حدیث: که څوک خوښوي چې روزي یې پراخه شي او په عمر کې یې زیاتوالی راشي، نو رحم (خپلوي) دې وپالي.

عن أنس بن مالك رضي الله عنه قال سمعت رسول الله صلى الله عليه وسلم يقول: «من أحبّ أن يُبْسَطَ عليه في رزقه، وأن يُنْسَأَ له في أَثَرِهِ؛ فَلْيَصِلْ رحمه».
[صحيح] - [متفق عليه]

له أنس بن مالک - رضي الله عنه - څخه روایت دی چې ما له رسول الله - صلی الله علیه وسلم - څخه اوریدلي دي چې فرمایل یې: «که څوک خوښ ګڼي چې روزي یې پراخه شي او په عمر کې یې زیاتوالی راشي، نو رحم (خپلوي) دې وپالي».
صحيح - متفق علیه دی ( بخاري اومسلم دواړو روایت کړی دی)

تشریح

په دې حدیث کې د خپلوۍ پر ساتلو ټینګار شوی او د الله جل جلاله د رضا د لاسته راوړلو ترڅنګ یې د هغې ځینې ګټې هم بیان شوي دي، ځکه چې بنده ته د محبوبو کړنو په کولو سره بیړنی ثواب ورکول کیږي. بل دا چې دا د هغه د رزق د ډیریدو او پراخوالي لامل ګرځي، او د الله تعالی دا وینا چې فرمایي(ولن يؤخر الله نفسا إذا جاء أجلها) چې الله به هیڅ نفس وروسته نه کړي کله یې چې نیټه راورسیږي. معنی یې هغه نیټه ده چې ده ته به د هغو اسبابو له تر سره کولو وروسته رسیږي چې عمر زیاتوي ، که فرض کړل شي چې د یو چا عمر به پنځوس کاله وي، او مخکې لدې چې مړ شي نو صله رحمي وپالي چې پدې سره به یې عمر شپیته کاله شي، نو له شپېتو کلونو به وروسته نه شي، او پدې ټولو الله - تعالی - له پیله خبر دی، مګر کله له ځینو ملایکو پټ پاتې کیږي. او د الله - تعالی - دا وینا (يمحو الله ما يشاء ويثبت) پاکوي الله هغه څه چې وغواړي او پریږدي - هغه څه چې وغواړي- یعنې د پريښتو له عملنامو څخه ( وعنده أم الکتاب ) او له هغه سره هغه کتاب دی چې د هر څه تفصیل پکې دی، نو له هغه څخه هیڅ شي کې بدلون نه راځي.