Ab Adiis: bu ngeen dee laaj Yàlla laajleen ko Firdawsi

عَنْ عُبَادَةَ بْنِ الصَّامِتِ رَضيَ اللهُ عنهُ أَنَّ رَسُولَ اللهِ صَلَّى اللَّهُ عَلَيْهِ وَسَلَّمَ قَالَ:
«فِي الجَنَّةِ مِائَةُ دَرَجَةٍ مَا بَيْنَ كُلِّ دَرَجَتَيْنِ كَمَا بَيْنَ السَّمَاءِ وَالأَرْضِ، وَالْفِرْدَوْسُ أَعْلاَهَا دَرَجَةً وَمِنْهَا تُفَجَّرُ أَنْهَارُ الجَنَّةِ الأَرْبَعَةُ، وَمِنْ فَوْقِهَا يَكُونُ العَرْشُ، فَإِذَا سَأَلْتُمُ اللَّهَ فَسَلُوهُ الفِرْدَوْسَ».
[صحيح] - [رواه الترمذي] - [سنن الترمذي: 2531]

Jële nañu ci Ubaadata Ibnus Saamit -yal na ko Yàlla dollee gërëm- mu jële ci Yonente bi -yal na ko Yàlla dolli xéewal ak mucc- mu wax ne:
"àjjana amna téeméeri daraja diggante ñaari daraja yu nekk day mel ni diggante asamaan ak suuf, Firdawsi moo ca gën a kawe daraja te ca la ñenti dexi àjjana yi di balle, te ca kawam la Aras nekk, bu ngeen dee laaj Yàlla laajleen ko Firdawsi".
[Wér na] - [At-tirmisiy soloo na ko] - [Téere Sunna yi bu At-tirmisiy - 2531]

Leeral

Yonente bi yal na ko Yàlla dolli xéewal ak mucc xamle na ne àjjana téeméeri daraja ak wàccuwaay la, te diggante ñaari daraja yu nekk ci soriwaay moo ngi mel ni diggante asamaan ak suuf, te li gën a kawe ci daraja yii mooy àjjanay Firdawsi, te ca moom la ñenti dexi àjjana yi di balle, te ca kaw Firdawsi la Aras nekk; bu ngeen dee ñaan Yàlla nangeen ko ñaan Firdawsi; ndax moo nekk ci kaw mbooleem àjjana yi.

Bokk na ci njariñi Adiis bi

1. Rawanteg waa àjjana ca seen daraja ya, loolu nag ci kem seenug gëm ak seen i jëf yu baax.
2. Ñaaxe ci laaj Yàlla àjjanay Firdawsi ja gën a kawe ca àjjana.
3. Firdawsi moo gën a kawe ca àjjana, te moo ca gën.
4. Jaadu na ci jullit bi yitteem nekk lu kawe ak mu dox te sàkku wàccuwaay ya gën a kawe te gën fa Yàlla.
5. Ñenti dexi àjjana yi ñooy dexi ndox ak soow ak sàngara ak lem yi ñu tudd ci Alxuraan ci waxi Yàlla mu kawe mi: {Nirële melow Àjjana ja ñuy dig ña ragal Yàlla: amna ci biiram ay dexi ndox yu dul forox, ak ay dexi meew yu cafkaam dul soppiku, ak ay dexi ñoll yu neex ca ña koy naan, ak ay dexi lem yu sell} [Muhammat: 15].