فەرموودە: ((بلا زهلام بهرێ خۆ نهدهته عهورهتێ زهلامی و بلا ژن بهرێ خۆ نهدهته عهورهتێ ژنێ
عَن أَبِي سَعِيدٍ الْخُدْرِيِّ رضي الله عنه أَنَّ رَسُولَ اللهِ صَلَّى اللهُ عَلَيْهِ وَسَلَّمَ قَالَ:
«لَا يَنْظُرُ الرَّجُلُ إِلَى عَوْرَةِ الرَّجُلِ، وَلَا الْمَرْأَةُ إِلَى عَوْرَةِ الْمَرْأَةِ، وَلَا يُفْضِي الرَّجُلُ إِلَى الرَّجُلِ فِي ثَوْبٍ وَاحِدٍ، وَلَا تُفْضِي الْمَرْأَةُ إِلَى الْمَرْأَةِ فِي الثَّوْبِ الْوَاحِدِ».
[صحيح] - [رواه مسلم] - [صحيح مسلم: 338]
المزيــد ...
ئهبو سهعیدێ خودری (خودێ ژێ ڕازی بیت) دبێژیت: پێغهمبهرێ خودێ (صهلات و سهلامێن خودێ ل سهر بن) گۆت:
((بلا زهلام بهرێ خۆ نهدهته عهورهتێ زهلامی و بلا ژن بهرێ خۆ نهدهته عهورهتێ ژنێ، بلا زهلام د گهل زهلامی د بن ئێك جلكدا نهبیت و بلا ژن د گهل ژنێ د بن ئێك جلكدا نهبیت)).
[صحيح] - [رواه مسلم] - [صحيح مسلم - 338]
پێغهمبهری (صهلات و سهلامێن خودێ ل سهر بن) پاشڤهبرن كر كو زهلام بهرێ خۆ بدهته عهورهتێ زهلامی، یان ژن بهرێ خۆ بدهته عهورهتێ ژنێ.
عهورهت ئهو جهه یێ مرۆڤ شهرم دكهت ئهگهر دیار بیت، و عهورهتێ زهلامی د ناڤبهرا ناڤكا وی و ههردوو چۆكان دایه، و ژن ههمی عهورهته بهرامبهر زهلامێن بیانی، بهلێ بهرامبهر ژن و مهحرهمێن خۆ؛ ئهو تشتێن ب گشتی ل دهمێ كارێ مالێ دیار دبن دروسته بۆ وان ژی دیاركهت.
ههروهسا پێغهمبهری (صهلات و سهلامێن خودێ ل سهر بن) پاشڤهبرن كر كو دوو زهلام د بن ئێك جلك یان ئێك نڤین و بهتهنییێدا بێی چ جلك ل بهر وان، یان دوو ژن د بن ئێك جلك یان ئێك نڤین و بهتهنییێدا بن بێی چ جلك ل بهر وان، چونكی دبیت ئهڤه ببیته ئهگهرێ هندێ دهستێ وان ب عهورهتێ ئێكودوو بكهڤیت و دهستلێدانا ل عهورهتی ژی وهكی بهرێخۆدانا وی كارهكه پاشڤهبرن ژێ هاتییه كرن و نهیێ دروسته، بهلكی پاشڤهبرنا ژ وی هێشتا پترە ژی، چونكی ئهو دبیته ئهگهرێ پهیدابوونا زیان و خرابییێن مهزنتر.
لە سوودەکانی فەرموودەکە
- حهرامبوونا بهرێخۆدانا عهورهتان، ژ بلی ژن و مێران.
- ڕژدییا ئیسلامێ ل سهر پاقژبوونا جڤاكی و گرتنا وان ههمی ڕێكێن مرۆڤی بهرهڤ كارێ خراب و زینایێڤه دبهن.
- دروسته بهرێخۆدان بۆ عهورهتی بهێته كرن ئهگهر پێدڤی ب ڤێ چهندێ ههبیت، وهكی بۆ چارهسهرییا پزیشكی و نهخۆشییان، ب مهرجهكی ئهڤه بێی شههوهت بیت.
- فهرمان ل موسلمانی هاتییه كرن ئهو عهورهتێ خۆ ڤهشێریت و چاڤێن خۆ ژ بهرێخۆدانا عهورهتێ خهلكی ژی بگریت.
- ئهڤ پاشڤهبرنه ب تایبهتی بۆ زهلامان د گهل زهلامان و ژنان د گهل ژنان هاتییه كرن؛ چونكی ئهڤ چهنده د ناڤ واندا زویتر پهیدا دبیت و زێدهتر د ناڤ ئێكدا عهورهتێ وان دیار دبیت.
پۆلێنکردنەکان
زیاتر
- فەرموودە: ((خۆ ژ وان ههر حهفت گونههێن مرۆڤی دبهنه هیلاكێ دویربێخن
- فەرموودە: ((ههر پێنج نڤێژ، ئهینی بۆ ئهینییێ، ڕهمهزان بۆ ڕهمهزانێ، كهفارهت و ژێبهرن بۆ گونههێن د ناڤبهرا خۆدا، (بهلێ ب مهرجهكی) ئهگهر مرۆڤی خۆ ژ گونههێن مهزن دویر ئێخست))
- فەرموودە: ((هندهك زهلام ب نهحهقی دهستوهردانێ د مالێ خودێدا دكهن، ل ڕۆژا قیامهتێ ئاگر بۆ وانه))
- فەرموودە: ((خهبهران نهبێژنه مرییان، چونكی ئهو یێن گههشتینه وی كارێ وان بهری خۆ فڕێكری و ئهنجامدای))
- فەرموودە: ((بۆ چ موسلمانان یا حهلال نینه ئهو ژ سێ شهڤان زێدهتر ژ برایێ خۆ سل ببيت و پشتا خۆ بدهتێ و د گهل نهئاخڤیت، دێ گههنه ئێك و ئهڤه دێ پشتا خۆ دهته ڤی و یێ دی دێ پشتا خۆ دهته وی، باشترینێ وان ژی ئهوه یێ دهستپێكێ سلاڤ دكهت))
- فەرموودە: ((ئهو كهسێ پهیوهندییێن مرۆڤاینییێ دبڕیت؛ ناچیته بهحهشتێ))
- فەرموودە: ((ئهو كهسێ ئاخڤتنان دئینیت و دبهت (فهساد) ناچیته بهحهشتێ))