((باوهری حهفتێ و تشتهك - یان شێست و تشتهك - لقه، بلندترین و باشترین لقێ باوهرییێ گۆتنا (لَا إِلَهَ إِلَّا اللهُ)ـیه و كێمترین لقێ باوهرییێ ژی لادانا وی تشتییه ل سهر ڕێكێ یێ نهخۆشییێ دگههینیته خهلكی
((ههر كهسێ ژ ههوه خرابییهك دیت؛ بلا ب دهستێ خۆ بگوهۆڕیت، ئهگهر نهشیا بلا ب ئهزمانێ خۆ بگوهۆڕیت، ئهگهر نهشیا بلا ب دلێ خۆ بگوهۆڕیت و ئهو لاوازترین باوهرییه))
ههر كهسێ د ئیسلامێدا (پشتی موسلمان بووی) باشییێ بكهت؛ لێپرسین د گهل ناهێته كرن ژ بهر وان تشتێن ل سهردهمێ نهزانینێ (بهری موسلمانبوونێ) ئهنجامداین، بهلێ ههر كهسێ د ئیسلامێدا خرابی و گونههێ بكهت؛ دێ لێپرسینا كارێن بهرێ و یێن دویماهیكێ ههمییان د گهل هێته كرن))
((موسلمان ئهوه یێ موسلمانێن دی ژ ئهزمان و دهستێ وی د پاراستی و سلامهت بن، و مشهختی ئهوه یێ ژ وان تشتان دویر بكهڤیت یێن خودێ پاشڤهبرن ژێ كری))
هندهك تشت دهێنه سهر دل و دهروونێ مه كو ئێك ژ مه ب مهزن دبینیت ب دهڤێ خۆ بیژیت و دهربڕینێ ژێ بكهت، ئینا پێغهمبهری (صهلات و سهلامێن خودێ ل سهر بن) گۆت: ((ئهرێ ب ڕاستی ههوه (ئهو تشت د دل و دهروونێ خۆدا) دیتینه؟)) گۆتن: بهلێ، گۆت: ((ئهڤه ڕاستی و دروستییا باوهرییێیه))
((مسوگهر باوهری د ناڤ دلێ ههر ئێك ژ ههوهدا كهڤن و لاواز دبیت، ههروهكی كا چاوا جلك كهڤن دبیت، لهوا هوین داخوازێ ژ خودێ بكهن ئهو باوهرییێ د دلێ ههوهدا نوی بكهتهڤه))