Hədis: Qiyamət günü möminin tərəzisində gözəl əxlaqdan daha ağır gələcək başqa bir şey yoxdur. Həqiqətən Uca Allah, əxlaqsız və çirkin söz (və davranış) sahiblərinə nifrət edir

عَنْ أَبِي الدَّرْدَاءِ رضي الله عنه أَنَّ النَّبِيَّ صَلَّى اللَّهُ عَلَيْهِ وَسَلَّمَ قَالَ:
«مَا شَيْءٌ أَثْقَلُ فِي مِيزَانِ الْمُؤْمِنِ يَوْمَ القِيَامَةِ مِنْ خُلُقٍ حَسَنٍ، وَإِنَّ اللَّهَ لَيُبْغِضُ الفَاحِشَ البَذِيءَ».
[صحيح] - [رواه أبو داود والترمذي] - [سنن الترمذي: 2002]

Əbu Dərda (Allah ondan razı olsun) Peyğəmbərin (Allahın salavatı və salamı onun üzərinə olsun) belə dediyini rəvayət etmişdir.
«Qiyamət günü möminin tərəzisində gözəl əxlaqdan daha ağır gələcək başqa bir şey yoxdur. Həqiqətən Uca Allah, əxlaqsız və çirkin söz (və davranış) sahiblərinə nifrət edir».
[Səhih] - [Əbu Davud, Ət-Tirmizi rəvayət etdilər] - [Sünən Ət-Tirmizi - 2002]

Şərh (izah)

Peyğəmbər (Allahın salavatı və salamı onun üzərinə olsun) Qiyamət günü möminin tərəzisində, əməl və sözlərdən ən ağır gələcək şeyin gözəl əxlaq olduğunu bildirmişdir. Bu da gülər üzlü olmaq, başqalarına əziyyət verməmək və yaxşılıq etməklə olur. Uca Allah əməllərində və sözlərində çirkin olana, dili ilə ədəbsiz söz danışanlara nifrət edir.

Hədisin faydalarından

1. Gözəl əxlaqın fəziləti, çünki o sahibinə Allahın və Onun qullarının sevgisini qazandırır və (gözəl əxlaq) qiyamət günü tərəzidə çəkiləcək ən böyük şeydir.