ဟဒီးဆ်: ကျွန်တစ်ဦးသည် အစားအစာ စားပြီးနောက် ထိုအပေါ် အရှင်မြတ်အား ချီးမွမ်းထောမနာပြုလျှင် သို့မဟုတ် သောက်စရာကို သောက်သုံးပြီးနောက် ထိုအပေါ် အရှင်မြတ်အား ချီးမွမ်းထောမနာပြုလျှင် အလ္လာဟ်အရှင်မြတ်သည် ၎င်းသူအားအမှန်တကယ်ပင် ကျေနပ်နှစ်သက်တော်မူသည်။
عن أنس بن مالك رضي الله عنه مرفوعاً: «إن الله ليرضى عن العبد أن يأكل الأكلة، فيحمده عليها، أو يشرب الشَّربة، فيحمده عليها».
[صحيح] - [رواه مسلم]
المزيــد ...
အနတ်စ်ဗင်န်မာလိက်(ရဿွိယလ္လာဟုအန်ဟု)က ဆင့်ပြန်ခဲ့သည်။တမန်တော်မြတ် (ဆွလ္လလ္လာဟုအလိုင်ဟိဝစလ္လမ်) မိန့်ကြားတော်မူသည်။ ကျွန်တစ်ဦးသည် အစားအစာ စားပြီးနောက် ထိုအပေါ် အရှင်မြတ်အား ချီးမွမ်းထောမနာပြုလျှင် သို့မဟုတ် သောက်စရာကို သောက်သုံးပြီးနောက် ထိုအပေါ် အရှင်မြတ်အား ချီးမွမ်းထောမနာပြုလျှင် အလ္လာဟ်အရှင်မြတ်သည် ၎င်းသူအားအမှန်တကယ်ပင် ကျေနပ်နှစ်သက်တော်မူသည်။
ဤဟဒီးဆ်သည် ဆွဟီးဟ် အဆင့်ရှိသည်။ - မွတ်စ်လင်မ်ကျမ်း။
အစားအသောက်အပေါ် အလ္လာဟ်အရှင်မြတ်အား ကျေးဇူးတင်ခြင်းသည် အရှင်မြတ်၏ ကျေနပ်နှစ်သက်မှုကို ရရှိစေမည့် အကြောင်းခံများတွင်ပါဝင်သည်။ အဘယ်ကြောင့်ဆိုသော် အလ္လာဟ်အရှင်မြတ် တစ်ပါးတည်းကသာ ထိုစားနပ်ရိက္ခာများကို ချီးမြှင့်တော်မူသောအရှင်ဖြစ်တော်မူသည်။
ဟဒီးဆ်မှ သိမှတ်ဖွယ်ရာများ
- ကျေနပ်နှစ်သက်ခြင်းဟူသည့် ဂုဏ်တော်အား ချွတ်ယွင်းမှုအပေါင်းမှ ကင်းစင်တော်မူသောအရှင်မြတ်အတွက်အတည်ပြုထားသည်။
- တစ်ခါတစ်ရံတွင် အလ္လာဟ်အရှင်မြတ်၏ ကျေနပ်နှစ်သက်မှုအား စားသောက်ပြီးနောက် ချီးမွမ်းထောမနာပြုခြင်းကဲ့သို့ အနည်းငယ်သော အကြောင်းခံဖြင့်ပင် ရရှိနိုင်သည်။
- အနန္တတန်ခိုးးတော်ရှင် အလ္လာဟ်အရှင်မြတ်အား ကျေးဇူးတင်ရန် တိုက်တွန်းထားသည်။ အရှင်မြတ်အား ကျေးဇူးတင်ခြင်းသည် အရှင်မြတ်ကျေနပ်နှစ်သက်ရန် အကြောင်းခံတစ်ခုဖြစ်ပြီး အောင်မြင်မှုနှင့် လက်ခံသဘောတူခြင်းခံရရန် နည်းလမ်းတစ်ခုလည်းဖြစ်သည်။
- အစားအသောက်ဆိုင်ရာ စည်းကမ်းချက်များအနက် တစ်ချက်ကိုတင်ပြထားသည်။
- အလ္လာဟ်အရှင်မြတ်၏ ရက်ရောမှုအား တင်ပြထားသည်။ အရှင်မြတ်သည် သင့်အား ရိုဇီရိက္ခာချီးမြှင့်တော်မူပြီး ထိုအပေါ်ချီးမွမ်းထောမနာပြုခြင်းကြောင့် သင့်အား နှစ်သက်တော်မူသည်။
- “အလ်ဟမ်ဒုလိလ္လာဟ်” ဆိုခြင်းသည် စွန္နသ်တော်ကို အကောင်အထည်ဖော်ခြင်းဖြစ်သည်။
အမျိုးအစားများ
ထပ်၍
- ဟဒီးဆ်: အကယ်၍ ကြီးလေးသော အပြစ်အကုသိုလ်များကို ရှောင်ကြဉ်ပါက ဆွလာသ်ငါးကြိမ်သည်လည်းကောင်း၊ ဂျုမုအဟ်တစ်ကြိမ်မှ နောက်ဂျုမုအဟ်သည်လည်းကောင်း၊ ရမဿွာန်တစ်လမှ နောက်ရမဿွာန်သည်လည်းကောင်း ယင်းတို့၏ စပ်ကြား၌ရှိသော အကုသိုလ်များအား ပလပ်စေမည်ဖြစ်သည်။
- ဟဒီးဆ်: လူတစ်ချို့သည် အလ္လာဟ်အရှင်မြတ်၏ပစ္စည်းများကို မမှန်မကန် သုံးစွဲခဲ့ကြသည်။ထို့ကြောင့် ၎င်းတို့အတွက် ကိယာမသ်နေ့တွင်ငရဲမီးရှိသည်။
- ဟဒီးဆ်: အသင်တို့သည် ကွယ်လွန်သူများကို ဆဲဆိုမကောင်းပြောခြင်း မပြုကြလေနှင့်။ ဧကန်အမှန်ပင် ၎င်းတို့သည် သူတို့ကြိုတင်ပို့ထားသည့် အရာများဆီသို့ ရောက်သွားကြပြီဖြစ်သည်။
- ဟဒီးဆ်: မွတ်စ်လင်မ်တစ်ဦးသည် မိမိညီနောင်အား သုံးရက်ထက်ပို၍ မခေါ်မပြောဘဲ နေပိုင်ခွင့်မရှိပေ။ ၎င်းတို့နှစ်ဦး ဆုံတွေ့သည့်အခါ တစ်ဦးနှင့် တစ်ဦးကျောခိုင်းကြသည်။ ၎င်းတို့နှစ်ဦးအနက် အကောင်းဆုံးသူမှာ စလာမ် စပေးသူပင်ဖြစ်သည်။
- ဟဒီးဆ်: ဆွေမျိုးသားချင်း အဆက်ဖြတ်သူသည် ဂျန္နသ်သုခဘုံသို့ ဝင်ရောက်ရမည်မဟုတ်ပေ။
- ဟဒီးဆ်: အလ္လာဟ်အရှင်မြတ် အရွံမုန်းဆုံးသူမှာ အလွန်ပြဿနာရှာတတ်သူပင်ဖြစ်သည်။
- ဟဒီးဆ်: အကြင်သူသည် မိမိညီနောင်၏ ဂုဏ်သိက္ခာကို (၎င်းသူကွယ်ရာ၌) ကာကွယ်ပေးခဲ့လျှင် ကိယာမသ် တရားစီရင်မည့်နေ့၌ အလ္လာဟ်အရှင်မြတ်သည် ထိုသူ၏ မျက်နှာအား ဂျဟန္နမ်ငရဲမီးမှ ကာကွယ်ပေးတော်မူမည်ဖြစ်သည်။