Hadiis: Ad arzãnã pʋgẽ, ragnoor n be tɩ b boond tɩ Ar-Rayyaan (yũ-n-tɩge), tɩ no-loεtbã tũud beenẽ n kẽed dũni yikr raarã, ning-zẽng ka kẽed beenẽ, rẽnda bãmbã

عَنْ ‌سَهْلٍ رَضِيَ اللهُ عَنْهُ عَنِ النَّبِيِّ صَلَّى اللهُ عَلَيْهِ وَسَلَّمَ قَالَ:
«إِنَّ فِي الْجَنَّةِ بَابًا يُقَالُ لَهُ الرَّيَّانُ، يَدْخُلُ مِنْهُ الصَّائِمُونَ يَوْمَ الْقِيَامَةِ، لَا يَدْخُلُ مِنْهُ أَحَدٌ غَيْرُهُمْ، يُقَالُ: أَيْنَ الصَّائِمُونَ، فَيَقُومُونَ لَا يَدْخُلُ مِنْهُ أَحَدٌ غَيْرُهُمْ، فَإِذَا دَخَلُوا أُغْلِقَ، فَلَمْ يَدْخُلْ مِنْهُ أَحَدٌ».
[صحيح] - [متفق عليه] - [صحيح البخاري: 1896]

Yii a Sahl nengẽ (Wẽnd yard be ɑ yĩngɑ) tɩ yii Nabiyaamã nengẽ (Wẽnd pʋʋsg la A tɩlgr be a yĩngɑ) a yeelame :
«Ad arzãnã pʋgẽ, ragnoor n be tɩ b boond tɩ Ar-Rayyaan (yũ-n-tɩge), tɩ no-loεtbã tũud beenẽ n kẽed dũni yikr raarã, ning-zẽng ka kẽed beenẽ, rẽnda bãmbã, b yetame: no-loεtbã bεε? Tɩ b yik n yals, ned ka kẽed ragno-kãngã zẽng sẽn ka bãmb ye, b sã n wa kẽ n sε, p pagda ragnoorã, tɩ ned baa a yembr ka kẽed-a ye».
[Naṣʋn Ṣahɩɩhʋn (Gom-sikdem sẽn manege)] - [B zemsa taab a zugu (A Al-Bʋẖaariy la a Muslim n reeg-a)] - [Ṣahɩɩh Al-Bʋẖaary - 1896]

bilgrã

Nɑbiyɑɑmã (Wẽnd pʋʋsg lɑ A tɩlgr be ɑ yĩngɑ) kõo kibare, tɩ ragnoor n be arzãn ragnoy wã tɩ b boond tɩ yũ-n-tɩge, tɩ no-loεtbã tũud beenẽ n kẽedẽ, ned baa a yembr ka kẽed beenẽ, rẽnda bãmbã, b boondame n sokdẽ,: no-loεtbã bεε? Tɩ b yik n tɩ kẽ, b sã n wa kẽ n sε, b pagdame, tɩ nin-zẽng ka kẽed b poorẽ ye.

Sẽn be Hɑdiisã yõod-rãmbẽ

1. An-nawawiy (Wẽnd na yols-a) a yeelame: Bee hadiis-kãngã pʋga, no-loeer yɩɩdlem, la no-loεbã waoogre.
2. Wẽnd welga ragnoor n kõ no-loεtbã, sẽn yi arzãn ragnoy a nii wã pʋgẽ, b sã n wa kẽ n sε, b pagd-a lame.
3. Wilgdame tɩ arzãnã tara ragnoya.
4. A As-Sindiy yeelame (Wẽnd na yols-a): A sẽn yeel tɩ :(no-loεtbã bεε wã), rat n na n yeele, sẽn wʋsgd b no-loeerã, tɩ yaa wala tẽeg tɩrg soaba, la wẽgda, b yeta woto ned ning sẽn wʋsgd tʋʋm-kãensã, ka ned ning sẽn maand-a wakat la a basd-a wakat a to ye.
5. (Ar-rayaan "yũu-n-tɩge".) rat n na n yeel tɩ yaa ned ning sẽn yũud n tɩge, bala no-loεtbã, yaa ko-yũud n paamd-ba, sẽn tʋg n yɩɩda yaa tʋʋlgã sasa, wĩndgã sẽn wogem n yaa tʋʋlgã, rẽnd b na n rol-b lame, ne b sẽn na n rɩk ragno-kãngã n pʋd bũmb ning sẽn welg toore, ne bãmbã, tɩ yũ-n-tɩg ragnoore. La b leb n yeelame tɩ b pʋd-a-la woto bala a yaa ragnoor b sẽn na n rol no-loεtbã b ko-yũudã la b komã yĩnga.