Hadith: ((ژ من ڤه‌گێڕن و به‌لاڤ بكه‌ن ئه‌گه‌ر خۆ ئایه‌ته‌كا ب تنێ بیت، ئاخڤتنان ژ به‌نو ئیسرائیلییان ڤه‌گوهێزن و چ ل سه‌ر هه‌وه‌ نینه‌ (ماده‌م دژی قورئان و فه‌رمووده‌یان نینه‌) و هه‌ر كه‌سێ ب مه‌ره‌م دره‌وه‌كێ ب زار ده‌ڤێ من بكه‌ت؛ بلا جهه‌كی بۆ خۆ ل ناڤ ئاگرێ جه‌هنه‌مێ ئاماده‌ بكه‌ت))

عن عبد الله بن عمرو رضي الله عنهما أن النبي صلى الله عليه وسلم قال:
«بَلِّغُوا عَنِّي وَلَوْ آيَةً، وَحَدِّثُوا عَنْ بَنِي إِسْرَائِيلَ وَلَا حَرَجَ، وَمَنْ كَذَبَ عَلَيَّ مُتَعَمِّدًا فَلْيَتَبَوَّأْ مَقْعَدَهُ مِنَ النَّارِ».
[صحيح] - [رواه البخاري] - [صحيح البخاري: 3461]

ژ عه‌بدولڵاهێ كوڕێ عه‌مری (خودێ ژ هه‌ردووکان ڕازی بیت) ژ پێغه‌مبه‌رێ خودێ (صه‌لات و سه‌لامێن خودێ ل سه‌ر بن) گۆت:
((ژ من ڤه‌گێڕن و به‌لاڤ بكه‌ن ئه‌گه‌ر خۆ ئایه‌ته‌كا ب تنێ بیت، ئاخڤتنان ژ به‌نو ئیسرائیلییان ڤه‌گوهێزن و چ ل سه‌ر هه‌وه‌ نینه‌ (ماده‌م دژی قورئان و فه‌رمووده‌یان نینه‌) و هه‌ر كه‌سێ ب مه‌ره‌م دره‌وه‌كێ ب زار ده‌ڤێ من بكه‌ت؛ بلا جهه‌كی بۆ خۆ ل ناڤ ئاگرێ جه‌هنه‌مێ ئاماده‌ بكه‌ت)).
[صحيح] - [رواه البخاري] - [صحيح البخاري - 3461]

Explanation

پێغەمبەر (صەلات و سەلامێن خودێ ل سەر بن) فه‌رمانێ دكه‌ت ب به‌لاڤكرنا زانینێ ژ وی ژ قورئانێ یان سوننه‌تێ، خۆ ئه‌گه‌ر تشته‌كێ كێم ژی بیت، وه‌كی ئایه‌ته‌كێ یان فه‌رمووده‌یه‌كێ، ب وی مه‌رجی ئه‌و كه‌سێ ڤێ زانینێ دگه‌هینیت بزانیت چ دگه‌هینیت و گازی بۆ دكه‌ت. پاشی پێغەمبەری (صەلات و سەلامێن خودێ ل سەر بن) دیار كر كو ڤه‌گێڕان ژ به‌نو ئیسرائیلییان بۆ وی تشتێ ب سه‌رێ وان هاتی كاره‌كێ دروست و ئاساییه‌، به‌لێ نابیت ئه‌ڤ ڤه‌گێڕانه‌ دژی شه‌ریعه‌تێ مه‌ بن. پاشی پێغەمبەری (صەلات و سەلامێن خودێ ل سەر بن) هشیاركرن ژ وێ ئێكێ كر مرۆڤ دره‌وێ ل سه‌ر وی بكه‌ت (ئانكو ژ دره‌و ئاخڤتنه‌كێ بده‌ته‌ پال وی و وی ئه‌و ئاخڤتن نه‌كربیت) و هه‌ر كه‌سێ ب مه‌ره‌م دره‌وه‌كێ ب زار ده‌ڤێ ویڤه‌ بكه‌ت؛ بلا جهه‌كی بۆ خۆ ل ناڤ ئاگرێ جه‌هنه‌مێ ئاماده‌ بكه‌ت.

Benefits from the Hadith

1. هاندان ل سه‌ر گه‌هاندنا شه‌ریعه‌تێ خودێ و كو ئه‌و چه‌ند ل سه‌ر مرۆڤییه‌ یا مرۆڤی ژبه‌ركری و تێگه‌هشتی، خۆ ئه‌گه‌ر تشته‌كێ كێم ژی بیت.
2. پێدڤییه‌ مرۆڤ داخوازا زانینا شه‌رعی بكه‌ت و خۆ شاره‌زا بكه‌ت، دا بشێت ب ڕه‌نگه‌كێ دروست عیباده‌تێ خودێ بكه‌ت و شه‌ریعه‌تێ وی بگه‌هینیت.
3. پێدڤییه‌ مرۆڤ خۆ ژ دروستییا هه‌ر فه‌رمووده‌یه‌كا ڤه‌دگێڕیت یان به‌لاڤ دكه‌ت پشتڕاست بكه‌ت، ئه‌ڤه‌ ژی وه‌ك هشیاربوونه‌ك ژ هندێ بچیته‌ د بن ڤێ گه‌فا دژوارڤه‌.
4. هاندان ل سه‌ر ڕاستگۆییێ د ئاخڤتنێدا و هشیاربوونێ د ڤێ ئاخڤتنێدا، هه‌تا نه‌كه‌ڤیته‌ د ناڤ دره‌وێدا، ب تایبه‌تی ژی د شه‌ریعه‌تێ خودایێ مه‌زندا.