Hadith: “ចូរពួកអ្នកផ្សព្វផ្សាយចុះអំពីខ្ញុំ សូម្បីមួយប្រយោគក៏ដោយ។ ហើយពួកអ្នកអាចនិយាយពីរឿងរ៉ាវនៃអម្បូរអ៊ីស្រាអែលបាន គ្មានបញ្ហាអ្វីឡើយ។ ហើយជនណាដែលភូតកុហកមកលើខ្ញុំដោយចេតនា ចូរឲ្យគេរៀបចំកន្លែងរបស់គេនៅក្នុងឋាននរកចុះ”។

عن عبد الله بن عمرو رضي الله عنهما أن النبي صلى الله عليه وسلم قال:
«بَلِّغُوا عَنِّي وَلَوْ آيَةً، وَحَدِّثُوا عَنْ بَنِي إِسْرَائِيلَ وَلَا حَرَجَ، وَمَنْ كَذَبَ عَلَيَّ مُتَعَمِّدًا فَلْيَتَبَوَّأْ مَقْعَدَهُ مِنَ النَّارِ».
[صحيح] - [رواه البخاري] - [صحيح البخاري: 3461]

អំពី អាប់ទុលឡោះ ពិន អាំរ៍ رضي الله عنهما ពិតណាស់ ណាពី ﷺ លោកបានមានប្រសាសន៍ថា៖
“ចូរពួកអ្នកផ្សព្វផ្សាយចុះអំពីខ្ញុំ សូម្បីមួយប្រយោគក៏ដោយ។ ហើយពួកអ្នកអាចនិយាយពីរឿងរ៉ាវនៃអម្បូរអ៊ីស្រាអែលបាន គ្មានបញ្ហាអ្វីឡើយ។ ហើយជនណាដែលភូតកុហកមកលើខ្ញុំដោយចេតនា ចូរឲ្យគេរៀបចំកន្លែងរបស់គេនៅក្នុងឋាននរកចុះ”។
[صحيح] - [رواه البخاري] - [صحيح البخاري - 3461]

Explanation

ណាពី ﷺ លោកបង្គាប់ប្រើឲ្យផ្សព្វផ្សាយចំណេះដឹងអំពីលោកពីគម្ពីរគួរអាន និងស៊ុណ្ណះ ទោះជាវាតិចតួចត្រឹមតែមួយអាយ៉ាត់(វាក្យខណ្ឌ)នៃគម្ពីរគួរអាន ឬហាទីស្ហមួយក៏ដោយ តែភ្ជាប់នឹងលក្ខខណ្ឌ គឺរូបគេត្រូវតែជាអ្នកដែលមានចំណេះដឹងពីអ្វីដែលខ្លួនផ្សព្វផ្សាយ និងអំពាវនាវនោះ។ បន្ទាប់មក ណាពី ﷺ លោកបានបញ្ជាក់ថា ពិតណាស់គ្មានបញ្ហាអ្វីឡើយក្នុងការនិយាយពីរឿងរ៉ាវអម្បូរអ៊ីស្រាអែលចំពោះអ្វីដែលបានកើតឡើងចំពោះពួកគេនូវអ្វីដែលមិនផ្ទុយនឹងច្បាប់បញ្ញត្តិរបស់យើង។ បន្ទាប់មកទៀត លោកបានព្រមានចំពោះការនិយាយកុហកប្រឌិតលើរូបលោក(នូវអ្វីដែលលោកមិនបានមានប្រសាសន៍)ដោយឲ្យជននោះរៀបចំកន្លែងមួយសម្រាប់ខ្លួនឯងក្នុងឋាននរក។

Benefits from the Hadith

1. លើកទឹកចិត្តឲ្យធ្វើការផ្សព្វផ្សាយច្បាប់បញ្ញត្តិរបស់អល់ឡោះជាម្ចាស់ ហើយថាមនុស្សម្នាក់អាចធ្វើការផ្សព្វផ្សាយនូវអ្វីដែលខ្លួនចងចាំ និងយល់ ទោះជាវាតិចតួចក៏ដោយ។
2. ចាំបាច់ត្រូវស្វែងរកចំណេះដឹងផ្នែកច្បាប់អ៊ីស្លាមដើម្បីឲ្យគេអាចគោរពសក្ការៈចំពោះអល់ឡោះ និងផ្សព្វផ្សាយច្បាប់បញ្ញត្តិរបស់ទ្រង់បានត្រឹមត្រូវ។
3. ចាំបាច់ត្រូវប្រាកដពីភាពត្រឹមត្រូវនៃហាទីស្ហមុននឹងផ្សព្វផ្សាយ ឬចែកចាយហាទីស្ហណាមួយ ដើម្បីកុំឲ្យចូលទៅក្នុងការព្រមានដ៏ធ្ងន់ធ្ងរនេះ។
4. ជំរុញឲ្យមានភាពសច្ចៈ និងត្រូវប្រយ័ត្នប្រយែងនៅក្នុងការនិយាយស្តី ដើម្បីកុំឲ្យធ្លាក់ទៅក្នុងការកុហកភូតភរ ជាពិសេសទាក់ទងនឹងច្បាប់បញ្ញត្តិរបស់អល់ឡោះ។