فەرموودە: پیاوێک لای پێغەمبەر -صلى الله علیه وسلم- بەدەستی چەپی خواردنی دەخوارد، پێغەمبەر -صلى الله علیه وسلم- پێی فەرموو: «بە دەستی ڕاستت بخۆ

عَنْ سَلَمَةَ بْنِ الْأَكْوَعِ رضي الله عنه:
أَنَّ رَجُلًا أَكَلَ عِنْدَ رَسُولِ اللهِ صَلَّى اللهُ عَلَيْهِ وَسَلَّمَ بِشِمَالِهِ، فَقَالَ: «كُلْ بِيَمِينِكَ»، قَالَ: لَا أَسْتَطِيعُ، قَالَ: «لَا اسْتَطَعْتَ»، مَا مَنَعَهُ إِلَّا الْكِبْرُ، قَالَ: فَمَا رَفَعَهَا إِلَى فِيهِ.
[صحيح] - [رواه مسلم] - [صحيح مسلم: 2021]

لە سەلەمەی کوڕی ئەکوەعەوە -ڕەزای خوای لێبێت- دەڵێت:
پیاوێک لای پێغەمبەر -صلى الله علیه وسلم- بەدەستی چەپی خواردنی دەخوارد، پێغەمبەر -صلى الله علیه وسلم- پێی فەرموو: «بە دەستی ڕاستت بخۆ»، ئەویش ووتی: ناتوانم، پێغەمبەر -صلى الله علیه وسلم- پێی فەرموو: «هەر نەتوانیت»، هیچ شتێک ڕێگری لێنەکرد جگە لە خۆبەگەورەزانین نەبێت، بۆیە چیتر نەی توانی دەستی ڕاستی بەرز بکاتەوە بۆ دەمی.
[صەحیحە] - [موسلیم گێڕاویەتیەوە] - [صحيح مسلم - 2021]

شیکردنەوە

پێغەمبەر -صلى الله علیه وسلم- پیاوێكی بینی بەدەستی چەپی خواردنی دەخوارد، پێغەمبەر -صلى الله علیه وسلم- فەرمانی پێكرد بەوەی بەدەستی ڕاستی خواردن بخوات، پیاوەكە بە لوت بەزی ودرۆوە وەڵامی دایەوە بەوەی ناتوانێت ! پێغەمبەر -صلى الله علیه وسلم- نزای لێكرد بەوەی بێبەش بكرێت لە خواردن بەدەستی ڕاست، خوای گەورە وەڵامی پێغەمبەری دایەوە ودەستی ڕاستی گۆج بوو، لەپاش ئەمە نەیدەتوانی دەستی ڕاستی بە خواردن وخواردنەوە بەرز بكاتەوە بۆ دەمی.

لە سوودەکانی فەرموودەکە

1. واجبێتی خواردن وخواردنەوە بە دەستی ڕاست، وحەرامبوونی خواردن وخواردنەوە بە دەستی چەپ.
2. کەسێک خۆی بەگەورە دابنێت لە جێبەجێکردنی حوکمە شەرعییەکان؛ شایستەى سزادانە.
3. ڕێزلێنانى خواى گەورە بۆ پێغەمبەرەکەى -صلى اللە علیە وسلم-؛ ئەمیش بە وەڵامدانەوەى نزاکەی.
4. فەرمان بە چاكە ونەهی لە خراپە لەهەموو حاڵەتێكدا تەنانەت لەكاتی خواردنیش ؛ ڕێگەپێدراوە وشەرعیە