Hadithi: Ai që dëshiron t'i shtohet rizku dhe t'i zgjatet jeta, le t'i mbajë lidhjet farefisnore
عن أنس بن مالك رضي الله عنه أن رسول الله صلى الله عليه وسلم قال:
«مَنْ أَحَبَّ أَنْ يُبْسَطَ لَهُ فِي رِزْقِهِ، وَيُنْسَأَ لَهُ فِي أَثَرِهِ، فَلْيَصِلْ رَحِمَهُ».
[صحيح] - [متفق عليه] - [صحيح البخاري: 5986]
المزيــد ...
Enes ibn Maliku (Allahu qoftë i kënaqur me të!) tregon se i Dërguari i Allahut ﷺ ka thënë:
"Ai që dëshiron t'i shtohet rizku dhe t'i zgjatet jeta, le t'i mbajë lidhjet farefisnore."
[Ky hadith është sahih] - [Muttefek alejhi] - [Sahihu i Buhariut - 5986]
Profeti ﷺ në këtë hadith na inkurajon t'i mbajmë lidhjet me të afërmit përmes vizitave, ndihmës fizike e financiare e gjërave të tjera dhe se kjo është shkak për shtim të rizkut dhe jetëgjatësi.
Mësime nga hadithi
- Të afërm konsiderohen të afërmit nga ana e babait dhe e nënës, ndërkohë sa më të afërt të jenë, atëherë janë më meritorë që lidhjet të mbahen me ta.
- Shpërblimi është sipas llojit të veprës, kështu që, kushdo që i mban lidhjet farefisnore duke bërë mirë, Allahu i jep jetëgjatësi dhe ia shton rizkun.
- Mbajtja e lidhjeve farefisnore është shkak për shtimin e zgjerimin e rizkut dhe shkak për jetëgjatësi. Edhe nëse afati jetësor dhe rizku janë të kufizuara, por mund të ketë bereqet në rizk dhe jetë, kështu që ai bën gjatë jetës së tij më shumë gjëra dhe është më i dobishëm se të tjerët. Gjithashtu për kuptimin e hadithit është thënë se shtimi i rizkut dhe i jetës është diçka reale që ndodh në të vërtetë. Allahu e di më së miri!
Kategoritë
Më shumë
- Hadithi: Mos i shndërroni shtëpitë tuaja në varre dhe mos e shndërroni varrin tim në vend feste! Më dërgoni salavate, sepse salavetet tuaja më arrijnë kudo që të jeni
- Hadithi: Pesë namazet, namazi i xhumasë deri në xhumanë tjetër dhe Ramazani deri në Ramazanin tjetër janë falje për mëkatet e bëra mes tyre, nëse njeriu ruhet prej mëkateve të mëdha
- Hadithi: Disa njerëz po zhyten në pasurinë e Allahut padrejtësisht. Ditën e Kiametit, të tillët i pret Zjarri
- Hadithi: Çdo vepër e mirë është sadaka (lëmoshë)
- Hadithi: Mos i shani të vdekurit, sepse ata kanë arritur te veprat që kanë punuar
- Hadithi: Muslimanit nuk i lejohet të mos i flasë vëllait të tij më shumë se tri net. Kur ata dy takohen, ky ia kthen shpinën, e edhe ai i tjetri ia kthen. Më i miri prej tyre është ai që fillon me selam.
- Hadithi: Nuk do të hyjë në Xhenet ai që i shkëput (lidhjet farefisnore)