فەرموودە: ئاڤرمیشی و دیباجی نه‌كه‌نه‌ به‌ر خۆ و د ئامانێن زێڕ و زیڤیدا ئاڤێ ڤه‌نه‌خۆن و د واندا خوارنێ ژی نه‌خۆن، چونكی ئه‌و ل دونیایێ بۆ وانه‌ و ل ئاخره‌تێ بۆ مه‌نه‌

عَن عَبْدِ الرَّحْمَنِ بْنِ أَبِي لَيْلَى أَنَّهُمْ كَانُوا عِنْدَ حُذَيْفَةَ، فَاسْتَسْقَى فَسَقَاهُ مَجُوسِيٌّ، فَلَمَّا وَضَعَ القَدَحَ فِي يَدِهِ رَمَاهُ بِهِ، وَقَالَ: لَوْلاَ أَنِّي نَهَيْتُهُ غَيْرَ مَرَّةٍ وَلاَ مَرَّتَيْنِ -كَأَنَّهُ يَقُولُ: لَمْ أَفْعَلْ هَذَا-، وَلَكِنِّي سَمِعْتُ النَّبِيَّ صَلَّى اللهُ عَلَيْهِ وَسَلَّمَ يَقُولُ:
«لاَ تَلْبَسُوا الحَرِيرَ وَلاَ الدِّيبَاجَ، وَلاَ تَشْرَبُوا فِي آنِيَةِ الذَّهَبِ وَالفِضَّةِ، وَلاَ تَأْكُلُوا فِي صِحَافِهَا، فَإِنَّهَا لَهُمْ فِي الدُّنْيَا وَلَنَا فِي الآخِرَةِ».
[صحيح] - [متفق عليه] - [صحيح البخاري: 5426]

عه‌بدولڕه‌حمانێ كوڕێ ئه‌بو له‌یلای دبێژیت: ئه‌و ل ده‌ڤ حوزه‌یفه‌ی بوون، ئینا حوزه‌یفه‌ی داخوازا ئاڤێ كر و مه‌جووسییه‌كی ئاڤ بۆ ئینا، ده‌مێ په‌رداخ دایه‌ ده‌ستێ وی؛ حوزه‌یفه‌ی په‌رداخ هاڤێتێ و گۆت: ئه‌گه‌ر من جاره‌كێ و دوو جاران ژی ئه‌و ژ ڤی كاری پاشڤه‌نه‌بربا‌ -هه‌روه‌كی یێ دبێژیت: من ئه‌ڤ چه‌نده‌ ل به‌رامبه‌ری وی نه‌دكر-، به‌لێ من گوھ ل پێغه‌مبه‌ری (صه‌لات و سه‌لامێن خودێ ل سه‌ر بن) بوو دگۆت:
«ئاڤرمیشی و دیباجی نه‌كه‌نه‌ به‌ر خۆ و د ئامانێن زێڕ و زیڤیدا ئاڤێ ڤه‌نه‌خۆن و د واندا خوارنێ ژی نه‌خۆن، چونكی ئه‌و ل دونیایێ بۆ وانه‌ و ل ئاخره‌تێ بۆ مه‌نه‌».
[صحيح] - [متفق عليه] - [صحيح البخاري - 5426]

شیکردنەوە

پێغه‌مبه‌ری (صه‌لات و سه‌لامێن خودێ ل سه‌ر بن) زه‌لام پاشڤه‌برن كو جلكێ ئاڤرمیشی ب هه‌می جۆرێن خۆڤه‌ بكه‌نه‌ به‌ر خۆ. و زه‌لام و ژن پاشڤه‌برن ژ خوارن و ڤه‌خوارنێ د ناڤ ئامان و ترارێن زێڕ و زیڤیدا. به‌حسێ هندێ ژی كر كو ل ڕۆژا قیامه‌تێ ئه‌و ئامان ب تنێ بۆ باوه‌ردارانه‌؛ چونكی وان د دونیایێدا ژ به‌ر گوهدارییا خودێ خۆ ژێ دویر كربوو، به‌لێ ل ئاخره‌تێ ئه‌و ئامان و ترار بۆ كافران نینن؛ چونكی وان له‌ز د خۆشییێن خۆدا كر، ئه‌ڤه‌ ژی ب بكارئینانا وان د ژیانا دونیایێدا و سه‌رپێچیكرنا فه‌رمانا خودێ.

لە سوودەکانی فەرموودەکە

1. حه‌رامبوونا لبه‌ركرنا ئاڤرمیش و دیباجی بۆ ڕه‌گه‌زێ نێر و گه‌فه‌كا دژوار بۆ وی كه‌سێ دكه‌ته‌ به‌ر خۆ.
2. دروسته‌ ژن ئاڤرمیش و دیباجی بكه‌نه‌ به‌ر خۆ.
3. حه‌رامبوونا خوارن و ڤه‌خوارنێ د ئامان و ترارێن زێڕ و زیڤیدا بۆ نێر و مێیان وه‌كی ئێك.
4. توندبوونا حوزه‌یفه‌ی (خودێ ژێ ڕازی بیت) د لۆمه‌كرنێدا و ئه‌گه‌ر و هێجه‌تا وی ئه‌و بوو كو وی پتر ژ جاره‌كێ ئه‌و كه‌س ژ بكارئینانا ئامانێن زێڕ و زیڤی پاشڤه‌بربوو، به‌لێ ئه‌و نه‌هاته‌ سه‌ر چ ڕێكان و ده‌ست ژ وی كاری به‌رنه‌دان.