Hadiis: Ad rẽenem zãma sẽn kẽed arzãnã, b yalε wã yaa wala kiuug rasem piig la a naase, rẽ poorẽ neb nins sẽn pʋgd bãmbã b peelemã yɩɩda ãd-pɩndga saasẽ wã

عَنْ أَبِي هُرَيْرَةَ رَضِيَ اللَّهُ عَنْهُ، قَالَ: قَالَ رَسُولُ اللَّهِ صَلَّى اللهُ عَلَيْهِ وَسَلَّمَ:
«إِنَّ أَوَّلَ زُمْرَةٍ يَدْخُلُونَ الجَنَّةَ عَلَى صُورَةِ القَمَرِ لَيْلَةَ البَدْرِ، ثُمَّ الَّذِينَ يَلُونَهُمْ عَلَى أَشَدِّ كَوْكَبٍ دُرِّيٍّ فِي السَّمَاءِ إِضَاءَةً، لاَ يَبُولُونَ وَلاَ يَتَغَوَّطُونَ، وَلاَ يَتْفِلُونَ وَلاَ يَمْتَخِطُونَ، أَمْشَاطُهُمُ الذَّهَبُ، وَرَشْحُهُمُ المِسْكُ، وَمَجَامِرُهُمْ الأَلُوَّةُ الأَنْجُوجُ، عُودُ الطِّيبِ وَأَزْوَاجُهُمُ الحُورُ العِينُ، عَلَى خَلْقِ رَجُلٍ وَاحِدٍ، عَلَى صُورَةِ أَبِيهِمْ آدَمَ، سِتُّونَ ذِرَاعًا فِي السَّمَاءِ».
[صحيح] - [متفق عليه] - [صحيح البخاري: 3327]

Yii a Abɩɩ Hʋrayrat nengẽ (Wẽnd yard be a yĩnga) a yeelame: Wẽnd Tẽn-tʋʋma (Wẽnd pʋʋsg la A tɩlgr be a yĩnga) yeelame:
«Ad rẽenem zãma sẽn kẽed arzãnã, b yalε wã yaa wala kiuug rasem piig la a naase, rẽ poorẽ neb nins sẽn pʋgd bãmbã b peelemã yɩɩda ãd-pɩndga saasẽ wã, b ka rʋʋte, b ka maan wa-kεεnga, b ka tʋbsde, b ka fẽesd b yõy ye, b zutã sãasdsã yaa sãnem, yũ-nood b sẽn fuusd yaa misk, b wisd laasã yaa wisd noodo, b pagb yaa Huuru ʿAyn, b bee rao a yembr tãa naaneg zugu, b saamb a Aadam yalε wã, yaa kãntɩɩs pis-yoob saasẽ wã».
[Naṣʋn Ṣahɩɩhʋn (Gom-sikdem sẽn manege)] - [B zemsa taab a zugu (A Al-Bʋẖaariy la a Muslim n reeg-a)] - [Ṣahɩɩh Al-Bʋẖaary - 3327]

bilgrã

Nabiyaamã (Wẽnd pʋʋsg lɑ A tɩlgr be ɑ yĩngɑ) kõo kibar tɩ muumin-rãmbã rẽenem zama sẽn na n kẽ arzãna, b yaa wala kiuug rasem piig la a naase, vẽenem keelem, b tara sɩf sẽn pidi, bala b ka rʋʋte, b ka sãade, b ka tʋbsde, b ka fẽesde, b zoobdã sãase yaa sãnem, b tʋʋlgã yaa musk yũugu, b vugs laas yaa wusd-rãmb yaa wusg-rãmb sẽn tʋg bn yɩɩd noosem n rukd beenẽ, b pagb yaa Huu Ayn, Wẽnd naan-b lame tɩ bbe rao a yembr zug naanego, b yaa b baaba a Adam naanedẽ, b yĩnsã woglemã yaa kãntɩɩs pis-yoobe Arzẽnã pʋgẽ.

Sẽn be Hɑdiisã yõod-rãmbẽ

1. Wilgda arzãnã koambã sɩfo, la b yɩɩda taab n zems b dargε-rãmbã la b tʋʋmã alkadre.
2. Wilgdame tɩ b tõe n maana wõnesgo, sẽn na yɩl tɩ maanã-rãmbã pẽnege.
3. A Al-Ƙʋrtubiy (Wẽnd na yols-a) a yeelame: b tõe sokdame n yetẽ: yaa bõe tʋlsem la bãmb tara n na n sãas b zoobd la b toeems tɩ b yaool n yaa rasãmb n ka tar toeems tɩ b zoobdã ka rẽgemdẽ? Yaa bõe tʋlsem n tar bãmb ne wusdu, tɩ bãmb yũugã yɩɩd miski? A yeelame: la b loekda bãmbã tɩ arzãnã neemã wã sẽn yaa rɩɩb la yũubu la yerem la yũ-noodo, b ka kom yĩnga, maa ko-yũudu, maa ka tar fut n yeendẽ, maa yaa yũ-yook yĩng ye, la ad yaa wʋm-noog sẽn pʋgd taaba, la neemã-rãmb sẽn tũnugd taab n kõ arzãn koambã, la hɩkma (raab bedr) ning sẽn be beenẽ wã, yaa tɩ b na n wʋmsa noog ne bãmb sẽn da yɩ n wʋmsd noog ne dũni wã kõbg bilg-n-taare.