عن أبي هريرة رضي الله عنه ، أن رسول الله صلى الله عليه وسلم قال: «الإيمانُ بِضْعٌ وَسَبْعُونَ أو بِضْعٌ وسِتُونَ شُعْبَةً: فَأَفْضَلُهَا قَوْلُ: لا إله إلا الله، وَأَدْنَاهَا إِمَاطَةُ الأَذَى عَنِ الطَّرِيقِ، وَالحَيَاءُ شُعْبَةٌ مِنَ الإِيمَانِ».
[صحيح] - [متفق عليه]
المزيــد ...

അബൂ ഹുറൈറ -رَضِيَ اللَّهُ عَنْهُ- നിവേദനം: നബി -ﷺ- പറഞ്ഞു: "ഈമാൻ എഴുപതിൽ പരം - അല്ലെങ്കിൽ അറുപതിൽ പരം - ശാഖകളാകുന്നു. അതിൽ ഏറ്റവും ശ്രേഷ്ഠമായത് 'ലാ ഇലാഹ ഇല്ലല്ലാഹ്' (അല്ലാഹുവല്ലാതെ ആരാധനക്ക് അർഹനായി ആരുമില്ല) എന്ന വാക്കാകുന്നു. അതിൽ ഏറ്റവും താഴെയുള്ളത് വഴിയിൽ നിന്ന് ഉപദ്രവം എടുത്തു നീക്കലാകുന്നു. ലജ്ജ ഈമാനിൻ്റെ ശാഖകളിൽ പെട്ടതാകുന്നു."
സ്വഹീഹ് - ബുഖാരിയും മുസ്ലിമും ഉദ്ധരിച്ചത്

വിശദീകരണം

ഈമാൻ എന്നാൽ ഒരൊറ്റ കാര്യമോ, ഒരേയൊരു ശാഖയോ അല്ല; മറിച്ച് ധാരാളം ശാഖകൾ - എഴുപതിൽ പരമോ അറുപതിൽ പരമോ ശാഖകൾ - അതിനുണ്ട്. എന്നാൽ അതിലെ ഏറ്റവും ശ്രേഷ്ഠമായ ശാഖ ലാ ഇലാഹ ഇല്ലല്ലാഹ് എന്ന വാക്കാണ്. അതിൽ ഏറ്റവും ലളിതമായത് കാൽനടക്കാർക്ക് പ്രയാസം സൃഷ്ടിക്കുന്ന ഏതു കാര്യവും - കല്ലോ മുള്ളോ മറ്റോ - വഴിയിൽ നിന്ന് എടുത്തുനീക്കലാണ്. ലജ്ജ ഈമാനിൻ്റെ ശാഖകളിലൊന്നാണ്.

പരിഭാഷ: ഇംഗ്ലീഷ് ഫ്രഞ്ച് സ്‌പെയിൻ തുർക്കി ഉർദു ഇന്തോനേഷ്യ ബോസ്‌നിയ റഷ്യ ബംഗാളി ചൈനീസ് പേർഷ്യൻ തഗാലോഗ് ഇന്ത്യൻ വിയറ്റ്നാമീസ് സിംഹള ഉയ്ഗൂർ കുർദിഷ് ഹൗസാ പോർച്ചുഗീസ് തെലുങ്ക്‌ സ്വാഹിലി തമിൾ ബോർമീസ് തായ്ലാൻഡിയൻ ജെർമൻ ജപ്പാനീസ് പഷ്‌'തു ആസാമീസ് അൽബാനിയൻ السويدية الأمهرية الهولندية الغوجاراتية
വിവർത്തനം പ്രദർശിപ്പിക്കുക

ഹദീഥിൻ്റെ പാഠങ്ങളിൽ നിന്ന്

  1. * ഈമാൻ പല പടികളായാണുള്ളത്. പ്രാധാന്യത്തിൽ അതിൽ ചിലത് മറ്റുള്ളവയെക്കാൾ മുകളിലാണ്.
  2. * അഹ്'ലുസ്സുന്നത്തിൻ്റെ അടുക്കൽ ഈമാൻ എന്നാൽ വാക്കും പ്രവൃത്തിയും വിശ്വാസവും കൂടിച്ചേർന്നതാണ്.
  3. * ഈമാനാണ് സൽകർമ്മങ്ങൾക്ക് പ്രേരിപ്പിക്കുന്നതും, അതിൻ്റെ അടിത്തറയായി നിലകൊള്ളുന്നതും.
  4. * ഈമാൻ വ്യത്യസ്ത ഭാഗങ്ങളുണ്ട്. അതു കൊണ്ടാണ് അതിൽ വർദ്ധനവും കുറവും സംഭവിക്കുന്നത്.
  5. * ഈമാൻ എന്നത് മനുഷ്യന് അവൻ്റെ പ്രവർത്തിയിലൂടെ നേടിയെടുക്കാൻ സാധിക്കുന്ന കാര്യമാണ്.
  6. * ലജ്ജയുടെ ശ്രേഷ്ഠതയും, അത് സ്വഭാവത്തിൻ്റെ ഭാഗമാക്കാനുള്ള പ്രോത്സാഹനവും.
കൂടുതൽ