Hadithi: Kur ndokush e takon vëllanë e tij, le t’i japë selam. Nëse një pemë, një mur ose një gur i ndan ata e pastaj takohen përsëri, le t’i japë selam edhe atëherë

عَنْ أَبِي هُرَيْرَةَ رضي الله عنه عَنْ رَسُولِ اللَّهِ صَلَّى اللهُ عَلَيْهِ وَسَلَّمَ قَالَ:
«إِذَا لَقِيَ أَحَدُكُمْ أَخَاهُ فَلْيُسَلِّمْ عَلَيْهِ، فَإِنْ حَالَتْ بَيْنَهُمَا شَجَرَةٌ أَوْ جِدَارٌ أَوْ حَجَرٌ ثُمَّ لَقِيَهُ فَلْيُسَلِّمْ عَلَيْهِ أَيْضًا».
[صحيح] - [رواه أبو داود] - [سنن أبي داود: 5200]

Ebu Hurejra (Allahu qoftë i kënaqur me të!) transmeton se i Dërguari i Allahut ﷺ ka thënë:
"Kur ndokush e takon vëllanë e tij, le t’i japë selam. Nëse një pemë, një mur ose një gur i ndan ata e pastaj takohen përsëri, le t’i japë selam edhe atëherë."
[Ky hadith është sahih] - [E shënon Ebu Davudi] - [Suneni i Ebu Davudit - 5200]

Shpjegimi

Profeti ﷺ në këtë hadith e inkurajon muslimanin t'i japë selam vëllait të tij musliman sa herë që e takon, edhe nëse ata ecin bashkë dhe një pengesë, bie fjala, një pemë, mur ose gur i madh i ndan. Kur ata takohen sërish, i japin selam njëri-tjetrit.

Mësime nga hadithi

1. Rekomandohet përhapja e selamit dhe përsëritja e tij sa herë që ndryshon situata.
2. Kujdesi i madh i Profetit ﷺ për përhapjen e sunetit të selamit dhe zellin e tij në këtë çështje, për shkak të dashurisë dhe afrimit që sjell mes muslimanëve.
3. Selami është të thuash: "Es Selamu alejkum", ose: "Es Selamu alejkum ue rahmetullahi ue berakatuhu", dhe nuk përfshin shtrëngimin e duarve që ndodh kur takohesh për herë të parë.
4. Selami është lutje dhe muslimanët kanë nevojë të luten për njëri-tjetrin, edhe nëse kjo përsëritet shpesh.