Hadith: “Eny tokoa, misy amin'ny olona mampiasa ny fananan’Allah tsy ara-dalàna, dia ho ny Afobe no sahaza azy ireo amin'ny andro farany
عن خَولة الأنصاريةِ رضي الله عنها قالت: سمعت النبي صلى الله عليه وسلم يقول:
«إِنَّ رِجَالًا يَتَخَوَّضُونَ فِي مَالِ اللهِ بِغَيْرِ حَقٍّ، فَلَهُمُ النَّارُ يَوْمَ الْقِيَامَةِ».
[صحيح] - [رواه البخاري] - [صحيح البخاري: 3118]
المزيــد ...
Tatitra avy tamin'ny Khawla Al-Answariou (R.A) niteny : Izaho nandre an'ny Mpaminany (S.W.A) niteny manao hoe :
“Eny tokoa, misy amin'ny olona mampiasa ny fananan’Allah tsy ara-dalàna, dia ho ny Afobe no sahaza azy ireo amin'ny andro farany".
[Mari-pototra] - [Notantarain’i Bokhari]
Manazava i Mpaminany (S.W.A), fa misy amin'ny olona izay mandany ny volan'ny mpino silamo amin'ny fomba tsy ara-drariny ary maka izany tsy ara-drariny koa, izany dia amin'ny dikany ankapobeny momba ny fanangonana sy fahazoana vola tsy eken'ny lalàna, sy fampiasana azy tsy amin'ny toerany, toy ny fihinanana ny volan’ireo zaza kamboty sy ny vola natolotra ho an'ny daholobe, ka nivadika tamin'ny fitokisana ary naka azy amin'ny fomba tsy mendrika.
Avy eo izy (S.W.A), dia nilaza fa ny valin-kasan'izy ireo dia ny Afobe amin'ny andro farany.
Lesona azo avy amin'ny Hadith
- Ny vola eo am-pelatanan’ny olona dia volan’i Allah, nanendry azy ireo Allah ho mpitantana azy ary hampiasa azy amin’ny fomba ara-dalàna, ary hisoroka ny fandaniana izany amin’ny fomba tsy ara-dalàna. Amin'ny ankapobeny izany dia eo amin'ny governora sy ny olon-kafa.
- Ny fahamafisan'ny lalàna Islamika momba ny volam-bahoaka, ary na iza na iza miandraikitra izany dia ho tsaraina amin'ny andro fitsanganana amin'ny maty tamin'ny fanangonana sy ny fampiasana azy.
- Tafiditra amin'ity fandrahonana ity izay rehetra mampiasa sy mandany ny vola aman-karena tsy ara-dalàna, na volany izany na an’olon-kafa.
Ireo sokajy
Fanampiny
- Hadith: Ny vavaka dimy isan'andro, ny vavaka zoma hatramin'ny zoma manaraka, ary ny ramadany hatramin'ny ramadany manaraka, dia famafana ny eo anelanelan'izy ireo raha miala amin'ny fahotana lehibe
- Hadith: “Mamy sy maitso tokoa ny eto an-tany, ary Allah nametraka anareo ao aminy ka hijery izay ataonareo. Koa matahora ny eto an-tany ary matahora ny vehivavy
- Hadith: Tandremonareo ny tsy rariny, fa ny tsy rariny dia ho maizina amin'ny andro farany, ary tandremo ny fahirana, satria ny fahirana no naharendrika ireo talohanareo
- Hadith: Nisy lehilahy iray nanontany an'ny Mpaminany (S.A.W) hoe : Aiza amin'ireo fanompoana ao amin'ny finoana silamo no tsara indrindra? Hoy izy namaly hoe : “Mampisakafo olona, ary miarahaba an’izay fantatrao sy izay tsy fantatrao.”