Hadith: Uwipfuza kwugururirwa mu bimubeshaho (uwukunda ko ahabwa umusesekara mu bimubeshaho), agahabwa n'ubuzima burebure, araheza yunge ubuvandimwe bw'abo basangiye amaraso

عن أنس بن مالك رضي الله عنه أن رسول الله صلى الله عليه وسلم قال:
«مَنْ أَحَبَّ أَنْ يُبْسَطَ لَهُ فِي رِزْقِهِ، وَيُنْسَأَ لَهُ فِي أَثَرِهِ، فَلْيَصِلْ رَحِمَهُ».
[صحيح] - [متفق عليه] - [صحيح البخاري: 5986]

Mu vyakiriwe na Anasi mwene Maaliki (Imana Allah Imwishimire) ku Ntumwa y'Imana (nyakugira amahoro n'impuhwe z'Imana Allah), yavuze iti:
"Uwipfuza kwugururirwa mu bimubeshaho (uwukunda ko ahabwa umusesekara mu bimubeshaho), agahabwa n'ubuzima burebure, araheza yunge ubuvandimwe bw'abo basangiye amaraso".
[صحيح] - [متفق عليه] - [صحيح البخاري - 5986]

Explanation

Umuvugishwamana (nyakugira amahoro n'impuhwe z'Imana Allah), arahimiriza kwunga ubuvandimwe hagati y'abasangiye amaraso mu kugenderanira, mu guterana inkunga mu bikorwa bikeneye inguvu z'umubiri n'iz'uburyo, n'ibindi bitari ivyo, akanahimiriza no kwunga ubuvandimwe, kuko ari yo mvo ituma umuntu yugururirwa ubuzima akaronka umusesekara mu bimubeshaho akanaramba.

Benefits from the Hadith

1. Abavandimwe "rahimu", ni barya basangiye amaraso ku ruhande rwa ba Se na ba Nyina, uko rero umuntu aba asangiye amaraso ya hafi cane n'uwundi, ni ko aba akwiye kwungwa ubuvandimwe bwiwe gusumba uwo basangiye amaraso ya kure.
2. Impera ingere ku yindi (impera yisunga ubwoko bw'igikorwa umuntu aba yakoze); uwunze abavandimwe biwe rero mu kubagirira ineza akarangwa n'ubugwaneza kuri bo, Imana Allah Iraheza Ikamuha kuramba Ikanamuha umusesekara mu bimubeshaho.
3. Ukwunga ubuvandimwe, ni imvo ituma umuntu yugururirwa ubuzima mu guhabwa umusesekara mu bimubeshaho, ikanatuma umuntu aramba, n'aho rero urupfu rufise isango ntarengwa, n'ibibeshaho umuntu bikaba vyaragezwe, yamara ivyo birashobora kuba bisigura ko umuntu aheza akaronka imigisha n'imihezagiro mu bimubeshaho no mu buzima bwiwe, maze akarangura mu buzima bwiwe ibikorwa vyinshi kandi ngirakamaro, gusumba ivyo uwundi muntu ashobora gukora. Hari n'iyindi nsiguro y'uko umuntu yongererezwa vy'ukuri ibimubeshaho n'imyaka yo kubaho maze bikiyongera. Imana Allah ni Yo Izi gusumba insiguro nyayo.