فەرموودە: كارهكی نیشا من بده، ئهگهر من ئهنجام دا؛ پێ بچمه بهحهشتێ؟ گۆت: ((خودێ بپهرێسه و چ شریكان بۆ چێنهكه، نڤێژێن فهڕز دروست بكه، زهكاتا واجب بده، ڕۆژییێن ڕهمهزانێ بگره))
عَنْ أَبِي هُرَيْرَةَ رَضِيَ اللَّهُ عَنْهُ:
أَنَّ أَعْرَابِيًّا أَتَى النَّبِيَّ صَلَّى اللهُ عَلَيْهِ وَسَلَّمَ، فَقَالَ: دُلَّنِي عَلَى عَمَلٍ إِذَا عَمِلْتُهُ دَخَلْتُ الجَنَّةَ، قَالَ: «تَعْبُدُ اللَّهَ لاَ تُشْرِكُ بِهِ شَيْئًا، وَتُقِيمُ الصَّلاَةَ المَكْتُوبَةَ، وَتُؤَدِّي الزَّكَاةَ المَفْرُوضَةَ، وَتَصُومُ رَمَضَانَ» قَالَ: وَالَّذِي نَفْسِي بِيَدِهِ لاَ أَزِيدُ عَلَى هَذَا، فَلَمَّا وَلَّى قَالَ النَّبِيُّ صَلَّى اللهُ عَلَيْهِ وَسَلَّمَ: «مَنْ سَرَّهُ أَنْ يَنْظُرَ إِلَى رَجُلٍ مِنْ أَهْلِ الجَنَّةِ، فَلْيَنْظُرْ إِلَى هَذَا».
[صحيح] - [متفق عليه] - [صحيح البخاري: 1397]
المزيــد ...
ئهبو هورهیره (خودێ ژێ ڕازی بیت) دبێژیت:
عهرهبهكێ دهشتێ (ئهعرابی) هاته دهڤ پێغهمبهری (صهلات و سهلامێن خودێ ل سهر بن) و گۆت: كارهكی نیشا من بده، ئهگهر من ئهنجام دا؛ پێ بچمه بهحهشتێ؟ گۆت: ((خودێ بپهرێسه و چ شریكان بۆ چێنهكه، نڤێژێن فهڕز دروست بكه، زهكاتا واجب بده، ڕۆژییێن ڕهمهزانێ بگره)). گۆت: ئهز ب وی كهمه یێ نهفسا من د دهستیدا؛ ئهز تشتهكی ل سهر ڤانه زێده ناكهم. پاشی دهمێ ئهو زهلام چووی، پێغهمبهری (صهلات و سهلامێن خودێ ل سهر بن) گۆت: ((ههر كهسێ بڤێت بهرێ خۆ بدهته زهلامهكی ژ ئههلێ بهحهشتێ، بلا بهرێ خۆ بدهته ڤی زهلامی)).
[صحيح] - [متفق عليه] - [صحيح البخاري - 1397]
زهلامهك ژ خهلكێ دهشتێ هاته دهڤ پێغهمبهری (صهلات و سهلامێن خودێ ل سهر بن) دا بهرێ وی بدهته كارهكی كو ببیته ئهگهرێ چوونا وی بۆ بهحهشتێ. پێغهمبهری ژی (صهلات و سهلامێن خودێ ل سهر بن) بهرسڤا وی دا كو چوونا بهحهشتێ و ڕزگاربوونا ژ ئاگرێ جههنهمێ یا گرێداییه ب ئهنجامدانا ستوینێن ئیسلامێڤه: ژ پهرستنا خودێ ب تنێ و كو تو چ شریكان بۆ وی چێنهكهی. ههروهسا ئهنجامدانا وان پێنج نڤێژێن خودێ د شهڤ و ڕۆژاندا ل سهر عهبدێن خۆ فهڕز كرین. و تو زهكاتا مالێ خۆ بدهی، ئهو مالێ خودێ ل سهر ته واجب كری و تو بدهیه كهسێن ژ ههژی. دیسان تو پاراستنێ ل سهر ڕۆژییێن ههیڤا ڕهمهزانێ د دهمێ واندا بكهی. ئینا وی زهلامی گۆت: ئهز ب وی كهمه یێ نهفسا من د دهستیدا؛ ئهز تشتهكی ژ عیبادهتی ل سهر ڤان كارێن فهڕز یێن من ژ ته گوهلێ بووین زێده ناكهم و تشتهكی ژێ كێم ژی ناكهم. پاشی دهمێ ئهو زهلام چووی، پێغهمبهری (صهلات و سهلامێن خودێ ل سهر بن) گۆت: ((ههر كهسێ بڤێت بهرێ خۆ بدهته زهلامهكی ژ ئههلێ بهحهشتێ، بلا بهرێ خۆ بدهته ڤی عهرهبێ دهشتێ)).
لە سوودەکانی فەرموودەکە
- تهوحید و ئێكتاپهرستنا خودێ د عیبادهتیدا ئێكهم تشته دهستپێكێ د گازییا بۆ ڕێكا خودێ دهێته گۆتن.
- بهسكرن ب فێركرنا كارێن فهر و پێدڤی بۆ وی كهسێ ژ نوی هاتییه د ناڤ ئیسلامێدا.
- گازییا بۆ ڕێكا خودایێ مهزن پێدڤی ب پله پلهبوونی (تهدهروجێ) ههیه.
- خهمخوری و ڕژدبوونا وی زهلامی ل سهر فێربوونا كاروبارێن ئایینێ خۆ.
- ئهگهر موسلمان ب تنێ پێگیری واجبان بیت و چ تشتێن دی ل سهر زێده نهكهت ژی؛ دێ سهرفهراز بیت، بهلێ ئهڤه ب وێ ڕامانێ ناهێت مرۆڤ كێماسییێ د سوننهتاندا بكهت؛ چونكی سوننهت وان كێماسییان تهمام دكهن یێن د فهڕزاندا پهیدا دبن.
- تایبهتكرنا هندهك عیبادهتان ب ناڤئینانێ، بهڵگهیه ل سهر گرنگییا وان عیبادهتان و هاندانێ ل سهر وان و ب وێ ڕامانێ ناهێت كو چ عیبادهتێن دی یێن واجب نینن.
پۆلێنکردنەکان
زیاتر
- فەرموودە: ((ههر پێنج نڤێژ، ئهینی بۆ ئهینییێ، ڕهمهزان بۆ ڕهمهزانێ، كهفارهت و ژێبهرن بۆ گونههێن د ناڤبهرا خۆدا، (بهلێ ب مهرجهكی) ئهگهر مرۆڤی خۆ ژ گونههێن مهزن دویر ئێخست))
- فەرموودە: ((هندهك زهلام ب نهحهقی دهستوهردانێ د مالێ خودێدا دكهن، ل ڕۆژا قیامهتێ ئاگر بۆ وانه))
- فەرموودە: ((خهبهران نهبێژنه مرییان، چونكی ئهو یێن گههشتینه وی كارێ وان بهری خۆ فڕێكری و ئهنجامدای))
- فەرموودە: ((بۆ چ موسلمانان یا حهلال نینه ئهو ژ سێ شهڤان زێدهتر ژ برایێ خۆ سل ببيت و پشتا خۆ بدهتێ و د گهل نهئاخڤیت، دێ گههنه ئێك و ئهڤه دێ پشتا خۆ دهته ڤی و یێ دی دێ پشتا خۆ دهته وی، باشترینێ وان ژی ئهوه یێ دهستپێكێ سلاڤ دكهت))
- فەرموودە: ((ئهو كهسێ پهیوهندییێن مرۆڤاینییێ دبڕیت؛ ناچیته بهحهشتێ))
- فەرموودە: ((نهخۆشتڤیترین كهس ل دهڤ خودێ ئهوه یێ ب توندی دچیته د ناڤ گهنگهشێدا و زێدهگاڤییێ تێدا دكهت))
- فەرموودە: ((ههر كهسێ بهڕهڤانییێ ژ كهسایهتی و كهڕامهتا برایێ خۆ بكهت؛ خودێ ژی ل ڕۆژا قیامهتێ دێ ڕویێ وی ژ ئاگرێ جههنهمێ پارێزیت))