ਗੱਲ ਜਾਂ ਬਾਤਾਂ: ਅੱਲਾਹ ਦੇ ਨਬੀ ﷺ ਖੁਸ਼ਬੂ ਨੂੰ ਕਦੇ ਮਨਾਹ ਨਹੀਂ ਕਰਦੇ ਸੀ।

عن أنس بن مالك رضي الله عنه:
أَنَّ النَّبِيَّ صَلَّى اللهُ عَلَيْهِ وَسَلَّمَ كَانَ لَا يَرُدُّ الطِّيبَ.
[صحيح] - [رواه البخاري] - [صحيح البخاري: 2582]

ਅਨਸ ਬਿਨ ਮਾਲਿਕ (ਰਜ਼ੀਅੱਲਾਹੁ ਅਨਹੁ) ਤੋਂ ਰਿਵਾਇਤ ਹੈ ਕਿ:
ਅੱਲਾਹ ਦੇ ਨਬੀ ﷺ ਖੁਸ਼ਬੂ ਨੂੰ ਕਦੇ ਮਨਾਹ ਨਹੀਂ ਕਰਦੇ ਸੀ।
[صحيح] - [رواه البخاري] - [صحيح البخاري - 2582]

ਵਿਆਖਿਆ

ਅੱਲਾਹ ਦੇ ਨਬੀ ﷺ ਦੀ ਆਦਤ ਸੀ ਕਿ ਆਪ ਖੁਸ਼ਬੂ ਨੂੰ ਠੁਕਰਾਉਂਦੇ ਨਹੀਂ ਸੀ। ਜਦੋਂ ਕੋਈ ਖੁਸ਼ਬੂ ਦਿੰਦਾ, ਤਾਂ ਉਸ ਨੂੰ ਕਬੂਲ ਕਰ ਲੈਂਦੇ ਸੀ। ਕਿਉਂਕਿ ਇੱਕ ਤਾਂ ਇਸਨੂੰ ਨਾਲ ਰੱਖਣਾ ਸੌਖਾ ਹੁੰਦਾ ਹੈ ਅਤੇ ਦੂਜਾ ਇਸਦੀ ਸੁਗੰਧ ਵੀ ਸੋਹਣੀ ਹੁੰਦੀ ਹੈ।

ਹਦੀਸ ਦੇ ਫਾਇਦੇ ਵਿੱਚੋਂ

1. ਖ਼ੁਸ਼ਬੂ ਦੇ ਤੋਹਫ਼ੇ ਨੂੰ ਕਬੂਲ ਕਰਨਾ ਮੁਸਤਹੱਬ (ਪਸੰਦੀਦਾ) ਹੈ। ਕਿਉਂਕਿ ਇਸ ਨੂੰ ਆਪਣੇ ਕੋਲ ਰੱਖਣ ਵਿੱਚ ਕੋਈ ਮੁਸ਼ਕਿਲ ਨਹੀਂ ਹੁੰਦੀ ਅਤੇ ਇਸ ਨੂੰ ਕਬੂਲ ਕਰਨ ਨਾਲ ਕਿਸੇ ਦੇ ਬੋਝ ਹੇਠ ਦੱਬਣਾ ਨਹੀਂ ਪੈਂਦਾ।
2. ਅੱਲਾਹ ਦੇ ਨਬੀ ﷺ ਦੇ ਆਚਰਣ ਦੀ ਸੰਪੂਰਨਤਾ ਅਤੇ ਸੁੰਦਰਤਾ ਇਸ ਗੱਲ ਤੋਂ ਵੀ ਝਲਕਦੀ ਹੈ ਕਿ ਆਪ ﷺ ਖੁਸ਼ਬੂਦਾਰ ਚੀਜ਼ ਨੂੰ ਮਨਾਹ ਨਹੀਂ ਕਰਦੇ ਸੀ ਅਤੇ ਤੋਹਫ਼ਾ ਦੇਣ ਵਾਲੇ ਦੇ ਤੋਹਫ਼ੇ ਨੂੰ ਖੁਸ਼ਦਿਲੀ ਨਾਲ ਕਬੂਲ ਕਰ ਲੈਂਦੇ ਸੀ।
3. ਖ਼ੁਸ਼ਬੂਦਾਰ ਚੀਜ਼ਾਂ ਦੀ ਵਰਤੋਂ ਕਰਨ ਦੀ ਨਸੀਹਤ।