Ab Adiis: Bu leen sol suwaa walla sooy, bu leen naan ci ndabal wurus mbaa xaalis, te bu leen lekk ci ay boolam, ndax ñoom la ñeel fii ci àdduna, waaye nun la ñeel fële ca àllaaxira

عَن عَبْدِ الرَّحْمَنِ بْنِ أَبِي لَيْلَى أَنَّهُمْ كَانُوا عِنْدَ حُذَيْفَةَ، فَاسْتَسْقَى فَسَقَاهُ مَجُوسِيٌّ، فَلَمَّا وَضَعَ القَدَحَ فِي يَدِهِ رَمَاهُ بِهِ، وَقَالَ: لَوْلاَ أَنِّي نَهَيْتُهُ غَيْرَ مَرَّةٍ وَلاَ مَرَّتَيْنِ -كَأَنَّهُ يَقُولُ: لَمْ أَفْعَلْ هَذَا-، وَلَكِنِّي سَمِعْتُ النَّبِيَّ صَلَّى اللهُ عَلَيْهِ وَسَلَّمَ يَقُولُ:
«لاَ تَلْبَسُوا الحَرِيرَ وَلاَ الدِّيبَاجَ، وَلاَ تَشْرَبُوا فِي آنِيَةِ الذَّهَبِ وَالفِضَّةِ، وَلاَ تَأْكُلُوا فِي صِحَافِهَا، فَإِنَّهَا لَهُمْ فِي الدُّنْيَا وَلَنَا فِي الآخِرَةِ».
[صحيح] - [متفق عليه] - [صحيح البخاري: 5426]

Jële nañu ci Abdur Rahmaan ibn Abii Laylaa mu ne ñoom dañoo nekkoon ci Husayfata, mu sàkku ku ko may mu naan, ab Majuus jox ko mu naan, ba mu tegee këll bi ci loxoom mu sànni ko ko, daaldi wax ne -xanaa du tere naa ko ko lu dul benn yoon du ñaari yoon, mu mel ni day wax naan: defuma lii-, lu dul ne damaa dégg Yonnente bi -yal na ko Yàlla dolli xéewal ak mucc- di wax naan:
«Bu leen sol suwaa walla sooy, bu leen naan ci ndabal wurus mbaa xaalis, te bu leen lekk ci ay boolam, ndax ñoom la ñeel fii ci àdduna, waaye nun la ñeel fële ca àllaaxira».
[Wér na] - [Al-buxaariy ak Muslim dëppoo nañu ci génnee ko ci seen ñaari téere yi gën a wér] - [Téere Al-buxaariy bi gën a wér - 5426]

Leeral

Yonnente bi -yal na ko Yàlla dolli xéewal ak mucc- dafa tere góor ñi di sol suwaa ci ay xeetam. Mu tere góor ñi ak jigéen ñi ñuy lekk mbaa naan ci ndabal wurus ak xaalis. Mu xibaare ne loolu jullit ñi rekk a ko jagoo ëllëg bis-pénc; ndax ñoom ñoo ko moytandiku woon fii ci àdduna ngir topp Yàlla. Bu dee yéefar yi nag ñoom duñu ko am allaaxira; ndaxte ñoom dañoo yàkkamti seen yu teey ya fii ci dundug àdduna ci li ñu leen jëfëndikoo, ak li ñu moy ndigalu Yàlla.

Bokk na ci njariñi Adiis bi

1. Araamalees na sol suwaa ak sooy ci góor ñi, te tëkku gu tar ñeel na ku ko sol.
2. Dagan na ci jigéen ñi ñu sol suwaa ak sooy.
3. Araamalees na lekk ak naan ci booli wurus ak xaalis ak seeni ndab ci góor ñi ak ci jigéen ñi.
4. Husayfata -yal na ko Yàlla dollee gërëm- dafa taral ci tere gi, mu layale ko ne da koo tere ay yoon ci mu bàyyi di jëfandikoo ndabal wurus ak xaalis, waaye moom bàyyiwu ko.