Hədis: “Kişi kişinin övrətinə, qadın da qadının övrətinə baxmasın

عَن أَبِي سَعِيدٍ الْخُدْرِيِّ رضي الله عنه أَنَّ رَسُولَ اللهِ صَلَّى اللهُ عَلَيْهِ وَسَلَّمَ قَالَ:
«لَا يَنْظُرُ الرَّجُلُ إِلَى عَوْرَةِ الرَّجُلِ، وَلَا الْمَرْأَةُ إِلَى عَوْرَةِ الْمَرْأَةِ، وَلَا يُفْضِي الرَّجُلُ إِلَى الرَّجُلِ فِي ثَوْبٍ وَاحِدٍ، وَلَا تُفْضِي الْمَرْأَةُ إِلَى الْمَرْأَةِ فِي الثَّوْبِ الْوَاحِدِ».
[صحيح] - [رواه مسلم] - [صحيح مسلم: 338]

Əbu Səid Əl-Xudridən (Allah ondan razı olsun) Allah Rəsulunun (Allahın salavatı və salamı onun üzərinə olsun) belə buyurduğu rəvayət edilir:
“Kişi kişinin övrətinə, qadın da qadının övrətinə baxmasın, kişi bir paltar altında başqa bir kişi ilə, qadın da bir paltar altında başqa bir qadınla qalmasın."
[Səhih] - [Muslim rəvayət etdi] - [Sahihu Muslim - 338]

Şərh (izah)

Peyğəmbər (Allahın salavatı və salamı onun üzərinə olsun) bir kişinin digər kişinin övrətinə, qadının da digər qadının övrətinə baxmağını qadağan etmişdir.
Övrət: Göründüyü zaman utanılan hər şeydir, kişinin övrəti göbəklə dizləri arasında olandır. Naməhrəm kişilərə nisbətdə qadının bütün bədəni övrətdir. Qadınlara və məhrəmlərinə gəldikdə isə, evdə işləyərkən adətən görünən yerlərini onlara göstərə bilər.
Peyğəmbər (Allahın salavatı və salamı onun üzərinə olsun) kişinin bir paltar və ya bir örtük altında başqa kişiylə çılpaq olaraq qalmasını, qadının da bir paltar və ya bir örtük altında başqa bir qadınla çılpaq qalmasını qadağan etmişdir. Çünki bu, birinin digərinin övrətinə toxunmasına səbəb ola bilər ki, övrətə toxunmaq ona baxmaq kimi qadağan edilmişdir. Hətta, böyük fəsada yol açdığı üçün o (övrətə toxunmaq) qadağa baxımından daha şiddətlidir.

Hədisin faydalarından

1. Ər və arvadın bir-birlərinin övrət yerlərinə baxmağı istisna, digər şəxslərin övrət yerlərinə baxılmasının qadağan edilməsi.
2. İslam dininin, cəmiyyətin saflığına hərisliyi və əxlaqsızlığa aparan yolları bağlaması.
3. Müalicə və buna bənzər ehtiyac yaranarsa, şəhvətlə olmamaq şərti ilə övrətə baxmaq icazəlidir.
4. Müsəlmana öz övrətini örtmək və başqalarının övrət yerlərinə baxmamaq əmr olunmuşdur.
5. Hədisdəki qadağa kişilərin kişilərlə və qadınların qadınlara olan münasibəti üçün xüsusiləşdirilib. Çünki bu (eyni cinslərin münasibəti) bir-birlərinin övrət yerlərinə baxılmasına və övrətin aşkara çıxarılmasına daha çox ehtiyac yaradır.