Hadiis: Wẽnd yeelame: Adem-biig tʋʋmã fãa yaa yẽ n so, rẽnda a no-loeerã, ad yẽnda yaa Maam n so la Maam n yaood yẽ

عَنْ أَبِي هُرَيْرَةَ رَضِيَ اللَّهُ عَنْهُ قَالَ: قَالَ رَسُولُ اللَّهِ صَلَّى اللهُ عَلَيْهِ وَسَلَّمَ:
«قَالَ اللَّهُ: كُلُّ عَمَلِ ابْنِ آدَمَ لَهُ، إِلَّا الصِّيَامَ، فَإِنَّهُ لِي وَأَنَا أَجْزِي بِهِ، وَالصِّيَامُ جُنَّةٌ، وَإِذَا كَانَ يَوْمُ صَوْمِ أَحَدِكُمْ فَلاَ يَرْفُثْ وَلاَ يَصْخَبْ، فَإِنْ سَابَّهُ أَحَدٌ أَوْ قَاتَلَهُ، فَلْيَقُلْ إِنِّي امْرُؤٌ صَائِمٌ، وَالَّذِي نَفْسُ مُحَمَّدٍ بِيَدِهِ، لَخُلُوفُ فَمِ الصَّائِمِ أَطْيَبُ عِنْدَ اللَّهِ مِنْ رِيحِ المِسْكِ، لِلصَّائِمِ فَرْحَتَانِ يَفْرَحُهُمَا: إِذَا أَفْطَرَ فَرِحَ، وَإِذَا لَقِيَ رَبَّهُ فَرِحَ بِصَوْمِهِ».
[صحيح] - [متفق عليه] - [صحيح البخاري: 1904]

Yii a Abɩɩ Hʋrayrat nengẽ (Wẽnd yard be a yĩnga) a yeelame: Wẽnd Tẽn-tʋʋma (Wẽnd pʋʋsg la A tɩlgr be a yĩnga) yeelame:
«Wẽnd yeelame: Adem-biig tʋʋmã fãa yaa yẽ n so, rẽnda a no-loeerã, ad yẽnda yaa Maam n so la Maam n yaood yẽ, la no-loeerã yaa gãongo, la yãmb kɑm fãɑ no-loeer raare, bɩ ɑ ra maan kẽed-n-taar ye la a rɑ pãb no-pend ye, la ned sã n tʋ-a maa zab ne-a, bɩ a yeele: ad mam yaa ned sẽn loe noore. Lɑ mɑm wẽenda ne a Mʋhammad yõorã sẽn be Naab ningã nugẽ wã, no-loεt noorã yũug Wẽnd nengẽ ɑ noomame yɩɩd misk yũugu, no-loεt tara sũ-nood a yiibu, n kɩdemd ne-ba: a sã n wa kao noorã a kɩdemdame, la a sã n seg a Soabã, a kɩdemda ne a no-loeerã».
[Naṣʋn Ṣahɩɩhʋn (Gom-sikdem sẽn manege)] - [B zemsa taab a zugu (A Al-Bʋẖaariy la a Muslim n reeg-a)] - [Ṣahɩɩh Al-Bʋẖaary - 1904]

bilgrã

Nabiyaamã kõo kibare (Wẽnd pʋʋsg la A tɩlgr be a yĩngɑ) tɩ ad Wẽnde (A Naam zẽk yã) yeta hadiis ƙudsi pʋgẽ:
Adem-biig tʋʋmã fãa, b fãagd-b lame yel-sõma piiga n tʋg n tãag kobs-yopoe, rẽnda a no-loeerã, ad yẽnda yaa Maam n so, maan-tɩ-b-yã ka zĩndid beenẽ, la Maam n yaood yẽ, n welg M Meng ne yel-sõmdã alkadrã bãngre, la a yel-sõmã wã fãoobo.
Rẽ poorẽ t'a yeele (la no-loeerã yaa gãongo) la gũubu la lillgu, lɑ kãdeng n yi Bugmã; bala a yaa yõk-m-meng n yi yamleoodã lɑ lʋɩɩse zũnuub-rãmbẽ wã , la Bugmã gũbga ne yamleoodã.
(La yãmb yem kɑm fãɑ no-loeer raare, bɩ ɑ rɑ maan kẽed-n-taare ye) la a yel-tɩʋʋdsã, la a ra gom gom-yood baa fʋɩ.
(La a ra pãb no-pend ye) ne zabr la bʋʋr maanego.
(Lɑ ned sã n tʋ-a maa a zaba ne-a) Ramdaanã pʋgẽ (bɩ a yeele: ad mam yaa ned sẽn loe noore) tõe t'a yõk a meng n bas-a, la a sã kell bala n nadgdẽ tɩ rẽndame tɩ yẽ zab ne-a sɩd-sɩda, a modgdame n gɩdg-a ne bũmb ninga sẽn yaa faag n yɩɩda, halɩ n wa tʋg n ta yẽ me sẽn tõe n maan tεka, wala ned ning sẽn baood n na n kʋ-f tɩ tεεd-ɑ to-to wã.
Rẽ poorẽ tɩ Nabiyaamã (Wẽnd pʋʋsg la A tɩlgr be a yĩngɑ) wẽen ne yẽ yõorã sẽn be Naab ningã nugẽ wã, tɩ ad no-loεt noorã yũug toeengo Wẽnd nengẽ n yɩɩd noom dũni yikr raarã misk yũugã yãmb nengẽ, la a yel-somdã leb n yɩɩda misk b sẽn mɑɑn nonglem ne-ɑ tigsgã zĩisẽ lɑ zɩkrã zĩisẽ wã.
La no-loεt tara sũ-nood a yiibu, n kɩdemd ne-ba: a sã n wa kao noorã a kɩdemdame, a komã la a ko-yũudã sẽn loogã, bala b kõ-a-la sore t'a kao a noorã, la a kɩdem ne a no-loeerã la a tũudumã pidbu, la a Soabã sẽn yols-a, la A sõng-a t'a sεg a no-loeerã.
(La a sã n sεg a Soabã, a kɩdemda ne a no-loeerã) ne yaoodã la yel-sõmdã.

Sẽn be Hɑdiisã yõod-rãmbẽ

1. Wilgda no-loeerã yɩɩdlem, la ad a gũuda a soabã dũni kaanẽ n yi yamleoodo, la laahrã n yi Bugmã nango.
2. Sẽn be no-loeerã zʋgdẽ, yaa bas gom-yood la gom-yaalse, la sugr maaneg n reeg nebã nango, la wẽnsã segb ne sugr la manegre.
3. No-loεta maa Wẽnd tũuda, b sã n kɩdem b tũudmã pidb la a baasg yĩnga, woto ka boogd a keoorã laahr ye.
4. Kɩdeng sẽn pidi, yẽ yaa Wẽnd sεgbã (A Naam zẽk yã) wakat ning b sẽn pidsd n kõ sugrã rãmb la no-loεtbã b keoorã tɩ ka tũ ne geelg ye.
5. Togs Nebã tũudumã, tɩ tʋlsem la manegr sã n beẽ, ɑ pɑ maan-tɩ-b-yã ye, ne Nabiyaamã sẽn yeele: (Ad mam yaa ned sẽn loe noore).
6. No-loεt no-loeer sẽn pidi, yaa yẽ la yĩn-wilã sẽn loe n yi zũnuub-rãmba, t'a zelemdã (loe) n yi zĩri-beedo la gom-wẽnse, la kaset zĩri maanego, t'a pʋgã (loe) n yi rɩɩb la yũubu.
7. Yaa kengr sẽn wilgd tɩ gom-yood la zabr la no-pend no-loeerã wakat gɩdgame, la zẽng sẽn ka no-loεt me b gɩdg-a lame yεsa n yi woto.
8. Hadiis-kãngã bee hadiis-rãmb nins Nabiyaamã (Wẽnd pʋʋsg la A tɩlgr be a yĩnga) sẽn togsde, tɩ yaa sẽn yi a Soabã nengẽ, b boond-a lame tɩ hadiis Ƙudsy (hadiis yɩlenga) maa hadiis ɭlaahy (Wẽnd hadiisi) yẽ me la hadiis ninga, a gom-biisã la a maanã wã yii Wẽnd nengẽ, la mikame t'a ka tar Alkʋrãanã sẽn tar yεl ninsã ye, b sẽn tũud Wẽnd ne a karengã, la yɩlgd a yĩnga la a leb n geesdẽ la a komsd nebã tɩ b ka tõe n wa ne a buudu la zẽng sẽn ka rẽndã, hadiis ƙudsy wã ka tar rẽ ye.