Hadithi: Një njeri erdhi te Profeti ﷺ dhe tha: “Es Selamu alejkum!”. Ai ia ktheu selamin, pastaj njeriu u ul. Profeti ﷺ tha: “Dhjetë.”

عَنْ عِمْرَانَ بْنِ حُصَيْنٍ رَضِيَ اللَّهُ عَنْهُ قَالَ:
جَاءَ رَجُلٌ إِلَى النَّبِيِّ صَلَّى اللهُ عَلَيْهِ وَسَلَّمَ فَقَالَ: السَّلَامُ عَلَيْكُمْ، فَرَدَّ عَلَيْهِ ثُمَّ جَلَسَ، فَقَالَ النَّبِيُّ صَلَّى اللهُ عَلَيْهِ وَسَلَّمَ: «عَشْرٌ» ثُمَّ جَاءَ آخَرُ فَقَالَ: السَّلَامُ عَلَيْكُمْ وَرَحْمَةُ اللَّهِ، فَرَدَّ عَلَيْهِ فَجَلَسَ، فَقَالَ: «عِشْرُونَ» ثُمَّ جَاءَ آخَرُ فَقَالَ: السَّلَامُ عَلَيْكُمْ وَرَحْمَةُ اللَّهِ وَبَرَكَاتُهُ، فَرَدَّ عَلَيْهِ فَجَلَسَ، فَقَالَ: «ثَلَاثُونَ».
[حسن] - [رواه أبو داود والترمذي وأحمد والدارمي] - [سنن أبي داود: 5195]

Imran ibn Husajni (Allahu qoftë i kënaqur me të!) rrëfen:
"Një njeri erdhi te Profeti ﷺ dhe tha: “Es Selamu alejkum!”. Ai ia ktheu selamin, pastaj njeriu u ul. Profeti ﷺ tha: “Dhjetë.” Pastaj erdhi një tjetër dhe tha: “Es Selamu alejkum ue rahmetullah!”. Ai ia ktheu selamin, pastaj (njeriu) u ul. Profeti ﷺ tha: “Njëzet.” Pastaj erdhi i treti dhe tha: “Es Selamu alejkum ue rahmetullahi ue berakatuhu!”. Ai ia ktheu selamin, pastaj (njeriu) u ul. Profeti ﷺ tha: “Tridhjetë.”
[Hasen] - [رواه أبو داود والترمذي وأحمد والدارمي] - [Suneni i Ebu Davudit - 5195]

Shpjegimi

Një njeri erdhi te Profeti ﷺ dhe tha: “Es Selamu alejkum!”. Ai ia ktheu selamin, pastaj njeriu u ul. Profeti ﷺ tha: “I janë shkruar dhjetë të mira.” Pastaj erdhi një tjetër dhe tha: “Es Selamu alejkum ue rahmetullah!”. Ai ia ktheu selamin, pastaj (njeriu) u ul. Profeti ﷺ tha: “I janë shkruar njëzet të mira.” Pastaj erdhi i treti dhe tha: “Es Selamu alejkum ue rahmetullahi ue berakatuhu!”. Ai ia ktheu selamin, pastaj (njeriu) u ul. Profeti ﷺ tha: “I janë shkruar tridhjetë të mira." Domethënë, për çdo fjalë llogariten dhjetë vepra të mira.

Mësime nga hadithi

1. Ai që vjen duhet ta fillojë selamin ndaj atyre që janë ulur.
2. Shpërblimi shtohet me shtimin e fjalëve të selamit.
3. Fomra më e plotë e dhënies së selamit është: “Es Selamu alejkum ue rahmetullahi ue berakatuhu!”, ndërsa forma më e mirë e kthimit është: “Ue alejkum es selam ue rahmetullahi ue berakatuhu!”
4. Selami dhe kthimi i tij kanë shkallë të ndryshme, kësisoj edhe shpërblimi ndryshon.
5. Mësimi i njerëzve për atë që është e mirë dhe orientimi i tyre drejt asaj që është më e plotë.
6. Ibn Haxheri ka thënë: "Nëse ai që e fillon selamin shton “ue rahmetullah”, rekomandohet që në kthim të shtohet “ue berakatuhu”. Por nëse ai që e fillon selamin shton “ue berakatuhu”, a lejohet shtesë tjetër në kthim të selamit? Maliku ka transmetuar në "El Muvetta" nga Ibn Abbasi (Allahu qoftë i kënaqur me të!) se ka thënë: "Selami përfundon me "ue berakatuhu".