Hadiis: Yεl a naase n be beenẽ, b sẽn wa n be ned ning nengẽ a yɩtame n yaa munaafɩk vẽenega, la ned ning b yembr sẽn wɑ n be ɑ nengẽ , yẽ soab tara sɩf ɑ yembr sẽn yaa munaafɩglem, halɩ t'a wa tʋg n bas-a: -bãmb lɑ woto-: b sã n maan-a bas-m-yam a zãmbdame, a sã n yẽsdẽ a yagdame, a sã n rɩk alkaoole a zãmbdame, a sã n zabe a wẽngdame

عَنْ عَبْدِ اللَّهِ بْنِ عَمْرٍو رضي الله عنهما قال: قال رَسولُ اللهِ صَلَّى اللهُ عَلَيْهِ وَسَلَّمَ:
«أَرْبَعٌ مَنْ كُنَّ فِيهِ كَانَ مُنَافِقًا خَالِصًا، وَمَنْ كَانَتْ فِيهِ خَلَّةٌ مِنْهُنَّ كَانَتْ فِيهِ خَلَّةٌ مِنْ نِفَاقٍ حَتَّى يَدَعَهَا: إِذَا حَدَّثَ كَذَبَ، وَإِذَا عَاهَدَ غَدَرَ، وَإِذَا وَعَدَ أَخْلَفَ، وَإِذَا خَاصَمَ فَجَرَ».
[صحيح] - [متفق عليه] - [صحيح مسلم: 58]

Yii a ʿAbdʋllaah ɭbn ʿAmr nengẽ (Wẽnd yard be b yiibã yĩnga) a yeelame: Wẽnd Tẽn-tʋʋmã yeelame (Wẽnd pʋʋsg la A tɩlgr be a yĩnga):
«Yεl a naase n be beenẽ, b sẽn wa n be ned ning nengẽ a yɩtame n yaa munaafɩk vẽenega, la ned ning b yembr sẽn wɑ n be ɑ nengẽ , yẽ soab tara sɩf ɑ yembr sẽn yaa munaafɩglem, halɩ t'a wa tʋg n bas-a: -bãmb lɑ woto-: b sã n maan-a bas-m-yam a zãmbdame, a sã n yẽsdẽ a yagdame, a sã n rɩk alkaoole a zãmbdame, a sã n zabe a wẽngdame».
[Naṣʋn Ṣahɩɩhʋn (Gom-sikdem sẽn manege)] - [B zemsa taab a zugu (A Al-Bʋẖaariy la a Muslim n reeg-a)] - [Ṣahɩɩh Muslim - 58]

bilgrã

Nabiyaamã bugsdame (Wẽnd pʋʋsg la A tɩlgr be a yĩnga) n yi zʋgd a naase, b sã n tigim lɩslaam nengẽ, a wõnegda munaafɩgsã wʋsgo zʋg-rãmbã sababo, la woto yaa sẽn mik zʋg-kãensã wila a nengẽ, la sã n yaa ned ninga zʋg-kãensã sẽn paood a nengẽ, a ka kẽed a pʋgẽ ye, la bãmb yaa:
Rẽenemã: a sã n yẽse a yagda ne pʋ-toogo, n ka togs sɩda a goamẽ wã ye.
Yiib soabã: b sã n maan-a bas-m-yam a ka pidsd-a ye, la a zãmda a tũud-n-taagã.
Tãab soaba: a sã n rɩk alkaoole a pɑ pidsd-a ye, a yidgd-a lame.
Naas soaba: a sã n zab ne neda a zabrã yɩta kãenkãe, la a kɩll n bas sɩdã, la a na-kẽnd wẽnga a sɩdã basg la yεlã kɩɩsg pʋgẽ, la a gom zĩri-beedo.
Ad munaafɩglem yaa vẽeneg bũmb ning sẽn be pʋgẽ wã sẽn yõsgã, la maana-kãngã bee ned ning sẽn tar zʋg-kãngã wã, yaa woto t'a munafɩglemã bee ne ned ning a sẽn yẽsdã, la a sẽn pʋlmã, la a sẽn kõ bas-m-yamã, la a sẽn zab ne wã, la a sẽn maan alkaoolã nebã pʋga, a ka munaafɩk tɩ bala a vẽnegda lɩslaango la a solgd kɩfẽnd ye. Rẽnd ned ning zʋg-kãngã sẽn yɩ a zʋgdo, munaafɩglem zʋgd n be ne-a halɩ t'a wa bas-ba.

Sẽn be Hɑdiisã yõod-rãmbẽ

1. Yaa sẽn wilgd munaafɩk tagmas-rãmbã sãnda, bʋɩl yĩng tɩ b yεεse la b bugsi n ra lʋɩ b pʋgẽ ye.
2. B sẽn rat hadiisã pʋgẽ wã: yaa tɩ zʋg-kãensã b yaa munaafɩglem zʋgdo, la a soabã wõnda munaafɩgsã zʋg-kãngã pʋgẽ, a zãada b zʋgdã, ka wilgd t'a vẽnegda lɩslaangã la a solgd kɩfẽndã ye, la b yeele tɩ woto yaa ned ning zʋg-kãensã sẽn wili la a maan yam yaal-yaale a pʋgẽ, la a rɩk a yellã tɩ yaa faaga, rẽnd ned ning sẽn yɩ woto, a aƙɩɩda wã (loεεgã) sãamame sẽn waoog fãa.
3. A Al-Gazaaly yeelame: dĩinã yẽgr gũbga yεl a tãabo: koεεga, la tʋʋmde, la Anniya, t'a nek n wilg tɩ koεεg sãamdame ne zĩri, la tʋʋmd sãamdame ne zambo, la Anniya sãamdame ne yidgri; bala pʋleng yidgr ka yɩt wẽnga rẽndame t'a loe n wãaga pʋlengã wakato, la sã n mikame t'a rag n tʋlla pʋlengã pidsgu tɩ gɩdgr wa pɩʋʋge maa yãab (a to) vẽneg a nengẽ, woto munaafɩglem ka be a nengẽ ye.
4. Munaafʋglem yaa kõbg a yiibu: aƙɩɩda (loεεg) munaafɩglem sẽn yiisd a soabã lɩslaangã, la yẽnda yaa vẽneg lɩslaangã la solg kɩfẽndã, la maanegẽ munaafɩglem, la yẽnda wõnda munaafɩgsã ne zʋgdẽ wã, la yãwã ka yiisd a soabã sɩd-kũunẽ ye, la a yaa zũnuub bεdã a yembre.
5. A ɭbn Hagar yeelame: bãngdbã tigima taaba tɩ ned ning sẽn yaa sɩd soaba, a sũurẽ wã la a zelemdẽ wã, n tʋm yel-kãnsã b ka bʋʋd a zug t'a yaa kɩfr ye, a leb n ka munaafɩk sẽn duumd Bugmẽ wã ye.
6. A An-Nawawy yeelame: bãngdb zãma n yeele: b sẽn ratã yaa munaafɩgs nins sẽn da be Nabiyaamã wakatã (Wẽnd pʋʋsg la A tɩlgr be a yĩnga), b yẽsa b sɩd-kũunã yelle n yag zĩri, la b maan b basem-yam b dĩinẽ wã tɩ b zãmbe, la b pʋlem b dĩinã yεlẽ la a sõngre n viigi, la b maan sãanga b zabrã pʋgẽ.