فەرموودە: ئەگەر یەکێک لە ئێوە خەوێکی خۆشی بینی ئەوا لە لایەن خوای گەورەوەیە؛ ئەوا با حەمد وسوپاسی خودا بکات، وبا باسی بکات

عن أبي سعيد الخُدْرِيِّ رضي الله عنه : أنه سمع النبي صلى الله عليه وسلم يقول: «إذا رأى أحدُكُم رُؤيا يُحِبُّهَا، فإنما هي من الله تعالى، فليَحْمَد الله عليها، وَلْيُحَدِّثْ بها - وفي رواية: فلا يُحَدِّثْ بها إلا من يُحَبُّ- وإذا رأى غير ذلك مِمَّا يَكْرَه، فإنما هي من الشيطان، فَلْيَسْتَعِذْ من شَرِّهَا، ولا يَذْكُرْهَا لأحد؛ فإنها لا تضره».
[صحيح] - [متفق عليه]

ئەم وەرگێڕاوە پێویستی بە پێداچوونەوە و وردبوونەوەی زیاتر هەیە.

لە ئەبی سەعیدی خودرییەوە -ڕەزای خوای لێبێت- دەڵێت گوێی لە پێغەمبەر -صلى الله علیه وسلم- بووە کە فەرموویەتی: «ئەگەر یەکێک لە ئێوە خەوێکی خۆشی بینی ئەوا لە لایەن خوای گەورەوەیە؛ ئەوا با حەمد وسوپاسی خودا بکات، وبا باسی بکات». ولە ریوایەتێ تردا: «با باسی نەکات تەنها بۆ ئەوانە نەبێت کە خۆشیانی دەوێت، وئەگەر جگە لە ئەوە ببینێت کە حەزی پێناکات، ئەوا لە شەیتانەوەیە، با پەنا بگرێت لە شەڕی ئەو خەوە وبۆ کەس باسی نەکات چونکە هیچ زیانێکی پێ ناگەیەنێت».
[صەحیحە] - [بوخاری و موسلیم هاوڕان لەسەری]

شیکردنەوە

ئەگەر مسوڵمان خەوێکی خۆشی موژدەدەری بینی کە لە لایەن خوای گەورەیە ئەوا با حەمد وسوپاسی خودا بکات، وتەنها بۆ ئەو کەسانە باسی بکات کە خۆشیانی دەوێت وەکو خێزانەکەی وکەسە نزیکەکانی ودراوسێ وهاوڕێکانی، وئەگەر خەوێکی ناخۆشی بینی کە بە هۆی شەیتانەوەیە بۆ ئەوەی ئیماندار خەفەتبار ودڵتەنگ بگات ئەوا با بۆ کەس باسی نەکات وپەنا بە خوای گەورە بگرێت لە شەڕ وخراپەی ئەو جۆرە خەونانە.