ဟဒီးဆ်: - «أَذْهِبِ الْبَاسَ، رَبَّ النَّاسِ، وَاشْفِ أَنْتَ الشَّافِي، لَا شِفَاءَ إِلَّا شِفَاؤُكَ، شِفَاءً لَا يُغَادِرُ سَقَمًا». အို လူသားတို့ကို ဖန်ဆင်းမွေးမြူတော်မူသောအရှင်၊ ဘေးဒုက္ခကို ဖယ်ရှားတော်မူပါ။ ပြင်းထန်တယ့် ဝေဒနာကို ကင်းဝေးစေတော်မူပါ။ ရောဂါကို သက်သာပျောက်ကင်းစေတော်မူပါ။ အရှင်မြတ်သာလျှင် သက်သာပျောက်ကင်းမှုကို ပေးနိုင်တော်မူသောအရှင် ဖြစ်တော်မူပါ၏။ အရှင်မြတ်ပေးသနားတော်မူသော ပျောက်ကင်းချမ်းသာမှုမှတစ်ပါး အခြားသော ပျောက်ကင်းချမ်းသာမှု မရှိပါ။ မည်သည့်ရောဂါဝေဒနာမျှ မကျန်ရစ်စေမည့် ပျောက်ကင်းချမ်းသာမှုကို ပေးသနားတော်မူပါ။

عَنْ عَائِشَةَ أُمِّ المؤْمنينَ رَضيَ اللهُ عنها قَالَت:
كَانَ رَسُولُ اللهِ صَلَّى اللهُ عَلَيْهِ وَسَلَّمَ إِذَا أَتَى الْمَرِيضَ يَدْعُو لَهُ قَالَ: «أَذْهِبِ الْبَاسَ، رَبَّ النَّاسِ، وَاشْفِ أَنْتَ الشَّافِي، لَا شِفَاءَ إِلَّا شِفَاؤُكَ، شِفَاءً لَا يُغَادِرُ سَقَمًا».
[صحيح] - [متفق عليه] - [صحيح مسلم: 2191]

ဤဘာသာပြန်ဆိုချက်ကို ပိုမိုသုံးသပ်ရန်နှင့် စစ်ဆေးရန်လိုအပ်သည်။.

မုအ်မင်န်တို့၏ မိခင်ကြီး အာအိရှဟ် (ရဿွိယလ္လာဟုအန်ဟာ)က ဆင့်ပြန်ခဲ့သည်။
"အလ္လာဟ်အရှင်မြတ်၏ ရစူလ်တမန်တော် (ဆွလ္လလ္လာဟုအလိုင်ဟိဝစလ္လမ်) သည် နာမကျန်းဖြစ်နေသူထံကြွမြန်းရောက်ရှိသွားသည့်အခါ ၎င်းအတွက် ဤသို့ ဒုအာပြုပေးတော်မူလေ့ရှိသည်- «أَذْهِبِ الْبَاسَ، رَبَّ النَّاسِ، وَاشْفِ أَنْتَ الشَّافِي، لَا شِفَاءَ إِلَّا شِفَاؤُكَ، شِفَاءً لَا يُغَادِرُ سَقَمًا». အို လူသားတို့ကို ဖန်ဆင်းမွေးမြူတော်မူသောအရှင်၊ ဘေးဒုက္ခကို ဖယ်ရှားတော်မူပါ။ ပြင်းထန်တယ့် ဝေဒနာကို ကင်းဝေးစေတော်မူပါ။ ရောဂါကို သက်သာပျောက်ကင်းစေတော်မူပါ။ အရှင်မြတ်သာလျှင် သက်သာပျောက်ကင်းမှုကို ပေးနိုင်တော်မူသောအရှင် ဖြစ်တော်မူပါ၏။ အရှင်မြတ်ပေးသနားတော်မူသော ပျောက်ကင်းချမ်းသာမှုမှတစ်ပါး အခြားသော ပျောက်ကင်းချမ်းသာမှု မရှိပါ။ မည်သည့်ရောဂါဝေဒနာမျှ မကျန်ရစ်စေမည့် ပျောက်ကင်းချမ်းသာမှုကို ပေးသနားတော်မူပါ။"
[صحيح] - [متفق عليه] - [صحيح مسلم - 2191]

ရှင်းလင်းချက်

တမန်တော်မြတ် (ဆွလ္လလ္လာဟုအလိုင်ဟိဝစလ္လမ်) သည် နာမကျန်းဖြစ်နေသူတစ်ဦးအား သွားရောက်ကြည့်ရှုသောအခါ ထိုလူနာအတွက် ဤသို့ ဒုအာပြုပေးတော်မူလေ့ရှိသည်- အို- အလ္လာဟ်အရှင်မြတ်၊ ပြင်းထန်သော ရောဂါဝေဒနာကို ဖယ်ရှားပေးတော်မူပါ။ အိုလူသားတို့ကို ဖန်ဆင်းမွေးမြူတော်မူသောအရှင်၊ ၎င်းတို့အား ပြုစုပျိုးထောင်တော်မူသောအရှင်၊ ဤရောဂါဝေဒနာကို သက်သာပျောက်ကင်းစေတော်မူပါ။ အရှင်မြတ်သည် သန့်ရှင်း‌စင်ကြယ်တော်မူပါသည်။ အရှင်မြတ်သာလျှင် အမှန်တကယ် သက်သာပျောက်ကင်းစေနိုင်တော်မူသောအရှင်ဖြစ်ပါသည်။ ကျွန်တော်မျိုးသည် အရှင်မြတ်၏ အတ်ရှာဖီ (သက်သာပျောက်ကင်းစေတော်မူသောအရှင်)ဟူသော နာမတော်ဖြင့် အရှင်မြတ်ထံ အကြောင်းခံ၍ တောင်းခံအပ်ပါသည်။ လူနာအတွက် အရှင်မြတ်ပေးသနားတော်မူသော ပျောက်ကင်းချမ်းသာမှုမှတစ်ပါး အခြားသော ပျောက်ကင်းချမ်းသာမှု မရှိပါ။ မည်သည့်ရောဂါဝေဒနာမျှ မကျန်ရစ်စေမည့် ပျောက်ကင်းချမ်းသာမှုကို ပေးသနားတော်မူပါ။"

ဟဒီးဆ်မှ သိမှတ်ဖွယ်ရာများ

1. ရောဂါဝေ‌ဒနာကို သက်သာပျောက်ကင်းစေနိုင်တော်မူသောအရှင်မှာ အလ္လာဟ်အရှင်မြတ်သာလျှင် ဖြစ်သည်။ ဆရာဝန်နှင့် ဆေးဝါးတို့မှာ အကြောင်းခံများသာဖြစ်ကြပြီး၊ အလ္လာဟ်အရှင်မြတ်၏ခွင့်ပြုချက်မရှိဘဲ ကောင်းကျိုးလည်း မပြုနိုင်သလို၊ ဆိုးကျိုးလည်း မပြုနိုင်ပေ။
2. လူမမာအား သွားရောက်မေးမြန်းရှုကြည့်ခြင်းသည် မွတ်စ်လင်မ်အချင်းချင်းကြားရှိ အခွင့်အရေးများထဲမှ တစ်ခုဖြစ်ပြီး၊ မိသားစုဝင်အတွင်းရှိလူများသည် ထိုအခွင့်အ‌ရေးကို ပို၍ရထိုက်သည်။
3. လူမမာအား သွားရောက်ကြည့်ရှုသူသည် လူမမာအတွက် ဤဗရ်ကသ်မင်္ဂလာရှိသောဒုအာကို တောင်းပေးရန် အားပေးတိုက်တွန်းထားသည်။
4. တမန်တော်မြတ် (ဆွလ္လလ္လာဟုအလိုင်ဟိဝစလ္လမ်)၏ စွန္နသ်လမ်းစဉ်တစ်ရပ်မှာ ကုရ်အာန်နှင့် ကောင်းမြတ်သော ဒုအာအမျိုးမျိုးတို့ဖြင့် ရောဂါကို ရွတ်က်ယဟ်မန်းမှုတ်ကုသခြင်း ပါဝင်သည်။ ထို့ပြင် တမန်တော်မြတ် (ဆွလ္လလ္လာဟုအလိုင်ဟိဝစလ္လမ်)သည် နာမကျန်းဖြစ်တော်မူသောအခါ မိမိကိုယ်ကို ကိုယ်တိုင်မန်းမှုတ်တော်မူပြီး၊ မိမိ၏ အိမ်သူအိမ်သားများနှင့် အခြားသူများထဲမှ နာကျန်းဖြစ်သူများအတွက်လည်း မန်းမှုတ်ပေးတော်မူ၏။
5. အိဗ်နုဟဂျရ်က မိန့်ဆိုသည်- “နာမကျန်းဖြစ်သူအတွက် သက်သာပျောက်ကင်းမှုရရှိရန် ဒုအာတောင်းပေးရာတွင် စောဒကတစ်ရပ် ရှိသည်။ အကြောင်းမှာ ဖျားနာခြင်းတွင် ကဖ်ဖာရဟ်(အပြစ်များ ပလှပ်ခံရခြင်း) နှင့် အကျိုးဆုလာဘ်များရရှိစေသည်ဟု ဟဒီးစ်တော်များစွာဖြင့် သက်သေပြုထားသောကြောင့်ဖြစ်သည်။ ၎င်း၏ အဖြေမှာ- ဒုအာဆုတောင်းခြင်းသည် အေဗာဒသ်တစ်ခုဖြစ်ပြီး၊ ကဖ်ဖာရဟ်(အပြစ်များပလှပ်ခံရခြင်း) နှင့် အကျိုးဆုလာဘ်ရရှိခြင်းတို့နှင့် မဆန့်ကျင်ပေ။ အကြောင်းမှာ ကဖ်ဖာရဟ်(အပြစ်များပလှပ်ခံရခြင်း) နှင့် အကျိုးဆုလာဘ်တို့ကို နာမကျန်းစတင်ဖြစ်သည့်အခါနှင့် ၎င်းအပေါ် စွဗရ်သည်းခံခြင်းဖြင့် ရရှိသွားသောကြောင့်ဖြစ်သည်။ ထို့ကြောင့် ဒုအာဆုတောင်းသူသည် ကောင်းကျိုးနှစ်ခုကြားတွင် ရှိသည်- (၁) ၎င်း၏ ရည်ရွယ်ချက် (သက်သာပျောက်ကင်းရေး)မှာ အထမြောက်ပြည့်စုံသွားခြင်း၊ (၂) အကျိုးတစ်ခုခုရရှိစေခြင်း သို့မဟုတ် ဘေးအန္တရာယ်တစ်ခုကို ဖယ်ရှားပေးခြင်းဖြင့် အစားထိုးလျော်ကြေးပေးခြင်း ခံရခြင်း ဖြစ်သည်။ ဤအရာအားလုံးသည် အလ္လာဟ်အရှင်မြတ်၏ ကျေးဇူးတော်မှပင်ဖြစ်သည်။