Hadiis: La yãmb sã n na n kos Wẽnde, bɩ y kos-A Al-fɩrdaoosã

عَنْ عُبَادَةَ بْنِ الصَّامِتِ رَضيَ اللهُ عنهُ أَنَّ رَسُولَ اللهِ صَلَّى اللَّهُ عَلَيْهِ وَسَلَّمَ قَالَ:
«فِي الجَنَّةِ مِائَةُ دَرَجَةٍ مَا بَيْنَ كُلِّ دَرَجَتَيْنِ كَمَا بَيْنَ السَّمَاءِ وَالأَرْضِ، وَالْفِرْدَوْسُ أَعْلاَهَا دَرَجَةً وَمِنْهَا تُفَجَّرُ أَنْهَارُ الجَنَّةِ الأَرْبَعَةُ، وَمِنْ فَوْقِهَا يَكُونُ العَرْشُ، فَإِذَا سَأَلْتُمُ اللَّهَ فَسَلُوهُ الفِرْدَوْسَ».
[صحيح] - [رواه الترمذي] - [سنن الترمذي: 2531]

Yii a ʿƲbaadat ɭbn Aṣ-Ṣaamit nengẽ, (Wẽnd yard be a yĩnga) tɩ Wẽnd Tẽn-tʋʋmã (Wẽnd pʋʋsg lɑ A tɩlgr be ɑ yĩngɑ) a yeelame:
«Arzãnã pʋgẽ, dargε koabg n be beenẽ, dargε a yiib ne a to sʋk fãa, yaa wala sẽn be saasã la Tẽngã sʋka, la Al-fɩrdaoosã yẽnda n zẽk n yɩɩd-b fãa, arzãnã ko-sood a naasã me yaa beenẽ la a pusd n yita, la yẽnda yĩngr la ʿAl-aršã be, La yãmb sã n na n kos Wẽnde, bɩ y kos-A Al-fɩrdaoosã».
[Naṣʋn Ṣahɩɩhʋn (Gom-sikdem sẽn manege)] - [A At-tirmiiziy n togs-a] - [Sunan At-tirmiiziy - 2531]

bilgrã

Nabiyaamã (Wẽnd pʋʋsg lɑ A tɩlgr be ɑ yĩngɑ) kõo kibare, tɩ arzãnã pʋgẽ dargε koabg n be beenẽ, dargε a yiib ne a to sʋk fãa vɩʋʋgã yaa wala sẽn be saasã ne Tẽngã sʋka, la arzãnã dargε sẽn tʋg n zẽk n yɩɩdã yaa Al-fɩdaoose arzãnã, yaa beenẽ me la arzãn ko-sood a naasã bunda, la Al-fɩrdaoosã yĩngr me la ʾAl-aršã be; rẽnd y sã n na n kos Wẽnde, bɩ y kos-a Al-fɩrdaoosa, bala Al-fɩdraoosã zĩigẽ bee arzãn-rãmbã fãa yĩngri.

Sẽn be Hɑdiisã yõod-rãmbẽ

1. A wilgda arzãn koambã dargε-rãmbã sẽn yõs taaba, la rẽnda zemsa ne b sɩd-kũunã la b tʋʋm-sõmsã tεka.
2. A pirsdame tɩ b kos Wẽnd Al-Fɩrdaoos zẽkdgã arzãnã pʋgẽ.
3. Wilgdame tɩ Al-fɩrdaoosã la arzãnã sẽn zẽk n tʋg n yɩɩda, la yɩɩdlem sẽn tʋg n yɩɩda.
4. Sõmba ne lɩslaam t'a tʋlsmã zẽke, la a kẽne la a yãge, n bao arzãnã zĩ-zẽkdg sẽn yɩɩda, la zĩig ning sõmblem sẽn yɩɩd Wẽnd nengẽ wã (A Naam zẽk yã).
5. Arzãnã ko-sood a naasã, bãmb yaa koomã ko-soodã la bĩismã, la rãamã la sɩɩdã, sẽn togs Alkʋrãanã pʋgẽ wã, Wẽnd koεεg sẽn yeele (A Naam zẽk yã): {Arzãn ning b sẽn pʋlem ne Wẽnd zoεtbã bilgri: ko-sood n be a pʋgẽ sẽn yaa koom sẽn pa tedgde, la ko-sor sẽn yaa bĩisim a noosmã pa tedgd ye; la ko-sood sẽn yaa noosem yũudbã yĩnga, la ko-sood sẽn yaa sɩɩd sẽn yɩlge}. Mʋhɑmmɑd (A Mʋhammad sʋʋra: 15).