ھەدىس: رىزقىنىڭ كەڭ بولىشىنى، ئۆمرىنىڭ ئۇزۇن بولىشىنى ياخشى كۆرسگەن كىشى تۇققانلىرىغا ياخشىلىق قىلسۇن

عن أنس بن مالك رضي الله عنه قال سمعت رسول الله صلى الله عليه وسلم يقول: «من أحبّ أن يُبْسَطَ عليه في رزقه، وأن يُنْسَأَ له في أَثَرِهِ؛ فَلْيَصِلْ رحمه».
[صحيح] - [متفق عليه]

ئەنەس ئىبنى مالىك رەزىيەللاھۇ ئەنھۇ رىۋايەت قىلىپ: مەن رەسۇلۇللاھ سەللەللاھۇ ئەلەيھى ۋە سەللەمنىڭ: «رىزقىنىڭ كەڭ بولىشىنى، ئۆمرىنىڭ ئۇزۇن بولىشىنى ياخشى كۆرگەن كىشى تۇققانلىرىغا ياخشىلىق قىلسۇن» دېگەنلىكىنى ئاڭلىغان ئىدىم، دېگەن
سەھىھ(بەش شەرت تولۇق بولغادا ھەدىس سەھىھ بولىدۇ) - ھەدىسنى بۇخارى ۋە مۇسلىم بىردەك قوبۇل قىلغان

شەرھىسى

بۇ ھەدىستە تۇغقانلار بىلەن ئىناق ئۆتەشكە قىزىقتۇرۇلغان ۋە ئۇنىڭ ئاللاھنىڭ رازىلىقىنى قولغا كەلتۈرۈشتىن باشقا رىزقىنىڭ كەڭ بولىشى، ئۆمرىنىڭ ئۇزۇن بولىشىدەك بىر قانچە پايدىلىق تەرەپلىرى بايان قىلىنغان. بۇ ھەدىس بەزى كىشىلەرنىڭ قارىشىدا «ئاللاھ تائالا ھېچ ئادەمنى ئەجىلى كەلگەندە كېچىكتۈرمەيدۇ» دېگەن ئايەتكە زىت كېلىدۇ، ئەمما توغرا كۆز قاراش: ئادەمنىڭ ئەجىلى ھەر خىل سەۋەبلەرگە باغلىنىلغان بولىدۇ، بىر ئادەمنىڭ ئەجىلى «تۇققان بىلەن ئىناق ئۆتسە 60 يىل، ئىناق ئۆتمىسە 40 يىل» بەلگىلەنگەن دەپ پەرەز قىلساق، ئۇ كىشى ئىناق ئۆتسە، ئاللاھ ئىناق ئۆتمىگەندە بەلگىلىگەن ئۆمرىگە قېتىپ بېرىدۇ