Ҳадис: Эркак эркакнинг, аёл аёлнинг авратига қарамасин

عَن أَبِي سَعِيدٍ الْخُدْرِيِّ رضي الله عنه أَنَّ رَسُولَ اللهِ صَلَّى اللهُ عَلَيْهِ وَسَلَّمَ قَالَ:
«لَا يَنْظُرُ الرَّجُلُ إِلَى عَوْرَةِ الرَّجُلِ، وَلَا الْمَرْأَةُ إِلَى عَوْرَةِ الْمَرْأَةِ، وَلَا يُفْضِي الرَّجُلُ إِلَى الرَّجُلِ فِي ثَوْبٍ وَاحِدٍ، وَلَا تُفْضِي الْمَرْأَةُ إِلَى الْمَرْأَةِ فِي الثَّوْبِ الْوَاحِدِ».
[صحيح] - [رواه مسلم] - [صحيح مسلم: 338]

Бу таржима қайта кўрилиши ва текширилиши кекак.

Абу Саид Худрий разияллоҳу анҳудан ривоят қилинади: Расулуллоҳ соллаллоҳу алайҳи ва саллам:
«Эркак эркакнинг, аёл аёлнинг авратига қарамасин. Эркак эркак билан бир матога ўраниб олмасин, аёл аёл билан бир матога ўраниб олмасин», дедилар.
[Тўғри матн] - [Муслим ривояти] - [Саҳиҳи Муслим - 338]

Изоҳ

Набий соллаллоҳу алайҳи ва саллам эркак эркакнинг, аёл аёлнинг авратига қарашдан қайтардилар.
Аврат- барча кўриниб қолишидан уялинадиган жой. Эркакнинг аврати киндигидан тиззасигача. Аёлнинг бегона эркакларга нисбатан ҳамма жойи аврат. Бошқа аёллар ва маҳрамларига нисбатан эса, одатда уйда ишлаётгандаги кийими ёпиб турган ерлари аврат.
Яна Набий соллаллоҳу алайҳи ва саллам эркак билан эркак ёки аёл билан аёл битта кийимни ёки битта ёпинчиқни ялонғоч бўлиб ичига кириб олишдан қайтардилар. Чунки бир-бирининг авратига қўллари тегиб кетиши мумкин. Тегишлик эса, қараш каби ҳаром, балки унданда ёмонроқ, унданда каттароқ фасодга олиб боради.

Ҳадиснинг фойдалари

1. Авратларга қарашдан қайтарилган, лекин эри хотин бундан мустасно.
2. Ислом жамиятни пок ушлашга ҳарис бўлиб, фаҳшга олиб борувчи барча йўлларни ёпган.
3. Даволаниш ва шу каби эҳтиёжлар сабабли (агар бошқа имконият йўқ бўлса) авратга қараш шаҳватсиз бўлиш шарти билан жоиз.
4. Мусулмон авратини беркитишга ва бошқаларнинг авратига қарамасликка буюрилган.
5. Эркаклар эркакларга, аёллар аёлларга деб хос зикр қилинди. Чунки авратларни улар олдида очиш ва қараш кўпинча содир бўлади.