हदीस: जब तिमीहरूमध्ये कोही आफ्नो भाइलाई भेट्छौ भने, उसलाई सलाम (अभिवादन) गरोस्। अनि यदि तिनीहरूको बीचमा कुनै रूख, पर्खाल वा ढुङ्गा आउँछ र ऊ उसलाई (फेरि) भेट्छ भने, उसलाई पुन: अभिवादन गरोस्।

عَنْ أَبِي هُرَيْرَةَ رضي الله عنه عَنْ رَسُولِ اللَّهِ صَلَّى اللهُ عَلَيْهِ وَسَلَّمَ قَالَ:
«إِذَا لَقِيَ أَحَدُكُمْ أَخَاهُ فَلْيُسَلِّمْ عَلَيْهِ، فَإِنْ حَالَتْ بَيْنَهُمَا شَجَرَةٌ أَوْ جِدَارٌ أَوْ حَجَرٌ ثُمَّ لَقِيَهُ فَلْيُسَلِّمْ عَلَيْهِ أَيْضًا».
[صحيح] - [رواه أبو داود] - [سنن أبي داود: 5200]

अबू-हुरैरह (रजियल्लाहु अन्हु) ले बयान गर्नु भएको छ, रसूल (सल्लल्लाहु अलैहि वसल्लम) ले भन्नुभयो :
"जब तिमीहरूमध्ये कोही आफ्नो भाइलाई भेट्छौ भने, उसलाई सलाम (अभिवादन) गरोस्। अनि यदि तिनीहरूको बीचमा कुनै रूख, पर्खाल वा ढुङ्गा आउँछ र ऊ उसलाई (फेरि) भेट्छ भने, उसलाई पुन: अभिवादन गरोस्।"
[सही] - [अबू दाऊदले वर्णन गरेका छन्] - [सुनन अबी दाउद - 5200]

व्याख्या

नबी (सल्लल्लाहु अलैहि वसल्लम) ले एक मुस्लिमलाई आफ्नो भाइलाई भेट्दा अभिवादन गर्न प्रोत्साहित गर्नुभयो। यदि ती दुई जना सँगै हिंडिरहेका छन् र बीचमा रूख, पर्खाल वा ठूलो ढुङ्गा आयो भने फेरि भेट्दा अभिवादन गर्नुपर्छ।

हदीसका केही फाइदाहरू

1. सलाम फैलाउनु (मुस्तहब) हो, प्रत्येक पटक भेट्दा सलाम गर्नु ।
2. नबी (सल्लल्लाहु अलैहि वसल्लम) कडा रुपमा सलाम फैलाउन प्रयास गर्नुहुन्थ्यो, किनकि यसले मुस्लिमहरूमाझ प्रेम र एकता सिर्जना गर्दछ।
3. सलाम (अभिवादन) भनेको "अस्-सलामु अलैकुम" वा "अस्-सलामु अलैकुम वा रहमतुल्लाही वा बरकातुहु" भन्नु हो। यसमा हात मिलाउनु (मुसाफह) समावेश छैन, जुन पहिलो पटक भेट्दा गरिन्छ।
4. सलाम दुआ हो र मुस्लिमहरू एक अर्कोलाई दुआ दिनु आवश्यक छ, चाहे यो बारम्बार नै किन नहोस् ।