ჰადისი: მუსლიმი ქალისთვის არ არის ნებადართული გაემგზავროს ერთი ღამის სავალ მანძილზე, თუ მასთან ერთად არ არის მამაკაცი, რომელიც მისი მაჰრამია

عن أبِي هُرَيْرَةَ رضي الله عنه قَالَ: قَالَ رَسُولُ اللهِ صَلَّى اللهُ عَلَيْهِ وَسَلَّمَ:
«لَا يَحِلُّ لِامْرَأَةٍ مُسْلِمَةٍ تُسَافِرُ مَسِيرَةَ لَيْلَةٍ إِلَّا وَمَعَهَا رَجُلٌ ذُو حُرْمَةٍ مِنْهَا».
[صحيح] - [متفق عليه] - [صحيح مسلم: 1339]

აბუ ჰურაირა (ალლაჰი იყოს მისით კმაყოფილი) გადმოსცემს, რომ ალლაჰის შუამავალმა (ალლაჰის ლოცვა და მშვიდობა მას) თქვა:
«მუსლიმი ქალისთვის არ არის ნებადართული გაემგზავროს ერთი ღამის სავალ მანძილზე, თუ მასთან ერთად არ არის მამაკაცი, რომელიც მისი მაჰრამია».
[სანდო (საჰიჰ)] - [შეთანხმებული] - [საჰიჰ მუსლიმ - 1339]

განმარტება

ალლაჰის მოციქულმა (ალლაჰის ლოცვა და მშვიდობა მას) განმარტა, რომ მუსლიმი ქალისთვის აკრძალულია მოგზაურობა ერთი ღამის სავალზე, თუ მას არ ახლავს მისი მაჰრამი ახლობელი.

ჰადისის სარგებლობიდან

1. იბნ ჰაჯარმა თქვა: «მეურვე თანმხლები მამაკაცის გარეშე ქალისთვის მოგზაურობა აკრძალულია, ამ ყველაფერზე არის ერთსულოვანი აზრი, გარდა ჰაჯობის, უმრას და ურწმუნოთა მიწიდან გადასახლებისა, ასევე არიან ისეთებიც (სწავლულები), ვინც ეს ჰაჯობის პირობად დაასახელა».
2. ისლამური შარიათის სრულყოფილება, ის მკაცრად უფრთხილდება ქალის უსაფრთხოებას და იცავს მას.
3. ალლაჰისა და უკანასკნელი დღის რწმენა მოითხოვს ალლაჰის დადგენილი კანონების მორჩილებას და მისი საზღვრების დაცვას.
4. ქალის მაჰრამი არის ქმარი ან ის პირი, ვისთანაც ქორწინება სამუდამოდ აკრძალულია ნათესაური კავშირის, ძუძუმტეობის, ან ქორწინების ნათესაური კავშირის გამო. მაჰრამი უნდა იყოს მუსლიმი, სრულწლოვანი, გონიერი, სანდო და პატიოსანი. მაჰრამის მიზანია ქალის დაცვა, მოვლა და მისი საქმეების უზრუნველყოფა.
5. იმამ ალ-ბაიჰაყი იმ ჰადისების შესახებ, რომლებიც ქალის მოგზაურობის დროის ხანგრძლივობას განსაზღვრავენ, თქვა:
6. «შეჯამება ის არის, რომ ყველაფერი, რაც მოგზაურობად ითვლება, ქალისთვის აკრძალულია მეუღლის ან მაჰრამის გარეშე, იქნება ეს სამდღიანი, ორდღიანი, ერთდღიანი ან სხვა ხანგრძლივობის. ამისი მტკიცებულებაა აბბასის გადმოცემული ზოგადი ჰადისი, რომელიც მუსლიმის ჰადისების ბოლო ვარიანტია: «არ იმგზავროს ქალმა, თუ მასთან არ არის მაჰრამი».
7. ეს მოიცავს ყველა მოგზაურობად მიჩნეულ შემთხვევას». (ამით დასრულდა ციტირება). ეს ჰადისი დაკავშირებულია მკითხველის მდგომარეობასა და ადგილმდებარეობასთან.