ഹദീസ്: ഏഷണിയുമായി നടക്കുന്നവൻ സ്വർഗത്തിൽ പ്രവേശിക്കുകയില്ല.
عن حذيفة رضي الله عنه عن النبي صلى الله عليه وسلم قال: «لا يدخل الجنة قَتَّات».
[صحيح] - [متفق عليه]
المزيــد ...
ഹുദൈഫ -رَضِيَ اللَّهُ عَنْهُ- നിവേദനം: നബി -ﷺ- പറഞ്ഞു: "ഏഷണിയുമായി നടക്കുന്നവൻ സ്വർഗത്തിൽ പ്രവേശിക്കുകയില്ല."
സ്വഹീഹ് - ബുഖാരിയും മുസ്ലിമും ഉദ്ധരിച്ചത്
നബി -ﷺ- ഈ ഹദീഥിലൂടെ ഏഷണിയുമായി നടക്കുന്നവന് കടുത്ത താക്കീത് നൽകുന്നു. കുഴപ്പം സൃഷ്ടിക്കുക എന്ന ഉദ്ദേശത്തോടെ ജനങ്ങളുടെ സംസാരം പരസ്പരം എത്തിച്ചു നൽകുക എന്നതാണ് ഏഷണി കൊണ്ട് ഉദ്ദേശിക്കുന്നത്. ഇത്തരക്കാർ പരലോകത്ത് നേരിട്ട് സ്വർഗത്തിൽ പ്രവേശിക്കുന്നതല്ല. മറിച്ച് അവൻ്റെ തിന്മയുടെ തോതനുസരിച്ചുള്ള ശിക്ഷ അതിന് മുൻപ് അവന് ലഭിക്കുന്നതാണ്. ഹദീഥിൽ പരാമർശിക്കപ്പെട്ട 'ഖത്താത്' എന്ന പദത്തിൻ്റെ അർത്ഥം ഏഷണിക്കാരൻ എന്നാകുന്നു. ഏഷണി വൻപാപങ്ങളിൽ പെട്ടതാണെന്ന് ഈ ഹദീഥിൽ നിന്ന് മനസ്സിലാക്കാം.
ഹദീഥിൻ്റെ പാഠങ്ങളിൽ നിന്ന്
- * ഏഷണി പറയുക എന്നത് വൻപാപങ്ങളിൽ പെട്ട കാര്യമാണ്. അത് മൂലമുണ്ടാകുന്ന മോശം സ്വാധീനങ്ങളും, പ്രയാസകരമായ അന്ത്യങ്ങളുമാണ് അത് വൻപാപമാകുവാനുള്ള കാരണം.
- * മുസ്ലിമീങ്ങൾക്കിടയിൽ പരസ്പരം സ്നേഹബന്ധം ഊട്ടിയുറപ്പിക്കാൻ സഹായകമാകുന്ന എല്ലാ കാര്യങ്ങൾക്കും മേലാണ് ഈ ദീൻ പടുത്തുയർത്തപ്പെട്ടിരിക്കുന്നത്.
വിഭാഗങ്ങൾ
കൂടുതൽ
- ഹദീസ്: വൻ പാപങ്ങളിൽ ഏറ്റവും വലുത് ഏതാണെന്ന് ഞാൻ നിങ്ങൾക്ക് അറിയിച്ചു തരട്ടെയോ?
- ഹദീസ്: ഏഴു നാശകരങ്ങളായ പാപങ്ങളെ നിങ്ങൾ ഉപേക്ഷിക്കുക! അവർ - സ്വഹാബികൾ - ചോദിച്ചു: "അല്ലാഹുവിൻ്റെ റസൂലേ! ഏതെല്ലാമാണ് അവ?!" നബി -ﷺ- പറഞ്ഞു: "അല്ലാഹുവിൽ പങ്കുചേർക്കൽ (ശിർക്ക്), മാരണം ചെയ്യൽ (സിഹ്ർ), അല്ലാഹു ആദരണീയമാക്കിയ മനുഷ്യാത്മാവിനെ അന്യായമായി വധിക്കൽ, പലിശ ഭക്ഷിക്കൽ, അനാഥൻ്റെ സ്വത്ത് ഭക്ഷിക്കൽ, യുദ്ധത്തിൽ നിന്ന് പിന്തിരിഞ്ഞോടൽ, പരിശുദ്ധകളും (മ്ലേഛവൃത്തികൾ) ചിന്തിക്കാത്തവരുമായ വിശ്വാസിനികളെപ്പറ്റി അപവാദം പ്രചരിപ്പിക്കൽ; (എന്നിവയാണവ)."
- ഹദീസ്: അഞ്ചു നമസ്കാരങ്ങൾ, ഒരു ജുമുഅ മുതൽ അടുത്ത ജുമുഅ വരെ, ഒരു റമദാൻ മുതൽ അടുത്ത റമദാൻ വരെ; ഇവക്കിടയിലുള്ള (തിന്മകൾക്കുള്ള) പ്രായശ്ചിത്തമാണ്; വൻപാപങ്ങൾ ഉപേക്ഷിക്കപ്പെട്ടുവെങ്കിൽ.
- ഹദീസ്: ചിലർ അല്ലാഹുവിൻ്റെ സമ്പത്തിൽ നിന്ന് അന്യായമായി (പലതും) കൈവശപ്പെടുത്തുന്നു. ഉയിർത്തെഴുന്നേൽപ്പിൻ്റെ നാളിൽ നരകമാണ് അവർക്കുള്ളത്.
- ഹദീസ്: നിങ്ങൾ ഊഹത്തെ സൂക്ഷിക്കുക. തീർച്ചയായും സംസാരങ്ങളിൽ ഏറ്റവും വലിയ കളവാകുന്നു ഊഹം.
- ഹദീസ്: മരണപ്പെട്ടവരെ നിങ്ങൾ മോശം പറയരുത്. തങ്ങൾ ചെയ്തു വെച്ചതിലേക്ക് അവർ എത്തിച്ചേർന്നിരിക്കുന്നു.
- ഹദീസ്: തൻ്റെ സഹോദരനെ മൂന്നിലധികം ദിവസത്തേക്ക് അകറ്റിനിർത്തൽ ഒരു മുസ്ലിമിന് അനുവദനീയമല്ല. രണ്ടു പേരും കണ്ടുമുട്ടുമ്പോൾ ഇവൻ ഇങ്ങോട്ടും, അവൻ അങ്ങോട്ടുമെന്ന രൂപത്തിൽ തിരിഞ്ഞു കളയുക (എന്നത് പാടില്ല). അവരിൽ ഏറ്റവും നല്ലവൻ ആദ്യം സലാം പറഞ്ഞു കൊണ്ട് തുടങ്ങുന്നവനാണ്.