Ҳадис: Ҳаргоҳ яке аз шумо бародарашро дид, бояд ба ӯ салом диҳад. Агар байни онҳо дарахт, девор ё санг бошад ва баъдтар ӯро бубинад, боз ҳам бояд ба ӯ салом диҳад

عَنْ أَبِي هُرَيْرَةَ رضي الله عنه عَنْ رَسُولِ اللَّهِ صَلَّى اللهُ عَلَيْهِ وَسَلَّمَ قَالَ:
«إِذَا لَقِيَ أَحَدُكُمْ أَخَاهُ فَلْيُسَلِّمْ عَلَيْهِ، فَإِنْ حَالَتْ بَيْنَهُمَا شَجَرَةٌ أَوْ جِدَارٌ أَوْ حَجَرٌ ثُمَّ لَقِيَهُ فَلْيُسَلِّمْ عَلَيْهِ أَيْضًا».
[صحيح] - [رواه أبو داود] - [سنن أبي داود: 5200]

Аз Абуҳурайра (разияллоҳу анҳу) ривоят аст, ки Паёмбар (саллаллоҳу алайҳи ва саллам) фармуданд:
"Ҳаргоҳ яке аз шумо бародарашро дид, бояд ба ӯ салом диҳад. Агар байни онҳо дарахт, девор ё санг бошад ва баъдтар ӯро бубинад, боз ҳам бояд ба ӯ салом диҳад."
[Саҳеҳ] - [رواه أبو داود] - [Сунани Абудовуд - 5200]

Шарҳ

Паёмбар (саллаллоҳу алайҳи ва саллам) мусалмонро ташвиқ мекунад, ки ҳар гоҳ бародари мусалмони худро бинад, бояд бар ӯ салом диҳад. Ҳарчанд онҳо бо ҳам дар роҳ бошанд ва онҳоро чизе аз ҳам, монанди дарахт, девор ё санги калон ҷудо созад, пас аз диданаш боз бори дигар ба ӯ салом диҳад.

Аз фоидаҳои ҳадис

1. Салом додан ва такрори он ҳангоми иваз шудани ҳолат, мустаҳаб аст.
2. Ин нишон медиҳад, ки Расули акрам (саллаллоҳу алайҳи ва саллам) чӣ қадар сахт барои паҳн кардани суннати салом додан ва муболиға дар он талош мекард, зеро ин амр сабаби бештар шудани муҳаббат ва дӯстӣ миёни мусалмонон мешавад.
3. Салом, иборат аст аз гуфтани: "Ассалому алайкум", ё "Ассалому алайкум ва раҳматуллоҳи ва баракотуҳу", ғайр аз даст додане, ки дар бори аввал дидани якдигар сурат мегирад.
4. Салом, дуо аст ва мусалмонон ниёз доранд, ки барои ҳамдигар дуо кунанд, ҳатто агар ин амал такрор шавад.