නබි වදන: කවරෙකු ඔහුගේ පෝෂණ සම්පත්හි ඔහුට විස්තීරණය කරනු ලැබීමත් ඔහුගේ ආයු කාලයේ ඔහුට (අමතර කාලයක්) එකතු කරනු ලැබීමත් ප්රිය කරන්නේ ද ඔහු ඔහුගේ ඥාතී සම්බන්ධකම් පවත්වා ගනිත්වා!
عن أنس بن مالك رضي الله عنه قال سمعت رسول الله صلى الله عليه وسلم يقول: «من أحبّ أن يُبْسَطَ عليه في رزقه، وأن يُنْسَأَ له في أَثَرِهِ؛ فَلْيَصِلْ رحمه».
[صحيح] - [متفق عليه]
المزيــد ...
අල්ලාහ්ගේ දූතයාණන් (සල්ලල්ලාහු අලයිහි වසල්ලම්) තුමා කළ ප්රකාශයකට තමන් සවන් දුන් බව පවසමින් අනස් ඉබ්නු මාලික් (රළියල්ලාහු අන්හු) තුමා විසින් මෙසේ වාර්තා කරන ලදී. “කවරෙකු ඔහුගේ පෝෂණ සම්පත්හි ඔහුට විස්තීරණය කරනු ලැබීමත් ඔහුගේ ආයු කාලයේ ඔහුට (අමතර කාලයක්) එකතු කරනු ලැබීමත් ප්රිය කරන්නේ ද ඔහු ඔහුගේ ඥාතී සම්බන්ධකම් පවත්වා ගනිත්වා!”
පූර්ව සාධක සහිත හදීසයකි. - බුහාරි හා මුස්ලිම් හි වාර්තා වී ඇත.
ඥාති සම්බන්ධකම් පැවැත්වීම සඳහා උනන්දු කරවීමක් මෙම හදීසයේ සඳහන්ව ඇත. තවද අල්ලාහ්ගේ තෘප්තිය තහවුරු කිරීම සඳහා සම්බන්ධ වන එහි ඇතැම් ප්රයෝජන ද විස්තර කර ඇත. එමෙන්ම ගැත්තාට වඩාත් කැමති දෑ කල් ඇතිව ප්රතිඵල වශයෙන් හිමි කර ගැනීමේ හේතුකාරණා ද ඇත. සැබැවින්ම එය ඔහුගේ පෝෂණ සම්පත් ව්යාප්තිය හා විස්තීරණයට හේතු වන්නේය. එමෙන්ම ආයු කාලය වැඩිවීමටද හේතු වන්නේය. උත්තරීතර අල්ලාහ් මෙසේ ප්රකාශ කරයි. ‘කිසියම් කෙනෙකුට ඔහුගේ අවසන් කාලය පැමිණි විට අල්ලාහ් ප්රමාද කරන්නේම නැත.” මෙහි අර්ථය වනුයේ: ආයුෂ දීර්ග වීමේ හේතු සාධක ඇති වීමෙන් පසු ඒ වෙත ළඟා වන අවසන් කාලයයි. ඒ අනුව සැබැවින්ම පුද්ගලයකුගේ වයස අවුරුදු පනහක් බව නිර්ණය කරනු ලැබුවේ නම් ඔහු මරණයට පෙර අවුරුදු හැට දක්වා ඔහුගේ ආයු කාලය දීර්ග වෙයි. ඉන්පසු අවුරුදු හැටට වඩා ප්රමාද කරනු නොලැබේ. මේ සියල්ල මූලාරම්භයේ සිටම අල්ලාහ් දනී. එය ඇතැම් මලක්වරුන්ට පවා ඔහු සඟවා ඇත. උත්තරීතර අල්ලාහ් මෙසේ ප්රකාශ කරයි. මලක්වරුන්ගේ ලේඛනවලින් “ඔහු අභිමත කරන දෑ මකා දමයි. ඔහු අභිමත කරන දෑ ස්තීර කරයි.” එමෙන්ම “මව් ග්රන්ථය ඇත්තේ ඔහු අබියසය.” සෑම දෙයක්ම විස්තරාත්මකව ලියා ඇත්තේ එහි ය. ඉන් කිසිවක් වෙනස් වන්නේ නැත.
ප්‍රතිලාභ
- ඥාතී සම්බන්ධකම් පැවැත්වීම සඳහා කැමැත්ත හා උනන්දුව ඇති කිරීම.
- ඥාතී සම්බන්ධතාව ශක්තිමක් හේතු සාධකයකි. ලැබෙන පෝෂණ සම්පත්වල වර්ධණයටත් ආයු කාලය දීර්ග වීමටත් අල්ලාහ් එය හේතු සාධකයක් බවට පත් කළේය.
- ප්රතිඵල අදාළ ක්රියාවෙන්ම පිහිටනු ඇත. කවරෙකු තම ඥාතීන් සමග ත්යාගශීලීව හා උපකාරශීලීව සම්බන්ධකම් පවත් වන්නේ ද අල්ලාහ් ද ඔහුගේ පෝෂණ සම්පත් හා ඔහුගේ ආයුකාලය තුළ ඔහු සමග අල්ලාහ් සම්බන්ධකම් පවත්වන්නේය.
- හේතු සාධක ස්ථීර කිරීම. ඊට හේතුව සැබැවින්ම දූතයාණන් (සල්ලල්ලාහු අලයිහි වසල්ලම්) එවන් සාධකයක් තහවුරු කර සිටි බැවිණි. එනම් ඥාතී සම්බන්ධකම් පැවැත්වීමය. එම හේතුවේ ප්රතිඵලය වනුයේ: ආයුෂ වැඩිවීම හා පෝෂණ සම්පත්හි සමෘද්ධියයි.
ප්‍රවර්ග
අමතර
- නබි වදන: මහා පාපයන්ගෙන් වැළකී සිටින විට, පස්වේල සලාතයත්, ජුමුආ වෙන් ජුමුආවටත්, රමළානයෙන් රමළානයටත් ඒවා අතර සිදුවන දෑ සඳහා ඒවා ප්රතිකර්මයන් වනු ඇත.
- නබි වදන: කවරෙකු තම සහෝදරයාගේ මාන්යය කෙළසීමෙන් වළක්වන්නේ ද මළවුන් කෙරෙන් නැගිටුවනු ලබන දිනයේ අල්ලාහ් (නිරා) ගින්න ඔහුගේ මුහුණින් වළක්වනු ඇත.
- නබි වදන: උත්තරීතර අල්ලාහ් මෙසේ පවසයි: විශ්වාස කරන මාගේ ගැත්තෙකුහට මෙලෝවාසීන් අතරින් ඔහු ආදරය කරන තැනැත්තෙකු මා අත්පත් කර ගත් විටෙක පසුව ඔහු එය ඉවසා දරා ගත්තේ නම් මා අබියස ස්වර්ගය මිස වෙනත් කිසිවක් නොවනු ඇත.
- නබි වදන: මිනිසා වියදම් කරන දීනාර් අතරින් වඩාත් උතුම් වනුයේ තම පවුල වෙත වියදම් කරන දීනාරය; අල්ලාහ්ගේ මාර්ගයේ ගමන් කරන සත්වයින් (වාහන) වෙනුවෙන් වියදම් කරන දීනාරය හා අල්ලාහ්ගේ මාර්ගයේ කටයුතු කරන පුද්ගලයින් වෙත වියදම් කරන දීනාරයයි.
- නබි වදන: කවරෙකු ගැහැණු දරුවන් දෙදෙනෙකු ඔවුන් වැඩිවියට පත්වන තුරු හදාවඩා ගත්තේ ද මළවුන් කෙරෙන් නැගිටුවනු ලබන දිනයේ මා හා ඔහු මේ දෙක මෙන් එනු ඇත.
- නබි වදන: ‘අල්ලාහ් වෙත වඩාත් ප්රිය මනාප ක්රියාව කුමක් දැ?’යි මම නබි (සල්ලල්ලාහු අලයිහි වසල්ලම්) තුමාගෙන් විමසුවෙමි. එතුමා: ‘සලාතය නියමිත වේලාවේ ඉටු කිරීම වේ’ යැයි පැවසූහ. ‘ඉන්පසු කුමක්දැ?’යි විමසුවෙමි. එතුමා: ‘දෙමව්පියන්ට උපකාර උවටැන් කිරීම’ යැයි පැවසූහ.
- නබි වදන: සැබැවින්ම ඉස්ලාමය, ඊට පෙර පැවති දෑ (පාපකම්) විනාශ කර දමන බවත් හිජ්රත් හෙවත් නික්මයෑම, ඊට පෙර පැවැති දෑ විනාශ කරන බවත් හජ් වන්දනාව, ඊට පෙර පැවති දෑ විනාශ කරන බවත් ඔබ දන්නෙහි ද?