হাদীছ: পুৰুষ মাহৰাম লগত নথকাকৈ এক ৰাতিৰ দূৰত্বলৈ ভ্ৰমণ কৰাটো কোনো মুছলিম নাৰীৰ পক্ষেই বৈধ নহয়।
عن أبِي هُرَيْرَةَ رضي الله عنه قَالَ: قَالَ رَسُولُ اللهِ صَلَّى اللهُ عَلَيْهِ وَسَلَّمَ:
«لَا يَحِلُّ لِامْرَأَةٍ مُسْلِمَةٍ تُسَافِرُ مَسِيرَةَ لَيْلَةٍ إِلَّا وَمَعَهَا رَجُلٌ ذُو حُرْمَةٍ مِنْهَا».
[صحيح] - [متفق عليه] - [صحيح مسلم: 1339]
المزيــد ...
আবু হুৰাইৰাহ ৰাদ্বিয়াল্লাহু আনহুৰ পৰা বৰ্ণিত, তেওঁ কৈছেঃ ৰাছুলুল্লাহ চাল্লাল্লাহু আলাইহি অছাল্লামে কৈছেঃ
"পুৰুষ মাহৰাম লগত নথকাকৈ এক ৰাতিৰ দূৰত্বলৈ ভ্ৰমণ কৰাটো কোনো মুছলিম নাৰীৰ পক্ষেই বৈধ নহয়।"
[ছহীহ] - [(মুত্তাফাক আলাইহ {বুখাৰী মুছলিম})] - [ছহীহ মুছলিম - 1339]
পুৰুষ মাহৰাম লগত নোহোৱাকৈ মুছলিম নাৰীৰ বাবে এক ৰাতিৰ দূৰত্বলৈ ভ্ৰমণ কৰাটো নবী চাল্লাল্লাহু আলাইহি অছাল্লামে উক্ত হাদীছটোত স্পষ্টভাৱে হাৰাম কৰিছে।
হাদীছৰ পৰা সংগৃহীত উপকাৰিতাসমূহ
- ইবনু হাজাৰে কৈছেঃ মাহৰাম নোহোৱাকৈ নাৰীৰ ভ্ৰমণ বৈধ নহয়। হজ্জ আৰু ওমৰাৰ লগতে দাৰুল কুফৰৰ পৰা ওলাই অহাৰ বাহিৰে, এই ক্ষেত্ৰত ইজমা প্ৰতিষ্ঠিত আছে। কিছুমানে আকৌ হজ্জৰ ক্ষেত্ৰতো ইয়াক চৰ্ত হিচাপে লৈছে।
- ইছলামী চৰীয়ত হৈছে পূৰ্ণাংগ চৰীয়ত। ই সদায় নাৰীসকলৰ পক্ষত আৰু সিহঁতৰ অধিকাৰ সুৰক্ষাৰ ক্ষেত্ৰত আগভাগ লৈছে।
- আল্লাহৰ প্ৰতি ঈমান আৰু আখিৰাতৰ প্ৰতি ঈমানৰ বাবে জৰুৰী হৈছে আল্লাহৰ প্ৰতি বিনীত হোৱা আৰু তেওঁৰ সীমাৰেখা লংঘন নকৰা।
- নাৰীৰ মাহৰাম হৈছে তাইৰ স্বামী অথবা সেই ব্যক্তি যাৰ সৈতে চিৰস্থায়ীভাৱে বিবাহ হাৰাম। সেয়া নিকটাত্মীয় হোৱাৰ বাবেই হওক অথবা দুগ্ধপান সম্পৰ্কীয় বিধানৰ বাবেই হওক, নাইবা বিবাহ সম্পৰ্কীয় ক্ষেত্ৰতে হওক। ইয়াৰ লগতে মাহৰাম হ'বলৈ চৰ্ত হৈছে, তেওঁ মুছলিম হ'ব লাগিব, বিবেকসম্পন্ন হ'ব লাগিব আৰু বিশ্বাসযোগ্য হব লাগিব। কিয়নো মাহৰামৰ উদ্দেশ্য হৈছে নাৰীক সুৰক্ষা প্ৰদান কৰা, তাইক চোৱাচিতা কৰা আৰু দায়িত্ব পালন কৰা।
- ইমাম বাইহাকীয়ে সেইবোৰ বৰ্ণনা সম্পৰ্কে কৈছে, য'ত উল্লেখ আছে যে, ইমানখিনি দূৰত্বলৈ নাৰীয়ে মাহৰাম নোহোৱাকৈ ভ্ৰমণ কৰিব নোৱাৰে। এইবোৰ বৰ্ণনাৰ দ্বাৰা বুজা যায় যে, প্ৰত্যেক সেই দূৰত্ব যিটোক ছফৰ (ভ্ৰমণ) বুলি কোৱা হয়, তেনেকুৱা ভ্ৰমণ মাহৰাম নোহোৱাকৈ কৰাটো নাৰীৰ বাবে বৈধ নহয়। সেই দূৰত্ব তিনিদিনৰ হওক অথবা দুদিনৰ নাইবা এদিন অথবা কোনো বিশেষ দূৰত্ব। কিয়নো ইবনে আব্বাছৰ দ্বাৰা বৰ্ণিত হাদীছটোৰ ব্যাপক অৰ্থই এইটোৱে প্ৰমাণ কৰে। মুছলিমৰ অন্যান্য বৰ্ণনাৰ তুলনাত এইটো হৈছে শেহতীয়া বৰ্ণনা, য'ত আছে যে, (لا تسافر امرأة إلا مع ذي محرم) "মাহৰাম নোহোৱাকৈ কোনো নাৰীয়েই যেন ভ্ৰমণ নকৰে।" ইয়াত ভ্ৰমণ বুলি গণ্য হোৱা প্ৰতিটো দূৰত্বই অন্তৰ্ভুক্ত। লগতে এইটোও জানি থোৱা উচিত যে, এই হাদীছটো প্ৰশ্নকাৰীৰ অৱস্থা আৰু অৱস্থান অনুসৰি দিয়া হৈছিল।
শ্ৰেণীবিন্যাসসমূহ
অধিক
- হাদীছ: পাঁচ ওৱাক্ত চালাত, এটা জুমু‘আৰ পৰা আনটো জুমু‘আ তথা এটা ৰামাজানৰ পৰা আনটো ৰামাজান, এইবোৰ হৈছে সেইবোৰ গুনাহৰ কাফফাৰা যিবোৰ ইয়াৰ মধ্যৱৰ্তী সময়ত হৈ থাকে, যদিহে কবীৰা গুনাহৰ পৰা বিৰত থকা হয়।
- হাদীছ: নিশ্চয় কিছুমান লোকে আল্লাহৰ সম্পদ অন্যায়ভাৱে ব্যয় কৰে। এতেকে সিহঁতৰ বাবে কিয়ামতৰ দিনা আছে জাহান্নামৰ জুই।
- হাদীছ: তোমালোকে মৃত লোকসকলক গালি নাপাৰিবা; কাৰণ সিহঁতে নিজৰ কৰ্মফলৰ ওচৰত উপনীত হৈছে।
- হাদীছ: কোনো মুছলিমৰ বাবেই বৈধ নহয় তাৰ ভাইৰ লগত তিনি দিনতকৈ অধিক সময় কথা-বতৰা বন্ধ ৰখা, অৰ্থাৎ যেতিয়া সিহঁতে পৰস্পৰে সাক্ষাৎ কৰে, তেতিয়া এজনে ইফালে মুখ ঘূৰাই লয় আৰু আনজনে সিফালে মুখ ঘূৰাই লয়। সিহঁত দুজনৰ মাজত উত্তম হৈছে সেই ব্যক্তি, যিয়ে প্রথমে ছালাম কৰিব।
- হাদীছ: আত্মীয়তাৰ বন্ধন বিচ্ছিন্নকাৰী জান্নাতত প্ৰৱেশ কৰিব নোৱাৰিব।
- হাদীছ: আল্লাহৰ ওচৰত আটাইতকৈ ঘৃণনীয় ব্যক্তি হৈছে সেইজন, যিজন কলহপ্ৰিয়।
- হাদীছ: যি ব্যক্তিয়ে তাৰ কোনো ভাতৃৰ মান-সন্মানত আহিবলগীয়া আঘাত প্রতিৰোধ কৰিব, কিয়ামতৰ দিনা আল্লাহে সেই ব্যক্তিৰ মুখমণ্ডল (জাহান্নামৰ) জুইৰ পৰা ৰক্ষা কৰিব।