ھەدىس: قىيامەت كۈنىدە مۇئ‍مىننىڭ مىزانىدا گۈزەل ئەخلاقتىنمۇ ئېغىر نەرسە بولمايدۇ، ئاللاھ تائالا ھەقىقەتەن ناچار ئەخلاق ۋە سەت ئىشلارنى ئۆچ كۆرىدۇ

عَنْ أَبِي الدَّرْدَاءِ رضي الله عنه أَنَّ النَّبِيَّ صَلَّى اللَّهُ عَلَيْهِ وَسَلَّمَ قَالَ:
«مَا شَيْءٌ أَثْقَلُ فِي مِيزَانِ الْمُؤْمِنِ يَوْمَ القِيَامَةِ مِنْ خُلُقٍ حَسَنٍ، وَإِنَّ اللَّهَ لَيُبْغِضُ الفَاحِشَ البَذِيءَ».
[صحيح] - [رواه أبو داود والترمذي] - [سنن الترمذي: 2002]

ئەبۇ دەردا رەزىيەللاھۇ ئەنھۇدىن بايان قىلىنغان ھەدىستە، پەيغەمبەر ئەلەيھىسسالام مۇنداق دېگەن:
«قىيامەت كۈنىدە مۇئ‍مىننىڭ مىزانىدا گۈزەل ئەخلاقتىنمۇ ئېغىر نەرسە بولمايدۇ، ئاللاھ تائالا ھەقىقەتەن ناچار ئەخلاق ۋە سەت ئىشلارنى ئۆچ كۆرىدۇ».
[سەھىھ(بەش شەرت تولۇق بولغادا ھەدىس سەھىھ بولىدۇ)] - [رواه أبو داود والترمذي] - [سۈنەن تىرمىزى - 2002]

شەرھىسى

پەيغەمبەرئەلەيھىسسالام قىيامەت كۈنىدە مۇئ‍مىننىڭ مىيزانىدا سۆز-ھەرىكەتلەردىن گۈزەل ئەخلاقتىنمۇ ئېغىر بىر نەرسىنىڭ يوق ئىكەنلىكىدىن خەۋەر بەردى. گۈزەل ئەخلاق دېگەن: باشقىلارغا ئوچۇق چېراي بولۇش، ئەزىيەت يەتكۈزمەسلىك، ياخشىلىق قىلىشتىن ئىبارەتتۇر. ئاللاھ تائالا ئىنساننىڭ ئىش ھەرىكەتلىرىدىكى ناچارلىق ۋە قەبىھ سۆزلەرنى ئۆچ كۆرىدۇ.

ھەدىسنىڭ پايدىلىرىدىن

1. گۈزەل ئەخلاقنىڭ ئالاھىدىلىكى: ئۇ ساھىبىغا ئاللاھنىڭ ۋە بەندىلەرنىڭ سۆيگۈسىنى قالدۇرىدۇ، بۇ قىيامەت كۈنى مىزاندا ئەڭ ئېغىر كېلىدىغان ئەمەلدۇر.