Hadith: ហេតុនេះ នៅពេលដែលពួកអ្នកសុំពីអល់ឡោះ ចូរពួកអ្នកសុំទ្រង់នូវឋានសួគ៌ហ្វៀរទ័ស”។

عَنْ عُبَادَةَ بْنِ الصَّامِتِ رَضيَ اللهُ عنهُ أَنَّ رَسُولَ اللهِ صَلَّى اللَّهُ عَلَيْهِ وَسَلَّمَ قَالَ:
«فِي الجَنَّةِ مِائَةُ دَرَجَةٍ مَا بَيْنَ كُلِّ دَرَجَتَيْنِ كَمَا بَيْنَ السَّمَاءِ وَالأَرْضِ، وَالْفِرْدَوْسُ أَعْلاَهَا دَرَجَةً وَمِنْهَا تُفَجَّرُ أَنْهَارُ الجَنَّةِ الأَرْبَعَةُ، وَمِنْ فَوْقِهَا يَكُونُ العَرْشُ، فَإِذَا سَأَلْتُمُ اللَّهَ فَسَلُوهُ الفِرْدَوْسَ».
[صحيح] - [رواه الترمذي] - [سنن الترمذي: 2531]

អំពី អ៊ូហ្ពាហ្ទះ ពិន អាសស៏មិត رضي الله عنه ពិតណាស់ រ៉ស៊ូលុលឡោះ ﷺ លោកបានមានប្រសាសន៍ថា៖
“នៅក្នុងឋានសួគ៌ មានមួយរយឋានៈ។ ពីឋានៈមួយទៅឋានៈមួយ គឺប្រៀបដូចជារវាងមេឃនិងផែនដី។ ឋានសួគ៌ហ្វៀរទ័ស ជាឋានសួគ៌លំដាប់ខ្ពស់ជាងគេ ហើយទន្លេទាំងបួននៃឋានសួគ៌ គឺហូរចេញពីទីនោះ។ នៅខាងលើឋានសួគ៌ហ្វៀរទ័សនេះ គឺអារ៉ស្ហ។ ហេតុនេះ នៅពេលដែលពួកអ្នកសុំពីអល់ឡោះ ចូរពួកអ្នកសុំទ្រង់នូវឋានសួគ៌ហ្វៀរទ័ស”។
[صحيح] - [رواه الترمذي] - [سنن الترمذي - 2531]

Explanation

ណាពី ﷺ លោកបានប្រាប់ថា ជាការពិតណាស់ នៅក្នុងឋានសួគ៌មានមួយរយឋានៈនិងលំដាប់ថ្នាក់។ ចម្ងាយរវាងឋានៈមួយទៅឋានៈមួយទៀត គឺប្រៀបដូចជាចម្ងាយរវាងមេឃនិងដី។ ឋានសួគ៌ដែលមានលំដាប់ខ្ពស់ជាងគេបំផុតក្នុងចំណោមឋានសួគ៌ទាំងនោះ គឺឋានសួគ៌ហ្វៀរទ័សដែលទន្លេទាំងបួននៃឋានសួគ៌ គឺហូរចេញពីទីនោះ។ នៅខាងលើឋានសួគ៌ហ្វៀរទ័សនេះ គឺអារ៉ស្ហ(បល្ល័ង្គ)របស់អល់ឡោះជាម្ចាស់។ ហេតុនេះ នៅពេលដែលពួកអ្នកសុំពីអល់ឡោះ ចូរពួកអ្នកសុំទ្រង់នូវឋានសួគ៌ហ្វៀរទ័ស ព្រោះវាជាឋានសួគ៌ដែលខ្ពស់ជាងគេបង្អស់។

Benefits from the Hadith

1. អ្នកឋានសួគ៌មានលំដាប់ថ្នាក់ផ្សេងៗពីគ្នាអាស្រ័យទៅតាមជំនឿ និងទង្វើកុសលរបស់ពួកគេ។
2. ជំរុញឲ្យបួងសួងសុំពីអល់ឡោះជាម្ចាស់នូវឋានសួគ៌ហ្វៀរទ័សដែលជាឋានសួគ៌លំដាប់ខ្ពស់ជាងគេបំផុត។
3. ហ្វៀរទ័ស គឺជាឋានសួគ៌លំដាប់ខ្ពស់ជាងគេបំផុត និងប្រសើរជាងគេបំផុត។
4. គប្បីលើជនមូស្លីមត្រូវមានមហិច្ចតាខ្ពស់ ហើយព្យាយាមស្វែងរកនូវឋានៈដែលខ្ពស់ជាងគេបំផុត និងប្រសើរជាងគេបំផុតនៅចំពោះអល់ឡោះ។
5. ទន្លេទាំងបួននៃឋានសួគ៌មានដូចជា ទន្លេទឹកសាប ទន្លេទឹកដោះគោ ទន្លេស្រា និងទន្លេទឹកឃ្មុំ ដូចដែលបានលើកឡើងក្នុងគម្ពីរគួរអានក្នុងបន្ទូលរបស់អល់ឡោះថា៖ “លក្ខណៈរបស់ឋានសួគ៌ដែលគេបានសន្យាចំពោះបណ្ដាអ្នកដែលកោតខ្លាចអល់ឡោះដែលនៅក្នុងនោះមានទនេ្លជាច្រើនអំពីទឹកដែលមិនប្រែក្លិននិងរសជាតិ មានទនេ្លជាច្រើនអំពីទឹកដោះគោដែលមិនប្រែប្រួលរសជាតិរបស់វា មានទនេ្លជាច្រើនអំពីសុរាដែលមានរសជាតិឆ្ងាញ់សម្រាប់អ្នកដែលទទួលទាន និងមានទនេ្លជាច្រើនទៀតអំពីទឹកឃ្មុំដ៏បរិសុទ្ធ”។ [ ស៊ូរ៉ោះ មូហាំម៉ាត់:១៥]