فەرموودە: ((موسلمان ئه‌وه‌ یێ موسلمانێن دی ژ ئه‌زمان و ده‌ستێ وی د پاراستی و سلامه‌ت بن، و مشه‌ختی ئه‌وه‌ یێ ژ وان تشتان دویر بكه‌ڤیت یێن خودێ پاشڤه‌برن ژێ كری))

عَنْ عَبْدِ اللَّهِ بْنِ عَمْرٍو رَضِيَ اللَّهُ عَنْهُمَا عَنِ النَّبِيِّ صَلَّى اللهُ عَلَيْهِ وَسَلَّمَ قَالَ:
«المُسْلِمُ مَنْ سَلِمَ المُسْلِمُونَ مِنْ لِسَانِهِ وَيَدِهِ، وَالمُهَاجِرُ مَنْ هَجَرَ مَا نَهَى اللَّهُ عَنْهُ».
[صحيح] - [متفق عليه] - [صحيح البخاري: 10]

عه‌بدولڵاھێ كوڕێ عه‌مری (خودێ ژ هه‌ردووكان ڕازی بیت) دبێژیت: پێغه‌مبه‌ری (صه‌لات و سه‌لامێن خودێ ل سه‌ر بن) گۆت:
((موسلمان ئه‌وه‌ یێ موسلمانێن دی ژ ئه‌زمان و ده‌ستێ وی د پاراستی و سلامه‌ت بن، و مشه‌ختی ئه‌وه‌ یێ ژ وان تشتان دویر بكه‌ڤیت یێن خودێ پاشڤه‌برن ژێ كری)).
[صحيح] - [متفق عليه] - [صحيح البخاري - 10]

شیکردنەوە

پێغه‌مبه‌ر (صه‌لات و سه‌لامێن خودێ ل سه‌ر بن) مه‌ ئاگه‌هدار دكه‌ت كو موسلمانێ دروست و ته‌مام ئه‌وه‌ یێ موسلمانێن دی ژ ئه‌زمانێ وی د پاراستی و سلامه‌ت بن، ڤێجا نه‌ خه‌به‌ران دبێژیته‌ وان، نه‌ نه‌فره‌تان ل وان دكه‌ت، نه‌ (غه‌یبه‌تا) وان د‌كه‌ت و چ ئازاران ب ئه‌زمانێ خۆ نا‌گه‌هینیتێ، و ژ ده‌ستێ وی ژی د پاراستی و سلامه‌ت بن، ڤێجا ده‌ستدرێژییێ ناكه‌ته‌ سه‌ر وان و مالێ وان ب نه‌حه‌قی نابه‌ت و تشتێن وەکی ڤان. و مشه‌ختییێ ڕاست و دروست ئه‌وه‌ یێ ژ وان تشتان دویر بكه‌ڤیت یێن خودایێ مه‌زن حه‌رام كرین.

لە سوودەکانی فەرموودەکە

1. ته‌مامبوونا ئیسلامێ ب هندێ دبیت مرۆڤ نه‌خۆشییێ بۆ كه‌سێ دروست نه‌كه‌ت، چ ب كریار بیت یان ب ئاخڤتن.
2. به‌حسێ ئه‌زمان و ده‌ستی ب تایبه‌تی هاته‌ كرن، چونكی پترییا شه‌ڕ و خرابییان ژ ڤان هه‌ردووكان په‌یدا دبن.
3. هاندان ل سه‌ر هێلانا گونه‌هان و پێگیربوون ب فه‌رمانێن خودایێ مه‌زن.
4. باشترینێ موسلمانان ئه‌وه‌ یێ مافێن خودێ و مافێن خه‌لكی بجهـ بینیت.
5. ده‌ستدرێژیكرن دبیت ب ئاخڤتنێ بیت یان ب كریارێ بیت.
6. مشه‌ختبوونا ته‌مام ئه‌وه‌ مرۆڤ ژ حه‌رامكریێن خودێ دویر بكه‌ڤیت.