Hadithi: “Femrës muslimane nuk i lejohet të udhëtojë pa një mashkull mahrem të saj në largësi prej një nate.”

عن أبِي هُرَيْرَةَ رضي الله عنه قَالَ: قَالَ رَسُولُ اللهِ صَلَّى اللهُ عَلَيْهِ وَسَلَّمَ:
«لَا يَحِلُّ لِامْرَأَةٍ مُسْلِمَةٍ تُسَافِرُ مَسِيرَةَ لَيْلَةٍ إِلَّا وَمَعَهَا رَجُلٌ ذُو حُرْمَةٍ مِنْهَا».
[صحيح] - [متفق عليه] - [صحيح مسلم: 1339]

Ebu Hurejra (Allahu qoftë i kënaqur me të!) transmeton se Profeti ﷺ ka thënë:
“Femrës muslimane nuk i lejohet të udhëtojë pa një mashkull mahrem të saj në largësi prej një nate.”
[Ky hadith është sahih] - [Muttefek alejhi] - [Sahihu i Muslimit - 1339]

Shpjegimi

Profeti ﷺ e ka sqaruar se nuk lejohet që një grua muslimane të udhëtojë një distancë prej një nate, përveçse nëse shoqërohet nga një burrë prej mahremëve të saj.

Mësime nga hadithi

1. Ibn Haxheri ka thënë: “Ndalohet që një grua të udhëtojë pa mahrem, dhe kjo është me konsensus, përveç në rastet e Haxhit, Umres dhe largimit nga vendi i shirkut (idhujtarisë). Megjithatë, disa dijetarë e kanë vënë këtë si kusht për kryerjen e Haxhit.”
2. Përsosmëria e sheriatit islam dhe kujdesi i tij për ruajtjen dhe mbrojtjen e gruas.
3. Besimi në Allahun dhe në Ditën e Fundit kërkon dorëzim ndaj ligjit të Allahut dhe qëndrueshmëri në kufijtë e Tij.
4. Mahremi i një gruaje është burri i saj ose dikush që është përgjithmonë i ndaluar të martohet me të për shkak të lidhjes së gjakut, gjidhënies ose lidhjes martesore. Ai duhet të jetë musliman, moshërritur, mendërisht i shëndoshë, i besueshëm dhe i sigurt, pasi qëllimi i mahremit është ta mbrojë dhe ruajë gruan dhe të kujdeset për nevojat e saj.
5. Bejhekiu ka thënë lidhur me hadithet e transmetuara që flasin për kohëzgjatjen e udhëtimit, për të cilin një gruaje nuk i lejohet të udhëtojë përveçse me mahrem: “Përmbledhtazi, çdo gjë që quhet udhëtim, një gruaje i ndalohet ta bëjë atë pa bashkëshort ose mahrem, qoftë ai tre ditë, dy ditë, një ditë, një berid (njësi matëse e distancës), apo çfarëdo tjetër, për shkak të kuptimit të përgjithshëm të transmetimit të Ibn Abasit, i cili është i fundit prej transmetimeve të Muslimt më parë: "... gruaja të mos udhëtojë pa mahrem." Kjo vlen për çdo gjë që quhet udhëtim.”
6. Fund i citatit. Ky hadith ishte sipas gjendjes së pyetësit dhe vendit të tij.