Hadith: Hoy aho : Ry irak'Allah ô, inona no famonjena? Dia hoy izy : “Tandremo ny lelanao, ary halalao ho anao ny tranonao, ary mitomaniza amin'ny fahotanao.”

عَنْ عُقْبَةَ بْنِ عَامِرٍ رضي الله عنه قَالَ:
قُلْتُ: يَا رَسُولَ اللهِ مَا النَّجَاةُ؟ قَالَ: «امْلِكْ عَلَيْكَ لِسَانَكَ، وَلْيَسَعْكَ بَيْتُكَ، وَابْكِ عَلَى خَطِيئَتِكَ».
[صحيح] - [رواه الترمذي وأحمد] - [سنن الترمذي: 2406]

Tatitra azo avy tamin'i O'qbata bin À'mir Al-Johanì (R.A) :
Hoy aho : Ry irak'Allah ô, inona no famonjena? Dia hoy izy : “Tandremo ny lelanao, ary halalao ho anao ny tranonao, ary mitomaniza amin'ny fahotanao.”
[Mari-pototra] - [Notantarain'i Al-Tirmizì sy Ahmad] - [Sonan At-Tirmizì - 2406]

Ny fanazavana

Nanontany an'ny Mpaminany (S.A.W) i Oqba Ibn Amir ireo anton'ny hamonjena ny mpino eto an-tany sy ny any ankoatra?
Niteny i Mpaminany (S.A.W) : Zavatra telo no tokony hataonao :
Voalohany : Fehezo ny lelanao amin’ny zavatra tsy tsara, sy ny teny ratsy rehetra, ary aza miteny afa-tsy ny tsara.
Faharoa : Mijanòna ao an-trano mba hanompoana an’Allah irery, miasa amin’ny fankatoavana an’I Allah ilay Tsitoha, ary misintaka mitokana ao antranonao manalavitra ny fakam-panahy.
Fahatelo : Mitomany sy manenina ary mibebaha amin’ny fahotana vitanao.

Lesona azo avy amin'ny Hadith

1. Fitiavan'ireo mpanaradian'ny Mpaminany (S.A.W) hahalala ny làlan’ny famonjena.
2. Fanazavana ny anton’ny fahombiazana eto an-tany sy ny any ankoatra.
3. Mamporisika ny olona iray hiasa mafy an’ny tenany raha tsy mahavita manasoa ny hafa, na matahotra ny hanimba ny fivavahany sy ny tenany raha mifangaro amin’ny olona.
4. Ny fanondroana ny fikarakarana ny tokantrano, indrindra fa mandritra ny fakam-panahy, dia iray amin’ireo fomba hiarovana ny fivavahana.