Ab Adiis: Damaa wax: "yaw Yonnente Yàlla bi, ana lan mooy musale? Mu ne ma "tëyéel sa làmmiñ, te na la sa kër doy, te nga jooy say ñuumte

عَنْ عُقْبَةَ بْنِ عَامِرٍ رضي الله عنه قَالَ:
قُلْتُ: يَا رَسُولَ اللهِ مَا النَّجَاةُ؟ قَالَ: «امْلِكْ عَلَيْكَ لِسَانَكَ، وَلْيَسَعْكَ بَيْتُكَ، وَابْكِ عَلَى خَطِيئَتِكَ».
[صحيح] - [رواه الترمذي وأحمد] - [سنن الترمذي: 2406]

Jële nañu ci Huqbata ibn Aamir yal na ko Yàlla dollee gërëm mu wax ne:
Damaa wax: "yaw Yonnente Yàlla bi, ana lan mooy musale? Mu ne ma "tëyéel sa làmmiñ, te na la sa kër doy, te nga jooy say ñuumte".
[Wér na] - [At-tirmisiy soloo na ko, ak Ahmat] - [Téere Sunna yi bu At-tirmisiy - 2406]

Leeral

Huqbata ibn Aamir yal na ko Yàlla dollee gërëm dafa laaj Yonnente bi yal na ko Yàlla dolli xéewal ak mucc sabab yiy musal aji-gëm ji ci àdduna ak allaaxira?
Yonnente bi yal na ko Yàlla dolli xéewal ak mucc ne ko: dénk naa la ñatti bir:
Bi ci njëkk: sàmmal sa làmmeñ ci lu amul yiw, ak ci wépp ay, te bul wax lu dul aw yiw.
Ñaareel bi: nanga taqoo ak sa kër ngir jaamu Yàlla ca wéetaay ya, te nga soxlawoo topp Yàlla mu màgg mi, te nga beru ci sa kër wolif fitna yi.
Ñatteel bi: jooyal te réccu te tuub li nga def ci ay bàkkaar.

Bokk na ci njariñi Adiis bi

1. Xërug Sahaaba yi yal na leen Yàlla dollee gërëm ci xam yooni mucc yi.
2. Leeral yiy tax a mucc ci àdduna ak allaaxira.
3. Ñaaxe ci nit ki soxlawoo boppam bu manula jariñ keneen, walla mu ragal lor ci diineem ak bakkanam ci bu jaxasoo ak nit ñi.
4. Ag junj jëm ci yittewoo kër gi rawati na jamonoy fitna, ndax dafa bokk ci jumtukaayi sàmm diine.