Hadithi: Umwe muri mwe nahura n'umuvandimwe we ajye amusuhuza, nibatandukanywa n'igiti cyangwa se urukuta cyangwa se ibuye bakongera guhura ajye yongera amusuhuze

عَنْ أَبِي هُرَيْرَةَ رضي الله عنه عَنْ رَسُولِ اللَّهِ صَلَّى اللهُ عَلَيْهِ وَسَلَّمَ قَالَ:
«إِذَا لَقِيَ أَحَدُكُمْ أَخَاهُ فَلْيُسَلِّمْ عَلَيْهِ، فَإِنْ حَالَتْ بَيْنَهُمَا شَجَرَةٌ أَوْ جِدَارٌ أَوْ حَجَرٌ ثُمَّ لَقِيَهُ فَلْيُسَلِّمْ عَلَيْهِ أَيْضًا».
[صحيح] - [رواه أبو داود] - [سنن أبي داود: 5200]

Hadith yaturutse kwa Abi Hurayrat (Imana imwishimire) yavuze ko Intumwa y'Imana (Imana iyihe amahoro n'imigisha) yavuze iti:
"Umwe muri mwe nahura n'umuvandimwe we ajye amusuhuza, nibatandukanywa n'igiti cyangwa se urukuta cyangwa se ibuye bakongera guhura ajye yongera amusuhuze."
[Hadithi y'impamo] - [Yakiriwe na Abu Dawudi] - [Sunani Abu Dawudi - 5200]

Ibisobanuro birambuye.

Intumwa y'Imana (Imana iyihe amahoro n'imigisha) yashishikarije umuyisilamu kwifuriza umuvandimwe we w'umuyisilamu indamutso y'amahoro buri uko bahuye, n'igihe baba bari mu nzira bagenda, bagatandukanywa n'icyo ari cyo cyose nk'igiti cyangwa se urukuta cyangwa se ibuye rinini, bakongera guhura ajye amusuhuza nanone indamutso y'amahoro ku yindi nshuro.

Zimwe mu nyungu dukura muri Hadithi.

1. Gushishikariza gusuhuzanya indamutso y'amahoro, no kuyisubiramo mu gihe hari impinduka zibayeho.
2. Intumwa y'Imana (Imana iyihe amahoro n'imigisha) yari ishishikajwe no gukwiza umugeno wo kwifurizanya indamutso y'amahoro no kuyikwiza hose, kubera ko byongera urukundo n'ubumwe hagati y'abayisilamu.
3. Indamutso y'amahoro ni ukuvuga uti: (A-SALAAM ALAYKUM) cyangwa se (A-SALAAM ALAYKUM WARAHMATULLAH WABARAKATUH), bitari uguhana ibiganza kuko byo bibaho iyo abantu bahuye bwa mbere.
4. Indamutso y'amahoro ni ubusabe, kandi abayisilamu bacyeneye gusabirana ibyiza, kabone n'iyo babisubiramo kenshi.