ഹദീസ്: തൻ്റെ വസ്ത്രം അഹങ്കാരത്തോടെ വലിച്ചിഴച്ചവനെ അല്ലാഹു (കാരുണ്യത്തോടെ) നോക്കുന്നതല്ല
عَنِ ابْنِ عُمَرَ رَضِيَ اللَّهُ عَنْهُمَا أَنَّ رَسُولَ اللَّهِ صَلَّى اللهُ عَلَيْهِ وَسَلَّمَ قَالَ:
«لاَ يَنْظُرُ اللَّهُ إِلَى مَنْ جَرَّ ثَوْبَهُ خُيَلاَءَ».
[صحيح] - [متفق عليه] - [صحيح البخاري: 5783]
المزيــد ...
അബ്ദുല്ലാഹി ഇബ്നു ഉമർ -رَضِيَ اللَّهُ عَنْهُمَا- നിവേദനം: നബി -ﷺ- പറഞ്ഞു:
"തൻ്റെ വസ്ത്രം അഹങ്കാരത്തോടെ വലിച്ചിഴച്ചവനെ അല്ലാഹു (കാരുണ്യത്തോടെ) നോക്കുന്നതല്ല."
[സ്വഹീഹ്] - [ബുഖാരിയും മുസ്ലിമും ഉദ്ധരിച്ചത്] - [صحيح البخاري - 5783]
അഹങ്കാരത്തോടെയും താൻപോരിമയോടെയും വസ്ത്രവും മുണ്ടും നെരിയാണിക്ക് താഴേക്ക് ഇറക്കുന്നതിൽ നിന്ന് നബി (ﷺ) താക്കീത് നൽകുന്നു. ഈ പ്രവൃത്തി ചെയ്യുന്നവർക്ക് കഠിനമായ താക്കീതാണ് അവിടുന്ന് നൽകിയത്; അല്ലാഹു അന്ത്യനാളിൽ അവനെ കാരുണ്യത്തോടെ നോക്കുന്നതല്ല എന്നതാണത്.
ഹദീഥിൻ്റെ പാഠങ്ങളിൽ നിന്ന്
- ഹദീഥിൽ വസ്ത്രം എന്ന അർത്ഥം വരുന്ന 'ഥൗബ്' എന്ന പദമാണ് നബി (ﷺ) പ്രയോഗിച്ചത്. ശരീരത്തിൻ്റെ താഴ്ഭാഗം മറക്കാൻ ഉപയോഗിക്കുന്ന മുണ്ടും ഖമീസും പാൻ്റ്സും മറ്റുമെല്ലാം ഈ പറഞ്ഞതിൽ ഉൾപ്പെടും.
- വസ്ത്രം താഴേക്ക് ഇറക്കരുതെന്ന വിലക്ക് പുരുഷന്മാർക്ക് മാത്രമാണ് ബാധകം. നവവി (رحمه الله) പറയുന്നു: "സ്ത്രീകൾക്ക് വസ്ത്രം ഞെരിയാണിക്ക് താഴേക്ക് താഴ്ത്തുന്നത് അനുവദനീയമാണെന്നതിൽ പണ്ഡിതന്മാർ ഏകോപിച്ചിരിക്കുന്നു. സ്ത്രീകൾക്ക് തങ്ങളുടെ വസ്ത്രത്തിൻ്റെ താഴ്ഭാഗം ഒരു മുഴം വരെ ഇറക്കാൻ നബി ﷺ അനുവദിച്ചിട്ടുണ്ട് എന്ന കാര്യം ഹദീഥിൽ സ്ഥിരപ്പെട്ടിട്ടുണ്ട്."
- ഇബ്നു ബാസ് (رحمه الله) പറയുന്നു: "വസ്ത്രം ഞെരിയാണിക്ക് താഴേക്ക് ഉടുക്കുക എന്നത് നിഷിദ്ധവും ഹറാമുമായ കാര്യമാണെന്നാണ് ഹദീഥുകളുടെ പൊതുപ്രയോഗങ്ങളിൽ നിന്ന് മനസ്സിലാകുന്നത്. എന്നാൽ അതിനുള്ള ശിക്ഷയുടെ കാര്യത്തിൽ വ്യത്യാസമുണ്ടായിരിക്കും; അഹങ്കാരത്തോടെ വസ്ത്രം താഴ്ത്തിയുടുത്തവനുള്ള ശിക്ഷയും അതല്ലാത്തവനുള്ള ശിക്ഷയും ഒരു പോലെയാവില്ല."
- ഇബ്നു ബാസ് (رحمه الله) പറയുന്നു: "സ്ത്രീ പൂർണ്ണമായും ഔറത്താണ് (മറച്ചു വെക്കപ്പെടേണ്ടതാണ്). അതിനാൽ അവർക്ക് തങ്ങളുടെ വസ്ത്രം ഒരു ചാൺ വരെ താഴ്ത്തുന്നതിൽ തെറ്റില്ല. അത് കൊണ്ട് അവർക്ക് മതിയാവില്ലെങ്കിൽ ഞെരിയാണി
- മുതൽ ഒരു മുഴം വരെ അവർക്ക് താഴ്ത്തിയിടാവുന്നതാണ്."
- ഖാദീ ഇയാദ്വ്
- (رحمه الله) പറയുന്നു: "പണ്ഡിതന്മാർ പറയുന്നു: വസ്ത്രത്തിൻ്റെ കാര്യത്തിൽ ആവശ്യത്തിലപ്പുറം നീളമോ വീതിയോ അധികരിപ്പിക്കുന്നതെല്ലാം വെറുക്കപ്പെട്ട മക്റൂഹായ പ്രവൃത്തിയാണ്. അല്ലാഹുവിനാണ് കൂടുതൽ അറിയുക."
- നവവി (رحمه الله) പറയുന്നു: "വസ്ത്രത്തിൻ്റെ ഇറക്കത്തിൻ്റെ കാര്യത്തിൽ ഏറ്റവും പുണ്യകരമായ അളവ് കണങ്കാലിൻ്റെ മദ്ധ്യം വരെയാണ്. എന്നാൽ അത് മുതൽ ഞെരിയാണി വരെയാകുന്നത് തെറ്റില്ലാത്ത കാര്യമാണ്. അതിലും താഴേക്ക് പോകുന്നത് നരകത്തിലാണ്.
- ചുരുക്കത്തിൽ കണങ്കാലിൻ്റെ മദ്ധ്യത്തിൽ കിടക്കുന്നത് പുണ്യകരവും, അവിടം മുതൽ ഞെരിയാണി വരെയുള്ളത് അനുവദനീയവും, അതിൽ താഴെയുള്ളത് വിലക്കപ്പെട്ടതുമാണ്."
- ഇബ്നു ഉഥൈമീൻ (رحمه الله) പറയുന്നു: "അല്ലാഹു അവനെ നോക്കുകയില്ല എന്നാണ് നബി (ﷺ) പറഞ്ഞത്. കാരുണ്യത്തോടെയും അനുകമ്പയോടെയും നോക്കുകയില്ല എന്നാണ് അതിൻ്റെ അർത്ഥം. അതല്ലാതെ, ഒരു നിലക്കും അവനെ നോക്കുകയില്ല എന്നല്ല. കാരണം അല്ലാഹുവിന് യാതൊരു വസ്തുവും അവ്യക്തമാവുകയോ അവൻ്റെ കാഴ്ച്ചയിൽ നിന്ന് എന്തെങ്കിലുമൊരു കാര്യം മറഞ്ഞു പോവുകയോ ഇല്ല. ഹദീഥിലെ ഉദ്ദേശ്യം കാരുണ്യത്തോടെയും അനുകമ്പയോടെയുമുള്ള നോട്ടമാണ്."
കൂടുതൽ
- ഹദീസ്: അഞ്ചു നമസ്കാരങ്ങൾ, ഒരു ജുമുഅ മുതൽ അടുത്ത ജുമുഅ വരെ, ഒരു റമദാൻ മുതൽ അടുത്ത റമദാൻ വരെ; ഇവക്കിടയിലുള്ള (തിന്മകൾക്കുള്ള) പ്രായശ്ചിത്തമാണ്; വൻപാപങ്ങൾ ഉപേക്ഷിക്കപ്പെട്ടുവെങ്കിൽ.
- ഹദീസ്: ചിലർ അല്ലാഹുവിൻ്റെ സമ്പത്തിൽ നിന്ന് അന്യായമായി (പലതും) കൈവശപ്പെടുത്തുന്നു. ഉയിർത്തെഴുന്നേൽപ്പിൻ്റെ നാളിൽ നരകമാണ് അവർക്കുള്ളത്.
- ഹദീസ്: മരണപ്പെട്ടവരെ നിങ്ങൾ മോശം പറയരുത്. തങ്ങൾ ചെയ്തു വെച്ചതിലേക്ക് അവർ എത്തിച്ചേർന്നിരിക്കുന്നു.
- ഹദീസ്: തൻ്റെ സഹോദരനെ മൂന്നിലധികം ദിവസത്തേക്ക് അകറ്റിനിർത്തൽ ഒരു മുസ്ലിമിന് അനുവദനീയമല്ല. രണ്ടു പേരും കണ്ടുമുട്ടുമ്പോൾ ഇവൻ ഇങ്ങോട്ടും, അവൻ അങ്ങോട്ടുമെന്ന രൂപത്തിൽ തിരിഞ്ഞു കളയുക (എന്നത് പാടില്ല). അവരിൽ ഏറ്റവും നല്ലവൻ ആദ്യം സലാം പറഞ്ഞു കൊണ്ട് തുടങ്ങുന്നവനാണ്.
- ഹദീസ്: കുടുംബബന്ധം മുറിക്കുന്നവൻ സ്വർഗത്തിൽ പ്രവേശിക്കുകയില്ല.
- ഹദീസ്: കടുത്ത താർക്കികനായുള്ള വ്യക്തിയാണ് അല്ലാഹുവിന് ഏറ്റവും കോപമുള്ളയാൾ.
- ഹദീസ്: ആരെങ്കിലും തന്റെ സഹോദരന്റെ അഭിമാനത്തെ പ്രതിരോധിച്ചാൽ അന്ത്യനാളിൽ അല്ലാഹു അവന്റെ മുഖത്തെ നരകത്തിൽ നിന്ന് തടുക്കുന്നതാണ്.