Hadithi: Atakayependa kukunjuliwa katika riziki yake, na kucheleweshwa katika ajali yake basi naaunge udugu wake

عن أنس بن مالك رضي الله عنه قال سمعت رسول الله صلى الله عليه وسلم يقول: «من أحبّ أن يُبْسَطَ عليه في رزقه، وأن يُنْسَأَ له في أَثَرِهِ؛ فَلْيَصِلْ رحمه».
[صحيح] - [متفق عليه]

Kutoka kwa Anas bin Maliki Radhi za Mwenyezi Mungu ziwe juu yake Amesema: Nilimsikia Mjumbe wa Mwenyezi Mungu Rehema na Amani ziwe juu yake akisema: "Atakayependa kukunjuliwa katika riziki yake, na kucheleweshwa katika ajali yake basi naaunge udugu wake".
Sahihi - Wamekubaliana Bukhaariy na Muslim

Ufafanuzi

Katika hadithi hii kuna himizo la kuunga udugu, na kubainishwa baadhi ya faida zake, pamoja na hilo ni kuhakikisha kupata radhi za Mwenyezi Mungu Mtukufu-, kwani hilo ni sababu pia ya kupata thawabu za haraka kwa kuyapata mambo yanayopendeka zaidi kwa mja, nakuwa ni sababu ya kukunjuliwa riziki yake na ni sababu ya kurefushwa umri. Na kauli yake Mtukufu: "Na haicheleweshi Mwenyezi Mungu nafsi yoyote muda wake unapofikia" Maana yake ni muda wake ambao itaufikia baada ya kufanya kwake sababu za kurefushwa umri, tukichukulia kwa mfano umri wa mtu ni miaka hamsini, nakuwa yeye kabla ya kufa ataunga udugu na ukawa umri wake ni miaka sitini, basi hautocheleweshwa zaidi ya sitini, na hayo yote Mwenyezi Mungu Mtukufu anayajua tangu mwanzo, lakini linaweza kufichikana hilo kwa baadhi ya Malaika, Na kauli yake Mtukufu-: "Anayafuta Mwenyezi Mungu ayatakayo na anathibitisha" Yaani katika kurasa za Malaika "Na kwake kuna mama wa kitabu" ambacho kumeandikwa ndani yake ufafanuzi wa kila kitu, hakibadiliki ndani yake chochote.