کردووە وفەرموو: چونکە سەلامکردنی یەکەم شایستە وپاداشتى زیاتری نییە لە سەلامکردنی کۆتایی -ماڵئاوایی-، واتا هەروەکو چۆن گەیشتیت سەلامتکرد بەهەمان شێوە ئەگەر ماڵئاواییت کرد سەلام بکە، وئەگەر مرۆڤ بچێتە ناو مزگەوتی پێغەمبەر -صلى اللە علیە وسلم- ئەوا سەلامی لێدەکات وئەگەر مزگەوتەکەى بەجێهێشت ئەوا دیسانەوە سەلامی لێدەکات، یەکەم سەلامکردنی ماناى ئەوە دەگەیەنێت کە ئەو کۆمەڵە یان دانیشتنە سەلامەت دەبن لە زیانی وئازاریان نادات بە هیچ شێوەیەک وهەروەها سەلامی ماڵئاوایی ئەوە دەگەیەنێت کە ئەو کۆمەڵە سەلامەت دەبن وزیانیان پێناگەیەنێت لە کاتی ئامادەنەبوونی لە نێو ئەو کۆمەڵەدا، وئەمیش ئەوپەڕی کامڵی وجوانی شەریعەت دەردەخات چونکە ئەو کەسەی تازە دێت وئەوەى ماڵئاوایی دەکات هەمان حوکمیان هەیە لەم بابەتەدا وبۆ ئەوەى ئەو کۆمەڵە دڵنیا وئارام ببنەوە بەم سەلامکردنانە وبۆ ئەوەى پاداشتی زیاتریان دەستبکەوێت بەهۆی سەلامکردنەوە، ئەم شەریعەتە لایەن خودای حەکیم (دانا) وزاناوە نێردراوە بۆیە پڕە لە حیکمەت ودانایی زانست وسوود بۆ مرۆڤەکان.