ሓዲሥ: አዝሂቢልባስ ረበንናስ ወሽፊ አንተ ሻፊ፤ ላ ሺፋአ ኢላ ሺፋኡክ፣ ሺፋአን ላዩጋዲሩ ሰቀማ"» ትርጉሙም "የሰዎች ጌታ የሆንከው ሆይ! በሽታውን አስወግድ። አንተ ፈዋሽ ነህና ፈውሰው። በሽታን የማያስቀር ከሆነው ከአንተ ፈውስ በቀርም ሌላ ፈውስ የለም።" ማለት ነው።
عَنْ عَائِشَةَ أُمِّ المؤْمنينَ رَضيَ اللهُ عنها قَالَت:
كَانَ رَسُولُ اللهِ صَلَّى اللهُ عَلَيْهِ وَسَلَّمَ إِذَا أَتَى الْمَرِيضَ يَدْعُو لَهُ قَالَ: «أَذْهِبِ الْبَاسَ، رَبَّ النَّاسِ، وَاشْفِ أَنْتَ الشَّافِي، لَا شِفَاءَ إِلَّا شِفَاؤُكَ، شِفَاءً لَا يُغَادِرُ سَقَمًا».
[صحيح] - [متفق عليه] - [صحيح مسلم: 2191]
المزيــد ...
ከአማኞች እናት ዓኢሻ (ረዲየሏሁ ዐንሃ) - አላህ መልካም ሥራዋን ይውደድላትና - እንደተላለፈው እንዲህ አለች:
«የአላህ መልክተኛ (የአላህ ሰላትና ሰላም በእርሳቸው ላይ ይስፈን) ወደ ህመምተኛ የሄዱ ጊዜ እንዲህ በማለት ዱዓ ያደርጉለት ነበር: "አዝሂቢልባስ ረበንናስ ወሽፊ አንተ ሻፊ፤ ላ ሺፋአ ኢላ ሺፋኡክ፣ ሺፋአን ላዩጋዲሩ ሰቀማ"» ትርጉሙም "የሰዎች ጌታ የሆንከው ሆይ! በሽታውን አስወግድ። አንተ ፈዋሽ ነህና ፈውሰው። በሽታን የማያስቀር ከሆነው ከአንተ ፈውስ በቀርም ሌላ ፈውስ የለም።" ማለት ነው።
[ሶሒሕ ነው።] - [ቡኻሪና ሙስሊም ዘግበውታል።] - [ሶሒሕ ሙስሊም - 2191]
ነቢዩ(የአላህ ሰላትና ሰላም በእርሳቸው ላይ ይስፈን) በሽተኛን የጠየቁ ጊዜ እንዲህ በማለት ዱዓ ያደርጉለት ነበር: አላህ ሆይ! (አዝሂብ) አስወግድ (አልባስ) የበሽታውን ሀይለኝነት (ረብበ ናስ) የሰዎች ፈጣሪና ተንከባካቢ የሆንከው! (ወሽፊ) ይህን በሽተኛ ፈውሰው (አንተ ሻፊ) ጥራት ይገባህና "አሽ‐ሻፊ" (ሁሉንም ፈዋሽ) በሚለው ስምህ ወዳንተ እቃረባለሁ። (ላሺፋአ) ህመምተኛ ላጋጠመው በሽታ ፈውስ የለም (ኢላ ሺፋኡክ) ከአንተ ፈውስ በቀር። (ሺፋአን) አጠቃላይ ፈውስን ስጠው (ላዩጋዲሩ) የማይተውና የማያስቀር የሆነን (ሰቀማ) ሌላን በሽታንም።
ከሐዲሱ የምንጠቀማቸው ቁምነገሮች
- ፈዋሹ አላህ ዐዘ ወጀል ብቻ ነው። ሐኪምና መድሃኒት ግን ያለአላህ ፍቃድ የማይጠቅሙና የማይጎዱ መዳረሻዎች ብቻ ናቸው።
- ህመምተኛን መጠየቅ ሙስሊሞች እርስበርሳቸው ሊያደርጉት የሚገባ ሐቅ ነው። ታማሚው ቤተሰብ ከሆነ ደግሞ የበለጠ ሊጠየቅ የተገባ ይሆናል።
- ህመምተኛን የሚዘይር ሰው በዚህ የተባረከና ከነቢዩ የመጣ በሆነ ዱዓ እንዲያደርግ መነሳሳቱን እንመለከታለን።
- ከነቢዩ (ሶለላሁ ዐለይሂ ወሰለም) የአላህ ሶላትና ሰላም በእርሳቸው ላይ ይስፈንና መመሪያዎች መካከል በቁርአንና በመልካም ዱዓዎች በሸሪዓዊ ሩቃ ማከም አንዱ ነው። ነቢዩ (የአላህ ሰላትና ሰላም በእርሳቸው ላይ ይስፈን) የታመሙ ጊዜ በራሳቸው ላይ ሩቃ ያደርጉ ነበር። እንዲሁም ከቤተሰቦቻቸውም ሆነ ከዛ ውጪ ያለ ሰው ሲታመም ሩቃ ያደርጉላቸው ነበር።
- ኢብኑ ሐጀር እንዲህ ብለዋል: "በርካታ ሐዲሶች እንደሚጠቁሙት ህመምተኛ የሆነ ሰው በበሽታው የሚያገኘው የወንጀል መማርና ምንዳ ያለው ከመሆኑም ጋር እንዲሻለው ዱዓ ያደርግ ዘንድ መታዘዙ ጥያቄ ያስነሳል። መልሱም: ዱዓ አምልኮ ነው። ዱዓ ማድረጉ በሽተኛው ከሚያገኘው ምንዳና ምህረት ጋር አይፃረርም። ምክንያቱም ምንዳውንና ምህረቱን እንደታመመ ነው የሚያገኘው። ዱዓ የሚያደርግ ሰው በሁለት መልካም ነገሮች መካከል ነው። ወይ የፈለገው ፈውስን ያገኛል ወይም ጥቅምን እንዲያገኝ ወይም ጉዳት እንዲወገድለት ተደርጎለት በሌላ ይለወጥለታል። ሁሉም ከአላህ የሆነ ችሮታ ነው።"
ምድቦች
ተጨማሪ
- ሓዲሥ: ከባባዶቹን ወንጀሎች ከተጠነቀቁ አምስቱ ሶላቶች፣ ከጁሙዐ እስከ ጁሙዐ፣ ከረመዳን እስከ ረመዳን በመካከላቸው የተሰሩትን ወንጀሎች ያስሰርዛሉ።
- ሓዲሥ: አንድ ሙስሊም በሌላኛው ሙስሊም ላይ አምስት መብቶች አሉት፤ ሰላምታ መመለስ፣ ህመምተኛ መጠየቅ፣ ጀናዛን መሸኘት፣ ጥሪውን መቀበልና ባስነጠሰው ጊዜ 'የርሐሙከሏህ' ማለት ናቸው።'
- ሓዲሥ: ማነብነብ (ሩቃ) ፣ ሂርዝ ማንጠልጠልና መስተፋቅር ሽርክ ናቸው።
- ሓዲሥ: በአላህ ገንዘብ ያለአግባብ የሚገለገሉ ሰዎች ለነርሱ የትንሳኤ ቀን እሳት ተዘጋጅቶላቸዋል።
- ሓዲሥ: ሟቾችን አትሳደቡ! እነርሱ ወዳስቀደሙት (ስራቸው) ሂደዋልና።
- ሓዲሥ: ሲገናኙ ይህም እየዞረ ያኛውም እየዞረ ወንድሙን ከሶስት ሌሊቶች በላይ ሊያኮርፈው አይፈቀድለትም። ከሁለቱ ምርጡ በሰላምታ የሚጀምረው ነው።
- ሓዲሥ: ዝምድናን ቆራጭ ጀነት አይገባም።