فەرموودە: ووتم: ئەی پێغەمبەری خودا -صلى الله علیه وسلم- ئایا ڕزگار بوون لە چیدایە؟ فەرمووی: «زمانت بگرە وبیپارێزە، وبا ماڵەکەت بەس بێت بۆت، وبگری بۆ تاوانەکانت

عَنْ عُقْبَةَ بْنِ عَامِرٍ رضي الله عنه قَالَ:
قُلْتُ: يَا رَسُولَ اللهِ مَا النَّجَاةُ؟ قَالَ: «امْلِكْ عَلَيْكَ لِسَانَكَ، وَلْيَسَعْكَ بَيْتُكَ، وَابْكِ عَلَى خَطِيئَتِكَ».
[صحيح] - [رواه الترمذي وأحمد] - [سنن الترمذي: 2406]

لە عوقبەی کوڕی عامرەوە -ڕەزای خوای لێبێت- دەڵێت:
ووتم: ئەی پێغەمبەری خودا -صلى الله علیه وسلم- ئایا ڕزگار بوون لە چیدایە؟ فەرمووی: «زمانت بگرە وبیپارێزە، وبا ماڵەکەت بەس بێت بۆت، وبگری بۆ تاوانەکانت».
[صەحیحە] - - [سنن الترمذي - 2406]

شیکردنەوە

عوقبەی كوڕی عامر -ڕەزای خوای لێبێت- پرسیاری لە پێغەمبەر -صلى اللە علیە وسلم- كرد سەبارەت بە هۆكارەكانی ڕزگاربوونی ئیماندار لە دونیا وقیامەتدا؟
پێغەمبەر -صلى اللە علیە وسلم- فەرمووی: پابەندی سێ شت بە:
یەكەم: زمان بپارێزە وبەدووری بگرە لە ووتنی هەرشتێك كە خێری تێدا نەبێت، ولە ووتنی هەرشتێك شەڕ وخراپەی تێدا بێت، وتەنها باسی خێر وچاكە بكە.
دووەم: پەیوەستی ماڵەكەت بە بۆ پەرستنی الله لەكاتی تەنهابووندا، وسەرقاڵی گوێڕایەڵی وبەندایەتی كردن بە بۆ الله -عز وجل-، وبە مانەوە لە ماڵەكەت دوور بە لە هەموو فیتنە وخراپەیەك.
سێیەم: وبگری وپەشیمان بەرەوە وتەوبە بكە لە هەموو تاوان وگوناهێك كە كردووتە.

لە سوودەکانی فەرموودەکە

1. بەپەرۆشی هاوەڵان -ڕەزاى خوایان لێبێت- لەسەر زانینی ڕێگاكانی ڕزگاربوون.
2. ڕوونكردنەوەی هۆكارەكانی ڕزگاربوون لە دونیا وقیامەتدا.
3. ئامۆژگاری كردنی مرۆڤ بەوەی سەرقاڵی نەفسی خۆی بێت ئەگەر نەیتوانى سوود بە خەڵکی بگەیەنێت، هەروەها تێكەڵ نەبوون لەگەڵ خەڵكی ئەگەر بترسێت لە زیان لەسەر دینداریەکەى یان نەفسی.
4. ئاماژە كردن بۆ گرنگیدان بە مانەوە لە ماڵ بەتایبەتی لەكاتی فیتنەدا، چونكە ئەمە لە هۆكارەكانی پاراستنی ئاین ودینداریە.