Hadiis: Yãmb yembr sã n seg a ma-biig sẽn yaa lɩslaam bɩ a ning-a sallem, la tɩɩga maa lalga maa kugr sã n lill b yiibã sʋka, rẽ poorẽ t'a yek-a bɩ a ning-a sallem yεsa

عَنْ أَبِي هُرَيْرَةَ رضي الله عنه عَنْ رَسُولِ اللَّهِ صَلَّى اللهُ عَلَيْهِ وَسَلَّمَ قَالَ:
«إِذَا لَقِيَ أَحَدُكُمْ أَخَاهُ فَلْيُسَلِّمْ عَلَيْهِ، فَإِنْ حَالَتْ بَيْنَهُمَا شَجَرَةٌ أَوْ جِدَارٌ أَوْ حَجَرٌ ثُمَّ لَقِيَهُ فَلْيُسَلِّمْ عَلَيْهِ أَيْضًا».
[صحيح] - [رواه أبو داود] - [سنن أبي داود: 5200]

Yii a Abɩɩ Hurayra nengẽ, (Wẽnd yard be a yĩnga), tɩ yii Wẽnd Tẽn-tʋʋm nengẽ, (Wẽnd pʋʋsg la A tɩlgr be a yĩnga) a yeelame:
«Yãmb yembr sã n seg a ma-biig sẽn yaa lɩslaam bɩ a ning-a sallem, la tɩɩga maa lalga maa kugr sã n lill b yiibã sʋka, rẽ poorẽ t'a yek-a bɩ a ning-a sallem yεsa».
[Naṣʋn Ṣahɩɩhʋn (Gom-sikdem sẽn manege)] - [A Abʋʋ Daawʋʋd n togs-a] - [Sunan Abɩɩ Daawʋʋd - 5200]

bilgrã

Nabiyaamã pirsdame (Wẽnd pʋʋsg la A tɩlgr be a yĩngɑ) lɩslaama, t'a sã n seg a ma-biig fãɑ sẽn yaa lɩslaam, baa tɩ b yiibã rag n kẽnda ne taaba, tɩ gɩdr bilf zĩnd b sʋka, wala tɩɩga maa lalga maa kug bedre, rẽ poorẽ t'a yek-a bɩ a ning-a sallem yεsa.

Sẽn be Hɑdiisã yõod-rãmbẽ

1. B maana nonglem tɩ b sẽeg sallem ningri la b yɩlm-a halhaal toeeng buud fãa.
2. Nabiyaamã yã-beedã keelem (Wẽnd pʋʋsg la A tɩlgr be a yĩngɑ) tɩ b sẽeg sallemã Sunnah, la b maan-a t'a ta, bala be a pʋgẽ sẽn yaa nonglem la minim-taab lɩslaambã ne tɑɑb sʋkɑ.
3. Sallemã yẽnda la: (As-salaamu ʿalaykum) maa (As-salaamu ʿAlaykoum Wa Rahmatʋllaah wa barakaatʋhʋʋ), lɑ pɑ nugã yõkr ning sẽn yɩt pipi y sẽn wɑt n yek tɑɑbɑ ye.
4. Sallemã ningr yaa doaag mɑɑnego, la lɩslaambã tara tʋlsem ne b maan doos n kõ taaba, baa tɩ rẽ sã n yɩlemdẽ.