ሓዲሥ: አላህን በጠየቃችሁ ጊዜ ፊርደውስን ጠይቁት።
عَنْ عُبَادَةَ بْنِ الصَّامِتِ رَضيَ اللهُ عنهُ أَنَّ رَسُولَ اللهِ صَلَّى اللَّهُ عَلَيْهِ وَسَلَّمَ قَالَ:
«فِي الجَنَّةِ مِائَةُ دَرَجَةٍ مَا بَيْنَ كُلِّ دَرَجَتَيْنِ كَمَا بَيْنَ السَّمَاءِ وَالأَرْضِ، وَالْفِرْدَوْسُ أَعْلاَهَا دَرَجَةً وَمِنْهَا تُفَجَّرُ أَنْهَارُ الجَنَّةِ الأَرْبَعَةُ، وَمِنْ فَوْقِهَا يَكُونُ العَرْشُ، فَإِذَا سَأَلْتُمُ اللَّهَ فَسَلُوهُ الفِرْدَوْسَ».
[صحيح] - [رواه الترمذي] - [سنن الترمذي: 2531]
المزيــد ...
ከዑባዳህ ቢን ሷሚት (ረዲየሏሁ ዐንሁ) - አላህ መልካም ሥራቸውን ይውደድላቸውና - እንደተላለፈው: የአላህ መልክተኛ (የአላህ ሰላትና ሰላም በእርሳቸው ላይ ይስፈን) እንዲህ ብለዋል:
"ጀነት ውስጥ መቶ ደረጃዎች አሉ። በየሁሉም ደረጃዎች መካከል በሰማይና በምድር መካከል ያለውን ርቀት ያህል አለ። ፊርደውስ የላይኛው ደረጃ ነው። የጀነት ወንዞች የሚመነጩትም ከርሷ ነው። ከላዩዋ ያለውም (ጣሪያዋ) ዐርሽ ነው። አላህን በጠየቃችሁ ጊዜ ፊርደውስን ጠይቁት።"
[ሶሒሕ ነው።] - [ቲርሚዚ ዘግበውታል።] - [ሱነን ቲርሚዚ - 2531]
ነቢዩ (የአላህ ሰላትና ሰላም በእርሳቸው ላይ ይስፈን) በመጪው አለም ጀነት ውስጥ መቶ ደረጃዎች እንዳሉ፤ በየሁሉም ደረጃዎች መካከል የሚገኘው ርቀት በሰማይና በምድር መካከል ያለውን ያህል ርቀት እንደሆነ፤ ከነዚህ ጀነቶች መካከል ከፍተኛዋ ጀነት ፊርደውስ እንደሆነች፤ አራቱ የጀነት ወንዞች የሚመነጩትም ከርሷ መሆኑን፤ ከፊርደውስ በላይም ዐርሽ መሆኑንና ፊርደውስም ከሁሉም ጀነቶች በላይ ስለሆነች አላህን በጠየቃችሁ ጊዜ ፊርደውስን ጠይቁት ብለው ተናገሩ።
ከሐዲሱ የምንጠቀማቸው ቁምነገሮች
- የጀነት ነዋሪዎች በደረጃ እንደሚበላለጡና ይህም በኢማንና በመልካም ስራዎቻቸው ልክ እንደሆነ እንረዳለን።
- አላህን ከጀነት ሁሉ ላእላይ የሆነችውን ፊርደውስ እንድንጠይቀው መነሳሳቱን እንረዳለን።
- ፊርደውስ የጀነት ላይኛዋና በላጯ እንደሆነች እንረዳለን።
- ሙስሊም የሆነ ሰው ከፍ ያለ አላማ ሊኖረው እንደሚገባና አላህ ዘንድ የላቀ የሆነንና በላጭ የሆነን ደረጃ ለማግኘት መልፋትና መጣር እንደሚገባው እንረዳለን።
- ጀነት አራት ወንዞች አሏት: እነርሱም: የውሃ፣ የወተት፣ ወይን ጠጅና የማር ናቸው። እነዚህም በዚህ የአላህ ንግግር ውስጥ በቁርአን ተጠቅሰዋል። {የዚያች ጥንቁቆች ተስፋ የተሰጧት ጀነት ምሳሌ በውስጧ ሽታውን ከማይለውጥ ውሃ ወንዞች፣ ጣዕሙ ከማይለወጥ ወተትም ወንዞች፣ ለጠጪዎች ሁሉ ጣፋጭ ከሆነች የወይን ጠጅም ወንዞች፣ ከተነጠረ ማርም ወንዞች አልሉባት።} [ሙሐመድ: 15]
ምድቦች
ተጨማሪ
- ሓዲሥ: ለተቸገረ (ባለዕዳ) ጊዜ የሰጠ ወይም ይቅር ያለ አላህ ከጥላው በስተቀር ጥላ በሌለበት የትንሳኤ ቀን ከዐርሹ ጥላ ስር ያስጠልለዋል።
- ሓዲሥ: ኢስላም ማለት ከአላህ በስተቀር በእውነት የሚመለክ አምላክ እንደሌለና ሙሐመድም የአላህ መልክተኛ መሆናቸውን ልትመሰክር፣ ሰላት ደንብና ስርዓቱን ጠብቀህ ልትሰግድ፣ ዘካን ልትሰጥ ፣ ረመዷንን ልትፆምና ወደርሱ መንገድን ከቻልክም የአላህን ቤት ልትጎበኝ ሐጅ ልታደርግ ነው።
- ሓዲሥ: ባሮቼ ሆይ! እኔ በደልን በነፍሴ ላይ እርም አድርጌያለሁ! በመካከላችሁም እርም አድርጌዋለሁ! ስለሆነም አትበዳደሉ!
- ሓዲሥ: 'አላህ በዳይን ያዘገየዋል። የያዘው ጊዜ ግን አይለቀውም!
- ሓዲሥ: በማንኛውም ስራ ላይ ሆኖም አላህ ጀነት ያስገባዋል።
- ሓዲሥ: ይህን ጨረቃ እንደምትመለከቱት ጌታችሁንም በርግጥ ታያላችሁ። እርሱን ለማየትም ምንም አትቸገሩም።
- ሓዲሥ: የትንሳኤ ቀን አላህ ከፍጡራኖች ከኔ ተከታዮች መካከል አንድ ሰው ይመርጣል