Hadith: ههر كهسێ د ئیسلامێدا (پشتی موسلمان بووی) باشییێ بكهت؛ لێپرسین د گهل ناهێته كرن ژ بهر وان تشتێن ل سهردهمێ نهزانینێ (بهری موسلمانبوونێ) ئهنجامداین، بهلێ ههر كهسێ د ئیسلامێدا خرابی و گونههێ بكهت؛ دێ لێپرسینا كارێن بهرێ و یێن دویماهیكێ ههمییان د گهل هێته كرن))
عَنِ ابْنِ مَسْعُودٍ رَضِيَ اللَّهُ عَنْهُ، قَالَ:
قَالَ رَجُلٌ: يَا رَسُولَ اللهِ، أَنُؤَاخَذُ بِمَا عَمِلْنَا فِي الْجَاهِلِيَّةِ؟ قَالَ: «مَنْ أَحْسَنَ فِي الْإِسْلَامِ لَمْ يُؤَاخَذْ بِمَا عَمِلَ فِي الْجَاهِلِيَّةِ، وَمَنْ أَسَاءَ فِي الْإِسْلَامِ أُخِذَ بِالْأَوَّلِ وَالْآخِرِ».
[صحيح] - [متفق عليه] - [صحيح البخاري: 6921]
المزيــد ...
ژ ئبن مهسعوودی (خودێ ژێ ڕازی بیت) گۆت:
زهلامهكی گۆت: ئهی پێغهمبهرێ خودێ؛ ئهرێ دێ لێپرسین د گهل مه هێته كرن ژ بهر وان تشتێن مه ل سهردهمێ نهزانینێ (بهری موسلمانبوونێ) ئهنجامداین؟ گۆت: ((ههر كهسێ د ئیسلامێدا (پشتی موسلمان بووی) باشییێ بكهت؛ لێپرسین د گهل ناهێته كرن ژ بهر وان تشتێن ل سهردهمێ نهزانینێ (بهری موسلمانبوونێ) ئهنجامداین، بهلێ ههر كهسێ د ئیسلامێدا خرابی و گونههێ بكهت؛ دێ لێپرسینا كارێن بهرێ و یێن دویماهیكێ ههمییان د گهل هێته كرن)).
[صحيح] - [متفق عليه] - [صحيح البخاري - 6921]
پێغهمبهر (صهلات و سهلامێن خودێ ل سهر بن) قهدر و بهایێ هاتنا د ناڤ ئیسلامێدا دیار دكهت، و دیار دكهت كو ههر كهسێ موسلمان بوو و ئیسلامهتییا وی باش بوو و كهسهكێ دلسۆز و ڕاستگۆ بوو؛ هنگی لێپرسین د گهل وی ناهێته كرن ژ بهر وان گونههێن وی ل سهردهمێ نهزانینێ ئهنجامداین، و ههر كهسێ كارێ خراب د ئیسلامێدا بكهت، ئهڤه ژی ب وێ چهندێ كو كهسهكێ موناق و دووڕوی بیت یان پشتی موسلمانبوونێ موڕتهد بیت و جارهكا دی ژ ئیسلامێ دهركهڤیت؛ وی دهمی دێ لێپرسین د گهل وی هێته كرن ژ بهر وان كارێن وی ل سهردهمێ كوفرێ و سهردهمێ ئیسلامهتییێ ژی ئهنجامداین.
Benefits from the Hadith
- گرنگیدان و ترسا صهحابییان (خودێ ژ ههمییان ڕازی بیت) ژ بهر وان كارێن وان ل سهردهمێ نهزانینێ ئهنجامداین.
- هاندان ل سهر خۆڕاگری و بنهجهبوونێ ل سهر ئیسلامێ.
- قهدر و بها و خێرا هاتنا د ناڤ ئیسلامێدا و كو ئهو گونههێن بهری خۆ ههمییان ژێدبهت.
- مرۆڤێ موڕتهد (ئهوێ پشتی موسلمانبوونێ؛ ئیسلام هێلای و ژێ دهركهڤتی) و مرۆڤێ مونافق؛ دێ لێپرسینا وان ههمی كار و گونههێن وان ل سهردهمێ نهزانینێ (بهری موسلمانبوونێ) و ئهوێن پشتی موسلمانبوونێ ژی كرین د گهل هێته كرن.
Categories
More ...
- Hadith: بزانه تو دێ چییه د ناڤ هندهك كهسێن خودانێن پهڕتووكێدا، ڤێجا ئهگهر تو چوویه د ناڤ واندا؛ دهستپێكێ تو گازی وان بكه ئهو شاهده بدهن كو ژ ئهلڵاهی پێڤهتر چ خودایێن ژ ههژی پهرستنێ نینن و كو موحهممهد پێغهمبهرێ خودێیه
- Hadith: ((مسوگهر خودێ دێ ل دویڤ زۆڕداری درێژكهت ههتا دگریت، دهمێ گرت ئێدی بهرنادهت
- Hadith: ((ههر كهسێ بچیتە دهڤ فالگرهكی و پرسیارا تشتهكی ژێ بكهت، چل ڕۆژان نڤێژا وی ناهێته قهبویلكرن))
- Hadith: ((باوهری حهفتێ و تشتهك - یان شێست و تشتهك - لقه، بلندترین و باشترین لقێ باوهرییێ گۆتنا (لَا إِلَهَ إِلَّا اللهُ)ـیه و كێمترین لقێ باوهرییێ ژی لادانا وی تشتییه ل سهر ڕێكێ یێ نهخۆشییێ دگههینیته خهلكی
- Hadith: ((ههر كهسێ ژ ههوه خرابییهك دیت؛ بلا ب دهستێ خۆ بگوهۆڕیت، ئهگهر نهشیا بلا ب ئهزمانێ خۆ بگوهۆڕیت، ئهگهر نهشیا بلا ب دلێ خۆ بگوهۆڕیت و ئهو لاوازترین باوهرییه))
- Hadith: تو چ دبێژی ئەگەر من نڤێژێن فەڕز کرن و ڕۆژییێن ڕەمەزانێ گرتن، حەلال حەلال کر و حەرام حەرام کر
- Hadith: ئیسلام ئهوه تو شاهدهییێ بدهی كو ژ ئهلڵاهی پێڤهتر چ خودایێن ژ ههژی پهرستنێ نینن و كو موحهممهد پێغهمبهرێ خودێیه و تو نڤێژێ بكهی و زهكاتێ بدهی و ڕهمهزانێ یێ ب ڕۆژی بی و بچییه حهجێ ئهگهر ڕێكا ته ههبیت و ته شیان ههبن